قصة : ( كسرة نفس ) ل سهيلة سعيد المنجي ، 2018

الحلقة ١٧ و ١٨

قصة : { #كسرة_نفس } 🚶🏻‍♂️💔

الحلقة السابعة عشر { ١٧ } 🥀

احمد بخوف وهو بيهبد ع الباب : افتحي افتحي بالله عليكي افتحيييي
الام : فين عليا ؟!
احمد : جوة هتموت نفسها
الام بخضة : يلهوي بنتي !
الجد بحدة : عليا افتحي الباب بلاش جنان ، افتحيييي !
( عليا جوة قاعدة ف الأرض سايحة ف دمها وماية البانيو الي اختلطت بدمها مغرقة الدنيا ، توصلهم الماية برة بالدم ، يتخضه )
الام بخوف : بنتي ماتت ماتت !!
( يرجع احمد لورا ويكسر الباب برجله ، يلاقيها غرقانة ف دمها ووشها اصفر بتموت ، يجروا عليها إلا احمد يقف مكانه مصدوم من شكلها )
الام بصريخ : بنتي بتموووت !
الاب : شغل العربية بسرعة ي احمد !
( احمد واقف مكانه مصدوم ، يقرب عليه جده )
الجد بزعيق وهو بيضربه بالقلم : فوووق ، شغل العربياااااا !
( ينتبه احمد ويجري ع تحت يقع من ع السلم من ربكته وصدمته ويقوم يكمل جري ع برة يجيب العربية يكون ابوا عليا نزل بيها يركبه معاه ويروحه مستشفى ، ياخدوها ع الطوارئ ، بعد فترة ، يطلع الدكتور ، يجروا عليه )
الدكتور : متقلقوش الحمدلله وقفنا النزيف
الكل ب ارتياح : الحمدلله
الدكتور : في اشعة عملنهالها بس عشان نطمن إن البرشام الي اخدته مضرش اي عضو من اعضائها 
ابو عليا : ماشي ي دكتور 
( جوة اوضة ف المستشفى ، عليا نايمة ع السرير بس مفتحة عيونها ، يدخلولها ، تلمح احمد )
عليا بصريخ : اطلع برااا ، اطلع برااااااا !
( يتخض احمد )
ابو عليا : اطلع دلوقتي انت !
عليا بعياط وتعب : خلوه يمشي بقا خلوه يمشي ، ااااه !
( يطلع احمد م الأوضة )
الام وهي بتطبطب عليها : اهدي خلاص مشي !
( يزيد عياطها ، تاخدها مامتها ف حضنها ، احمد واقف برة مع بباه ، يوصل ادهم ، يشوف احمد ، يقرب عليه ولسة هيديله بوكس يمسك ايده احمد يصدها )
ادهم بزعيق : انت السبب !
( يزق ايده احمد ، ابوا احمد يقف بينهم يبعدهم عن بعض )
ادهم بغل : وربي م هسيبك ⁦!
احمد بغضب : وريني هتعمل ايه 
ابو احمد : بااااس هو وقته دة منك ليه ، احنا ف مستشفى احترموا نفسيكم !
( يبصله ادهم بغيظ ويدخل عند عليا ، بعد شوية ، ادهم قاعد مع عليا )
ادهم : ليه تعملي فيا كدة ، عاوزة تموتي وتسيبيني !
عليا ودموعها بتنزل : م انا كدة كدة ميتة
ادهم : اوعدك كل حاجة هتتحل إن شاء الله
عليا بيأس : خلاص ، كل حاجة انتهت مفيهاش حلول
( يسكت ادهم مش عارف يقول ايه ، اهل عليا قاعدين برة ، يقرب الدكتور )
الدكتور : فين والد المريضة عليا ؟
ابو عليا : ايوة انا
الدكتور : تعالى معايا لحظة لو سمحت
( يمشي الدكتور يقف ع جنب ، يستغربوا ، يطلعوا وراه )
الجد : خير ي دكتور ؟!
الدكتور : كمية البرشام الي اخدتها الأنسة عليا ادت لفشل كلوي
( يتخضوا ، احمد واقف ع جنب وسامع )
ابو عليا بخضة : ينهار اسود !!
الدكتور : في كلى متدمرة ، لازم نقل كلى ف اسرع وقت
ابو عليا : خد مني طيب
الدكتور : مش من اي حد ي استاذ ، ع العموم هنعمل اشعات وتحاليل لحضرتك ونشوف متطابقة ولا لأ ، عن اذنكم
( يمشي الدكتور )
ابو عليا بعصبية : كل دة بسبب ابنك ، ربنا ياخده !
الجد : بااااس بس ، خلصنا ، الي حصل حصل خلاص
( يعدي الوقت وييجي الليل ، اهل عليا عند الدكتور )
ابو عليا : يعني لقيته ؟
الدكتور : ايوة وإن شاء الله هندخلها عمليات الصبح عشان مينفعش نستنى اكتر من كدة
الجد : اعمل الي انت شايفه صح ي دكتور
( يعدي الوقت ، تاني يوم ، تدخل عليا العمليات ويتعملها عملية نقل الكلى ، تعدي الأيام )