نهوة استاذي

البارت الثالث والثلاثون

نهوة استاذي ❤️

بقلم _Zoza25
(البارت الثالث والثلاثون)
قرائه ممتعه ♥️
................................
- هذوله إحنـهَ
اللمّا عرفوا ملامَحنـه
ولانشدونه متغيرين ، تعبانين؟
- لاميتين ..
صار سنين من متنـهَ
هذوله احنه...
...................................
كعدت على صوت المنبه بدله وتريكت لل٧ ونص اجاني مصطفى سلمت على أهلي وطلعت

مصطفى _هلا بالبطيخه

نور _هلا عيني توكل يلا

مصطفى _بعد بعد سايق عد الخلفوج اني

نور _شعدي غيرك مدكلي امون عليك ههه

مصطفى _عود تقشمرني...
شخبار مصطفى الصغير

نور _منو هذا بعد؟؟

مصطفى _الي ابطنج شنو مدكوليلي!!!

نور _يااا وهيج مصدك ابو يسمي على اسمك تهي بهي هوه بس يسمع بطاريك يتخبل __z͠o͠z͠a͠2͠5͠

وفوكاها تدري يكلي اذا صار عدي بنيه اسميها زينب خلاني اشعوط هوه بس هذا الناقص والله خلي
يسويها اذا ما اسمي اني هم الولد مصطفى..

مصطفى _يابه ادري بروحي شخيصه ويغار عليج مني ااه حياه المشاهير صعبه

نور _انهجم بيتك دسوق بابا لا اجيب هسه

مصطفى _هههه صدك شلون قبل تجين وياي

نور _ههه عمو حجه وياه اني مدخلت واضطر يقبل
اكلك اني راح انام لا طلع صوت وضوجني من نوصل كلي

مصطفى _لج كومي شو هم ساحلتني بالغصب وياج وهم تريدين تنامين واني ابقه مثل المسودن احجي ويه روحي

ساره _اهوو حتظل اتمنني شلون سالفه هاي
دك تلفوني شفته حسين.. جاوبته

حسين _هاا طلعتوا

نور _اي صار نص ساعه تقريبا

حسين _هاا زين..
متوازيه على الروحه هسه

نور _يابه والله طكت روحي من البيت خلي اغير جوو

حسين _اي غيري جو يم الأقارب

نور _هههه اخاف قصدك العقارب

حسين _نور

نور _هاا عيني

حسين _سمعي شراح احجي زين واذا متنفذين اجي اسحلج وارجعج لبغداد

خبالات ماريد...

ركص ماريد..

لبس مشلح ماريد..

اختلاط ويه هاي وهذيج ماريد..
ترحين تسوين الواجب وترجعين

نور _مو تدلل ياعمري

حسين _ونجي للاهم..
مصطفى تكعدين وره واذا كعدي كدام تحترمين نفسج مو تكضيها سوالف وميانه واصله للستار