نهوة استاذي

البارت الثاني والثلاثون

نهوة استاذي ❤️

بقلم _Zoza25
(البارت الثاني والثلاثون)
قرائه ممتعه ♥️
...............................
"كيف أقول لك
-أرجوك لا تتركني-
بطريقةٍ لا تجعلك تظن بأنني ضعيف،
أو أنني لا أستطيع الحياة في غيابك،
بطريقة تجعلك تفهم أنني فقط أريد وجودك بكل ما أُوتيتُ من حب."😔💔
...................................
ساره _يمكن محسيت على روحي  لكميه الوجع الي جبته لنفسي اله بعد مصار فهد ويه بنيه غيري وصارت مرته وعايشه وياه وبنفس الغرفه..

تنام بصفه وعلى نفس السرير.. يمكن هسه نام وياها لو باسها لو همس الها يمكن هسه نايمه بحضنه هيه احتمال كام يحبها..

وهواي هواي افكار تجيني ويه ماحط راسي على المخده وارجع واكول لنفسي كله من ايدي اني الي قررت هيج اني الي استسلمت وتنازلت.. هاهيه لازم انسه__z͠o͠z͠a͠2͠5͠

جنت اتختل من عيون أحمد اخاف لا يقره عيوني ويعرف الي بداخلي.. جنت اتحجج بالدراسه حته ابقى بغرفتي وماشوف احد..

دراستي تعبت بيها حيل لانو طلعت كل قهري بيها اقري بشكل مستمر لحد ما اتعب حيل..

فهد صار نهائياً ميجي يمنه لو بس يخابر امي يسأل محتاجه شي ويسده جنت اشتاق اشوفه اسمع صوته بس حته هاي مو من حقي..

نرجس معافتني بحالي خاف اني ناقصني ضيم كل يوم تخابر واذا ما اشيله ادزلي رسائل هيج سويت هيج لبست.. هيج كلي واني انطحن بمكاني ماعرف شنو غايتها..

مرات ارزلها انو متحجيلي خصوصياتهم ومرات اني اريد اعرف شلون عايشه وياه شيصير بينهم جنت مدري ليش اسوي هيج كلت بلكت من اسمع انقهر واكرهه خلاص بس مصار هيجي بالعكس جنت اتأذه اكثر

لحد اليوم الي اجت نرجس يمنه وكالت طلعت حامل ذبحني الخبر والله حسيت روحي مثل الطير المذبوح روحي فرفحت...

شتتوقعين مثلا ساره يخليها يباع عليها مرته غير وهذا الشي كلش عادي اضحك على روحي واقنعها...__z͠o͠z͠a͠2͠5͠

انتبهت على لبسها الي صاير مدري شلونه من بعد زواجها ودلعتها الي اكبر من راسها بس الي عصر كلبي آثار اضافر مبينه هذيج وياه..

ياربي شهل عذاب الي داعيشه.. طب فهد يمنه تعلكت عيوني عليه متغير وضعفان صار كم شهر مشايفته..

تمنيت اركض وأشمر روحي بحضنه بس عتب على القدر الي خلانه هيج كمت يمه وباركت اله باوعلي بنضرات كلها قهر واشتياق مبين هوه مثلي جان مشتاق يشوفني..

مكدرت ابقه يمهم اكثر واني اشوف شلون نرجس واكفه يمه وزوجته عفتهم وصعدت لغرفتي قفلت الباب عليه وكمت ابجي يعني كلهم عايشين مرتاحين الا اني على شنوو ومنو يستاهل انطي سعاتي لمحت تلفوني يضوي جان قريب مني لزمت جانت من نرجس كاتبه