نهوة استاذي

البارت السادس والثلاثون

قبل متقرون دوسوا ال ⭐ ⭐ ⭐

نهوة استاذي

بقلم _Zoza25
(البارت السادس والثلاثون)
قرائه ممتعه ♥️
.........................
‏الطلقة الأولى كانت في القلب.
‏الطلقات الأخرى لم تكن مهمة ،
لأن الأولى تكفلت بالقتل
..........................
شهلاء _ يكولون احمد مصاوب

ام احمد _شنوووو...
شكااعد تحجين انتي منوو كلج هذا الحجي

شهلاء _ياا صدك تحجين العشيره كلها تدري ورايحين يتحمدون بالسلامه اله وين عايشين انتوا..

ام احمد _ لييش من وره منوو صار هيج بأبني مو كله من وره مشاكلكم وفرحانه تكولين اليه هذا الخبر..
قطعت الاتصال وياها... فهد فهد وينك يمه

دنيا _خاله شكو شصاير فدوه احجي كلبي راح يوكف شبي احمد

ساره _يمه فدوه شكوو شصاير

ام احمد _مادري يايمه مادري خابرتني هاي شهلاء تكلي احمد مصاوب صارله كم يوم والعشيره كلها تعرف __z͠o͠z͠a͠2͠5͠

بهل أثناء جان ينزل فهد من فوك على صوتنه..

فهد _خيير شصاير ليش هذا العياط

ام احمد _فهدد احمدد وين كول ولا جذب عليه تره كلبي حاسسني صار كم يوم بس اجذب على روحي واكول لا ماكو شي بس لهنا بعد ماكدر اصبر اذا متحجي والله اصير مو خوش

فهد _بس اهدي خاله وثانيا منو كلج احمد بي شي ؟؟

منال _هاي شهلاء هيه الي حاجيه هيج مخابره على خالتك

فهد _خرب بيها ولا تكدر تكعد بله مشاكل والله العظيم..
خالتي تره اني عبد مأمور احمد حلفني ماحجي كبالكم حته لا يظل بالكم هاي بالكعده العشيره الخ جانت شايله مسدسات عبالك مدري شكوو

مهم أثناء النقاش وبعد ما جابوا جاسم بالسحلات وعشيره ابو جاسم حاجين منا ومنا وشاب طايش نحلها بالتراضي لحد ما كايلين حلها ٥٠ مليون رد اعتبار لانو داس بساطهم ويزوج الابنيه حته يستر عليها احنه مكلنه شي لانو بس نريد نلملم السالفه بس هذا جاسم طلع صفح بالحجي__z͠o͠z͠a͠2͠5͠

جاسم _وشنوو ادفع ٥٠ مليون علمود شنو تره لا جبرتها ولا شي اجت بموافقتها نامت وياي احسن مجايين حادين سنونكم عليه روحوا ربوها لبتكم

ابو جاسم _جاااااسم اااانجب واسكت فوك عملتك السوده بعد الك عين تحجي؟؟

جاسم _شمسووي مدكلي اذا بتهم رخيصه وهسه صارت شريفه براسي ميشرفني ازوج وحده بايعه نفسها وادفع فلوس على زركه

الشيخ _وللللك تححجي على شررفنه كباالنه وين صايره هااي

ابن الشيخ _مصايره ولا راح تصير مثلها لا والله