نهوة استاذي

دردشة

السلام عليكم ♥️

قبل فتره ختمت قصة نهوة استاذي بس مصار عدي وكت انزل دردشة واجاوبكم على بعض اسألتكم..

فبما انو كاعده هسه كلت نحجي شويه واوضحلكم كم شغله..

١/كوني كاتبه وردت ابلش بقصه وتعتبر  اول قصه اليه جان لازم أدخل بقصه مختلفه بعض الشي عن الي متداول ومتكرر..

اختاريت هل قصه بالذات لانو ماتوقع مسبقا اكو قصه احداثها دارت هيج واستاذ الطالبه نهه عليها وطلعت بنت عمه هاي الطالبه

هسه تكولون مين جبتها للقصه وهيه حقيقيه.. الصراحه بالصدفه صارت جنت اعلق بالواتباد بقصه ما وصار حوار بيناتنه وراها كمنه نحجي خاص اني ودنيا لحد مقوت العلاقه وعرفت قصتها وحبيت اكتبها والابنيه مكالت شي بالعكس رحبت بالفكره

٢/احداث القصه الي لحد اخير بارت وختمتها تقريبا بسنه ٢٠١٧..   ٢٠١٨ هيج شي لحد هاي السنه واكتفيت لهنا لانو الباقي روتين متكرر

٣/سعد لحد هل لحضه مفقود وبعد البحث المستمر عليه لكوا جزء من أغراضه شبهه متفحمه واهنا تأكدوا انو توفه الله يرحمه 💔

٤/اكو بعض تعليقات البنات يكولون اهل كربلاء ميحجون بهاي اللهجه لو ميكولون هيج..
عيني بنات اني اي قصه كتبتها وراح اكتبها تكون بلهجتي اني لانو مو من المعقول اجي اتعلم لهجه كل محافظه حته اكتبها

٥/القصه من جنت اسردها واكتبها كلش استمتع بيها لانو فعلا حلوه والحمد لله راضيه عنها

٦/قريت تعليق تكول نهايه فهد وساره صارت مختصره او سريعه..
لا مو هيج بس مالها داعي اظل اكتب حياتهم اليوميه وهيه استقرت عيشتهم الحمد لله وأني بسردي الصراحه ماحب الجرجره

٧/اكو وحده كتبت على الفيس انو سردي للقصه ممل؟ يعني ما أتصور هذا الشي لانو محد اعترض على السرد والأغلبية عاجبهم سردي للأحداث وبعد كلمن وذوقه

واخيراً وليش اخراً هذا حسابي الشخص الي ممتابعني خلي يتابعه _Zoza25 فضلا وليس امرا

وبديت بقصه (لم تكن أمي) هم الي ممتابعتها خلي يتابعها لانو قصه متقل جمال عن قصه نهوه استاذي وبيها احداث نار وشرار وكل شي هههه

واني من البدايه كلت اتمنى الأمهات والبنات يتابعونها وهسه هم اتمنى منكم هذا الشي حته ناخذ العبره منها

وهاهيه اتمنى التوفيق للجميع وبالخصوص طلاب السادس الله يسهل عليهم..