نهوة استاذي

البارت الثالث عشر

نهوة استاذي ❤️

بقلم _Zoza25
قرائه ممتعه ♥️
....................................
كلمة "اسف" تنفع لما
تضرب كتف غريب بالغلط
أو تكب كأس بالغلط ، بس
لما توجع شخص وتغلط بحقه
فسّر، برّر، تحمّل المسؤوليه ،
لكن اسف ما تنفع.
........................................
احمد _جنت داتمشه بالممر شفته دنيا من بعيد واكفه ويه ولد وجان شكلها غريب عصبيه على مقهوره ماعرف حسيت هذا الولد يمكن كاعد يضايقها لو شنو شفتها راحت طلعت من الجامعه بقه واكف هوه مترددت  لحضه انو اروح واحجي وياه جان ظهره عليه لزمته من جتفه ودرته عليه

احمد _بله زحمه انته شنو اسمك؟؟

فادي _فادي دكتور

احمد _هلا فادي اريد أسألك سؤال ليش جنت كاعد تزعج الابنيه؟

فادي _يا بنيه دكتور!!

احمد _الي جنت قبل دقايق واكف وياها فادي لا تستغبي روحك عليه __z͠o͠z͠a͠2͠5͠

فادي _اي صح جنت واكف ويه بنيه قبل شويه بس مجنت ازعجها شنو السالفه دكتور

احمد _لعد الي شفته قبل شويه شنوو احجي من الاخير شعدك وياها

فادي _دكتور هاي حبيبتي تره

احمد _شنوو؟ حبيبتك؟ شكاعد تخربط انته ولكك

فادي _اي دكتور تره عادي ليش هيج تحجي وياي حبيبتي وصار سنه سويه احنه  نطلع ونطب يعني اكيد الي شفته مجان كاعد ازعجها

احمد _لزكمته من ياخته حقيييير بيك حظ اخطبها احسن من الكلاوات الي كاعد تسويهااا

فادي_حاول يوخر ايد احمد... دكتور هاي شبيك صح انته دكتور وعلى عيني وراسي بس مو مال تعاملني هيج... هيه قابله انو علاقتنه هيج ومتريد اخطبها احنه مرتاحين هيج هسه شدخلك انته القاضي راضي

احمد _ضربته بوكس على وجهه خليت خشمه يصب دم.... حقيييير وتحجيها بوجهي هيج اخلاق سززز والله تريد تتبله على الابنيه هااا__z͠o͠z͠a͠2͠5͠

فادي _وهوه يمسح خشمه.... شتبله دكتور مدكلي الابنيه تحبني واني احبها وصار سنه على علاقتنه وحالنه حال المخطوبين تره نسولف ونفتح كام ونتخابر وهيه قابله بهل شي واذا مصدك روح اسألها.... يعني شنو تريد اوضحلك اكثر طبيعه علاقتنه؟؟ هسه قابل اني اول واحد عده حبيبه وهجمت عليه هيج

احمد _هجمت عليه واضربه بكل قوه عدي كلامه مبقه عقل عدي لحد ما اجت الأمن فكوني من عده كتلهم
طلعوووووا هذا الزباله برره ماريد اشوفه كبالي... لزمت راسي بقووه واعصابي ترجف معقوله دنيا معقوله تطلعين هيج رخصيه والله مداصدك...

كبل طلعت من الجامعه ولحسن حظي شفت خطها بعدهم مرايحين رحت يمها فتحت باب السياره وصحت بيها... دنيا نزززلي بسرعه