نهوة استاذي

البارت الثلاثون

نهوة استاذي ❤️

بقلم _Zoza25
(البارت الثلاثون)
قرائه ممتعه ♥️

..............................
تجي نسّهر ؟
‏وندعي الصبَح يتأخر
‏أسُولف لكْ عن أشوَاقي
‏وتقول أنا أكثر؟
................................
فهد _ساره تأخرتي اي تأخرتي هوايه هم

ساره_اااحبك فهد لا تروح انته تحبني الي وبس الي..

فهد _واني اموت على النفس الي تاخذي سارتي..
للأسف هاي اخر مره اكلج بيها سارتي انتي تنازلتي عليه من زمان وهسه صار كل شي تحت الأمر الواقع مابيدي بعد اسوي شي

ديري بالج على نفسج واي شي تحتاجي لا تترددين انو تجين عليه

ساره _ي يعني خلاص انتهينه..

فهد _انتهينه..

طلع من الغرفه وعافني معبالك طلع من الغرفه لاا طلع من روحي وسحبوا مني.. __z͠o͠z͠a͠2͠5͠

كامت تزل دموعي بدون متوكف اريد اسكت ماكو..

بقيت على هاي الحاله كلبي يدك قوي ودموعي الحاره تنزل على خدي..

لحد ماسمعت صوت الهلاهل يعني زفوهم مطلعت مكدرت اعتب الباب ماكدر كلبي راح يوكف واحس بروحي اجر النفس بالكوه...

هدئت صوت الهلاهل والناس كلت خلص كل شي حاولت اتماسك مسحت دموعي طلعت  من الغرفه..

دقايق ونزل فهد من فوك لابس دشداشه بيضه وانركعت الهلاهل...

ونزلت وراه من فوك رسل مرت سعد لازمه الوصله البيضه وتهف بيها كدام النسوان

رسل _بتنه بنت الأصول بنت العز.. بنت الشرف..

هااي الرداها وهاي التمناها بت الشيخ لابن الشيخ جبناها وكلووووش

شايف خير ومستاهلها... منك المال ومنها العيال نسيبنه... نتشكر من كال اخذوها..

فهد جان مكتفي بالنضرات حته ابتسامه مطلعت منه رادوا بعد يهوسون سكتهم

فهد _كااافي عااد الي طلبتوا نفذته وأخذتها وثبتت شرفها الكم وسترت عليها خلصت المسرحيه توكلوا..

رسل _شجاك عريسنه غير فرحانين بيكم

فهد _داكول..

منال_روح يمه حبيبي سلم على الزلم بره..

جنت اتوسل بروحي ما ابجي ماريد ماريد...
خلص ساره خلصت هاهيه لا تبجين..

جنت واكفه قريب الحمام رأسا فتحت الباب وطبيت قفلتها عليه وكمت ابجي بحركه واضرب على كلبي

كاافي كاافي لا تنبض اله راح يموتك هذا الحب..
كمت اشهك اريد  اخذ نفس جسمي يرجف لدرجه ماكدر اوكف على رجلي..