قصة : { #كسرة_نفس } 🚶🏻💔
الحلقة السابعة والعشرون { ٢٧ } 🥀
( تمشي عليا ودموعها بتنزل ترجع اوضتها تلم ف هدومها وتنزل ، تشوفها مامتها )
ماجدة وهي بتقرب عليها : واخدة هدومك ورايحة فين ي عليا ؟!
عليا وهي ماشية : رايحة بيتي
ماجدة بخضة : بيتك ، بيت ايه تعالي هنا !
( متردش عليا وتمشي ترجع شقة احمد ، تفضي هدومها وتقعد ، ييجي الليل ، عليا قاعدة ع السفرة وطبق الأكل قدامها وماسكة المعلقة وسرحانة ، سرحانة ف كل لحظة جمعتها مع احمد سواء بنت عمه او حبيبته او مراته )
*( فلاش بااااااااااك )*
( يوم عيد ميلاد عليا ال ١٩ ، الكل مبسوط وبيغنوا وطفوا الشمع ، يقرب احمد ع عليا )
احمد بحب : كل سنة وانتي طيبة ي لولي
( يديها علبة )
عليا وهي بتاخدها : وانت طيب ي احمد تسلملي
احمد : افتحيها
( تفتحها تلاقيها سلسلة )
عليا : جميلة اوي
احمد : البسيها
عليا : اوك
( تلبسها ، يقرب حسام )
حسام وهو بيديها علبة : امسكي
عليا وهي بتاخدها ب استغراب : ايه دة ي بني ، م انت جبتلي هدية !
حسام : لا دي باعتهالك ادهم
عليا ب اندهاش : لا بجد !
حسام : والله
( يتلم الكل عليها )
هانى بحماس : افتحيها يلاااا
( تفتحها تلاقيها سلسلة )
عليا ب اعجاب : الله جميلة اوي بجد !
( تقلع سلسلة احمد وتلبس بتاعة ادهم ، يبصلها احمد بزعل ويضير وشه )
*( بااااااااااك )*
( تنزل دموع عليا ، تسيب المعلقة وتبعد الطبق وتحط دماغها ع الترابيزة وتزيد ف العياط بقهرة ، تقوم تنام ع الكنبة وتاخد مخدته ف حضنها )
عليا بعياط : وحشتني ، وحشتني اوي ، ارجعلي بقا ، ارجعلي انا محتجالك ، انا مش عاوزة غيرك والله ، عاوزة اتكلم معاك كتير ، شامة ريحتك ف كل ركن هنا ، حاسة بيك جنبي ، نفسي المسك ، نفسي اشوفك اوي ، ارجع بقا ، ارجع انا تعبانة ، تعبانة والله وقلبي واجعني ، يارب ، خليه يرجع يارب
( تعدي الأيام ، ف امريكا ، احمد ف نادي واقف ف حلبة بيتمرن بوكس مع المدرب )
*( الكلام بالأنجلش بس هنترجموه بالفصحى عشان يبقا مميز واسهل )*
المدرب : توقف !
( يوقفوا تدريب ، ياخد احمد نفسه جامد )
المدرب : لماذا انت غاضب هكذا ، يجب إن تهدأ ، اذهب للأسترخاء ، سنكمل بعد عشر دقائق
احمد : اوك
( ينزل احمد من ع الحلبة ، شاب شايفه ، يدخل احمد اوضة اللبس يقعد ، يدخل وراه الشاب )
جون ب استغراب : ما بك اليوم ؟!
احمد : لا شئ
جون وهو بيقعد جنب احمد : مازال تذكرها يزعجك ؟
( ميردش احمد )
جون : ي رجل يجب إن تتحدث ، لا تكتم في قلبك هكذا !
احمد بحزن : إنني فقط اشتاق اليها ، اشتاق إلى صوتها ، اريد التحدث إليها ولكن لا استطيع !
جون : لماذا ، فلتتحدث إليها الأن هيا
احمد : لا ، هذا اشبه بلمس الهواء ، انها لا تريدني في حياتها ، اتعلم ، يجب علي نسيانها ، ولكن لا استطيع ، إنني رجل محطم ، هذا كل شئ !
( يقوم احمد يمشي ، تعدي الأيام والسنين )
أنت تقرأ
قصة : ( كسرة نفس ) ل سهيلة سعيد المنجي ، 2018
Romance_ متحكمش ع حد من قسوته ، كلنا فينا قسوة مهما كنا حنينين وفينا حنية مهما كنا قاسيين ، قرب وادي فرصة ، فرصة للقاسي يظهر حنيته ، وابعد عن الحنين وشوف ، وخلي بالك اوي من كسرة نفس البني ادم وحشة ، مهما كان مين
