قصة : ( كسرة نفس ) ل سهيلة سعيد المنجي ، 2018

الحلقة ٢٩ والأخيرة

قصة : { #كسرة_نفس } 🚶🏻‍♂️💔

الحلقة التاسعة والعشرون والأخيرة { ٢٩ } 🥀

عليا ودموعها بتنزل : ممشتش من هنا من ساعة م سبتني ، قاعدة مستنياك ، كنت حاسة إنك هترجع ف يوم ، كنت مستنياك ترجع ، متمشيش عشان انا بحبك ومش عوزاك تمشي !
( يتخض احمد )
عليا بعياط : عشان تعبت من إني استنى وكنت هفضل طول عمري استنى ، استنى ترجعلي ف يوم ، متمشيش ، خليك معايا متسبنيش تاني انا اسفة ، اسفة ع اي حاجة اذيتك بيها ، انا مش عاوزة غيرك ، مش عاوزة غيرك بس ، متسبنيش تاني ي احمد
احمد ب ابتسامة ودموع : مش هسيبك
( تفرح عليا وتعيط اكتر ، تقرب عليه وتترمي ف حضنه ، يحضنها اوي يرفعها عن الأرض لإنها قصيرة )
عليا بعياط : انا بحبك ، بحبك اوي والله
احمد ودموعه بتنزل : وانا بحبك
عليا : وحشتني اوي
احمد : وانتي كمان
( ينزلها ع الأرض )
عليا : هتمشي تاني ؟
احمد : اة همشي
عليا بخضة : انت قلت إنك ........................
احمد : همشي دلوقتي بس عشان احنا مطلقين مش هينفع اقعد معاكي ، بكرة الصبح هاجي واجيب المأذون اوك
عليا ودموعها بتنزل : خايفة مترجعش تاني !
احمد وهو بيمسح دموعها : والله هرجع ، ي ستي هسيب شنطي هنا عشان تضمني إني راجع ، بس عشان كمان الوقت اتأخر مش هلاقي دلوقتي مأذون !
عليا : ماشي ، متغيبش عليا
احمد : حاضر
( يبوس ايدها ، تحضنه اوي وتسيبه )
عليا وهي بتبعد : روح ، امشي
احمد : لا مش همشي وانتي زعلانة كدة !
عليا : مش زعلانة
احمد : لا زعلانة
( يرفع دقنها ب ايده )
احمد : هرجعلك والله ، دة وعد
عليا : وانا عارفة إنك اد وعدك وهفضل مستنياك ، انا خايفة يكون دة حلم بس !
( يقرب عليها اوي ويحط ايده ع خدها ، تبصله ، يبوسها ، تتخض )
احمد وهو بيبصلها : مش حلم
عليا ب احراج : ااا اة !
احمد : لو حاسة إنه لسة حلم يعني ممكن .........................
عليا بخضة وهي بتبعد : لا ﻷ مش حاسة ﻷ !
احمد وهو بيقرب اكتر : لا شكلك لسة حاسة
عليا ب احراج : لاااااااء !
( يبوسها تاني ، يبعد )
احمد : تؤ عاجبني اوي الحلم دة ع فكرة !
عليا بكسوف وهي بتمشي : خلااااااااص !
احمد بضحك : استني بس ! 
( يروح وراها )
احمد : ي لولوووو
( تفضل تجري ويجري وراها يهزره )
احمد : استني دول ٣ سنين ، دة انا ليا عندك كتييييييير !
عليا وهي بتجري : اتلم ي احماااااد !
( يمسكها يوقعها ع الكنبة وهو فوقيها قريب منها )
عليا بكسوف : احمد بس بقا !
احمد : كنبتي وحشتني اوي
عليا : متقلقش ، انا كنت بنام عليها ليل نهار ، مسبتهاش لوحدها ابداً ، انت كنت قادر تبقا لوحدك كدة وسط ناس غريبة !
احمد : مكنتش لوحدي ، كنتى معايا
عليا : معاك ازاي ؟!
احمد : ريحتك ، كانت دايماً بتحسسني بروحك حواليا قريبة مني ، كنت باخدها معايا ف كل مكان
عليا ودموعها بتنزل : اوعا تزعل مني ع الي كنت بعمله معاك
احمد : مش زعلان لإنك عندك حق ، عشان كنتي مفكرة إني اذيتك
عليا : بس انا بحبك والله
احمد : وانا بعشقك للأسف
عليا : والله ، ايه للأسف دي ، انت تطول ي حلو !
