نهوة استاذي

البارت الرابع والعشرون

نهوة استاذي ❤️

بقلم  _Zoza25
(البارت الرابع والعشرون)

قرائه ممتعه ♥️
..................................
احمد يكول ل دنيا 👇

‏"أبدو بارد،
بارد وغير مهتم بشكلٍ غريب،
بينما داخلي يرتجف حبًا،
أنا الوحيد الذي يحب بهذا الشكل،
طريقتي خطأ لكن شعوري صحيح للغاية"

......................................
دنيا _صدك كلامه قهرني عفته وصعدت ويه حسين ونزلت الشال على وجهي انسان بألف شخصيه والله وميثبت على شخصيه وحده ويريد مني انتبه على تصرفاتي...

صعدوا الكل بالسياره وراها مشينه الطريق كله يخزر بيه واني هم درت وجهي عنه شسويله.... ربع ساعه وصلنه لبيت العروس نزلنه وسولنه الزلم طريق دخلنه النسوان كلنه سويه__z͠o͠z͠a͠2͠5͠

سلمت على خاله ام نور كلتلي نور فوك رحت صعدت لغرفتها دكيت الباب وفتت جانت كاعده وحدها بس ما شاء الله طالعه أيه من الجمال هيه بالاصل حلوه مو هنوب رايحه صالون

رحت يمها شفت وجهه مصوفر كتلها... هاا ولج شو بعدنه بسم الله مخطبتي وشلتي خشمج علينه مو هنوب تصير صدك تكومين اصلا متباعين علينه وتغيرين رقمج مثل هذولاك الناس هههههه

نور_لج خااب ولي من يمي راح اموت اني من التوتر وهيه تكلي اغير رقمي شبيه مسودنه

دنيا _هههه لا تخافين هسه رجلج هوه بنفسه يغيرلج الرقم

نور _اي مو هوه استاذ احمد قابل... لج كافي لا تسولفين وياي خليني بهمي

دنيا _ههه لج خبله شبيج يا هم هذا

نور _ اكلج خايفه ومتوتره طلعت السالفه مو سهله والله مدري شبيه حته بطني ماغصتني من الصبح لهسه

دنيا _لج بابا كولي يا الله هيه بس كلمه تحجيها وخلصت السالفه ها اها

نور _شوف اني ويامن احجي ويه الي بله احساس هسه اذا اسألج شنو جان لابس احمد بالخطبه مالتكم يمكن متذكرين

دنيا _اهوو يابه سكتي.. تره قصدي انو اني مهتميت هيج وخبصت روحي مجرد شغله دقايق وفضت

نور _اي اي.. اكلج شلابس اخوج

دنيا _ماحجي بعد شويه تعرفين

نور_شهل خباثه تعرفين بيه استحي اباع عليه عينك عينك __z͠o͠z͠a͠2͠5͠

دنيا _اي واني لهذا السبب اريدج تباعين هههه

نور _يايمه وخري من عدي خلي اجر نفس..

دنيا _يلا كاعد يصيحون صار لازم تنزلين

نور _اي اي اخ يمه هاي صارت صدك.. بس فدوه ابقى وياي

دنيا _ههه اكيد حبيبتي بدون متوصين.. نزلتها وبدت النسوان تركع بالهلاهل كعدتها يم الباب حته يسمع الشيخ موافقتها دقايق وتم العقد