احمد : اوباااااا ، دة احنا لسانا طول اهو !
عليا : جداً جداً ع فكرة ، انت فاتك كتير
احمد وهو بيقرب اكتر : م بلااااش ولا تحبي افوقك م الحلم تاني ؟
عليا بضحك وهي بتصده : لا لاااا خلاص انا اسفة !
احمد : ايوة كدة اتعدلي
عليا : ههههه معلش
( يروح احمد بيت العيلة ، يرحبه بيه جداً كأنه مش احمد الي كان محدش بيهتم بوجوده او غيابه ، احمد قاعد مع الكل وامه ف حضنه )
الجد ب استغراب : ليه طلقتها ي احمد ؟!
احمد : كنت عارف إنها مغصوبة تعيش معايا ، ف مردتش ابقا اناني اكتر من كدة
ماجدة : بس عليا بتحبك اوي ، دي من ساعة م مشيت وهي ف الشقة مستنياك ترجع
احمد : عارف ، انا كنت لسة عندها قبل م اجي ، كنت مفكر إن الشقة فاضية وانها اكيد هنا بس لقيتها هناك ، انا هرجعها بكرة إن شاء الله
الجد : ربنا يبعد عنكم اي شر
احمد : يارب ي جدي
( يدخل ادهم وبنت ف ايده عندها سنتين ونص تقريباً )
ادهم ب اندهاش : ايه دة انت رجعت !
( يجري يسلم عليه بالأحضان ، يستغرب احمد )
ادهم : حمدلله ع السلامة
احمد : الله يسلمك ، دي بنتك ؟!
ادهم : اة ، عليا
احمد ب ابتسامة فهم : مشاء الله ، ربنا يخليهالك
ادهم : الله يخليك ، عقبالك 
احمد : إن شاء الله
( ييجي الليل ، تفضل عليا بتكلم احمد ف الفون وتنام ع صوته عشان تطمن إنه معاها وراجع ، تاني يوم ، يخبط باب البيت ، تجري عليا تفتح عارفة إنه احمد )
احمد وهو بيشد ايدها : يلا بينا
( يخرجها م الشقة )
عليا بخضة : ايه ي بني استني انا بالبيچامة !
احمد بضحك : وماله اشطا
( يقفل باب الشقة وياخد عليا وينزله )
عليا : موديني ع فين ي مجنوون يخربيتك !
احمد وهو بيفتحلها باب العربية : اركبي ي عروسة
عليا : دة منظر عروسة بزمتك !
احمد وهو بيغمزلها : احلى عروسة بالعالم
( تركب ويركب ويمشوا )
عليا ب استغراب : هنروح فين كدة ؟!
احمد : هتعرفي دلوقتي
( يعدي الوقت ، يقف احمد )
احمد : يلا انزلي
عليا وهي بتبص حواليها : انزل فين ؟!
احمد : انزلي بس
( ينزله م العربية ، يقرب احمد ياخد ايدها ويدخله اوتيل )
عليا ب احراج : يلهوي ي احمد رايح فين بمنظري دة !
احمد وهو بيغمزلها : وربنا قمر
عليا بضحك : احيه علييييك !
( يقفه عند الأستقبال )
احمد : لو سمحتي في حجز سويت ب اسم علياء الشريف وواحد تاني ب اسم احمد الشريف
السكرتيرة : حاضر يفندم لحظة واحدة
عليا بهمس : ي احماااااد
احمد : ي قلبه
عليا بصوت واطي : انا منظري عرة اوي ، الناس عمالة تبصلي !
احمد بحب : من جمالك ي قلبي
عليا : يلهوي عليا انا اتعريت !
احمد بضحك : معاش الي يعريكي وانا موجود
عليا بضحك : م انت الي عرتني !
احمد وهو بيغمزلها : لا لسة بالليل مش دلوقتي
عليا بكسوف وضحك : ساااافل !
احمد : هههههه قلبه
السكرتيرة وهي بتديله المفاتيح : اتفضل يفندم
احمد وهو بياخدها : اوكاي
السكرتيرة : اتصلت بيهم ، مستنيين الهانم فوق
احمد بمرح : مييييرسييييييي
( ياخد ايد عليا ويطلعه )
عليا بفضول : هما مين الي مستنييني ؟!
احمد وهو بيغمزلها : هتعرفي دلوقتي
عليا : هتجنني قريب !
احمد : بعد الشر ي روحي ⁦
( يفتح السويت ويدخله ، تلاقي اربع بنات واقفين )
عليا بصوت واطي ل احمد : مين دول ؟!
احمد : دول هيظبطوكي بقا وكدة
عليا ب استغراب : مش فاهمة يظبطوني ازاي ؟!
احمد : عشان انهاردة فرحنا
( يلف وشها تشوف فستان فرح محطوط ع مانيكان )
عليا بفرحة : فستااان فرح !
احمد : انا عارف إن الفستان الي قبليه كنتي لبساه غصب عنك ، دة فعلاً فستان فرح ، عاوز اشوف فرحتك بجد وانتي لبساه ، ممكن ؟
عليا وهي بتحضنه بدموع : بحباااااااك
احمد وهو بيحضنها : وانا كمان ، اول م تخلصي كلميني اوك ، انا ف السويت الي جنبك
عليا بحماس : اوكااااي
( يبوس ايدها ويمشي ، تلف عليا تبص للبنات الي باصينلها ومبتسمين )
عليا وهي بترفع ايدها بمرح : هيا نلعب
( يضحكوا البنات ويظبطوها باديكير ومانيكير وميكب وشعر وتلبس الفستان ، يمشوا البنات إلا بنت بتحطلها الطرحة ، عليا تمسك الفون )
عليا : خلصت ي قلبي ، اوك ، باي
( تقفل عليا وتستنى ، بعد شوية صغيرين ، يخبط باب الأوضة ويدخل احمد لابس بدلة بيضة ، يلاقي عليا واقفة ، فستانها ابيض توب منفوش زي سندريلا وبديل طويل جداً وطرحة الفستان وبوكيه ورد ابيض ف ايديها وفاردة شعرها الأسود وعليه بروش بسيط الماس لاموا م الجنب ، يقرب عليها احمد يبوس راسها وياخد ايدها ف ايده وينزله ، يدخله قاعة الأفراح ، تلاقيها نورها بسيط جداً وهادي ومفيهاش حد خالص غيرهم وال dg ميوزك هادية ، ياخد منها احمد البوكيه يحطه ع ترابيزة وياخد ايدها ويطلعه ع الأستيدچ يرقصه slow )
عليا بحب : عملت كل دة عشاني !
احمد بحب : عشان اشوفك فرحانة بجد
عليا : انا اسعد انسانة ف الدنيا دي بمجرد م رجعتلي بس والله
( يشيلها ويلف بيها ، يوصل المأذون ويكتبه الكتاب ، وفجأة ، يشتغل مهرجان ويوصله صحاب احمد وصحاب عليا وقرايبهم الشباب داخلين بيرقصه ويسقفه ، تتخض عليا بفرحة وتحضن ف احمد ويروحوا يرقصه ويهيصوا معاهم ، يخلص الفرح ، يطلعه م القاعة )
عليا : رايح فين ، مش هنروح بيتنا ؟!
احمد : انا حاجز سويت يمااااا اروح فين !
عليا : ههههه
( يطلعوا السويت ، تدخل عليا تلاقيه مليان بالونات هيليوم بيضا ومتزين تحفة )
عليا ب اعجاب : الله جميل اوي ي احمد
احمد وهو بيشيلها : انتي اجمل ي قلب احماااااد
عليا : ههههه
( يدخل الأوضة ينزلها ويقرب عليها )
عليا وهي بتصده ب احراج : استنى بس
احمد : ايه ؟!
عليا بضحك : معرفش بس استنى ، اهدى كدة !
احمد : لا حرام عليكي دة انا استنيت كتير اوي خلاص كفاية ابوس ايدك بقا !
عليا بضحك : هو احنا هنطير بس !
احمد بضحك : والله بعد كل الي حصل دة مستبعدش فكرة الطيران دي !
عليا : احمد
احمد : قلبه
عليا : هو انت بجد معايا وجيت ولا انا بحلم كل دة !
( يقرب عليها )
احمد وهو بيحط ايده ع خدها : مش حلم ﻷ
( تحضنه ، يبتسم ويحضنها )

*( وبحبك وحشتيني ، بحبك وانتي نور عيني ، دة وانتي مطلعة عيني بحبك موت ، لفيت اد ايه لفيت ، ما لقيت غير ف حضنك بيت ، وبقولك انا حنيت بعلو الصوت .. ❤✨ )*

*( متحكمش ع حد من قسوته ، كلنا فينا قسوة مهما كنا حنينين وفينا حنية مهما كنا قاسيين ، قرب وادي فرصة للقاسي يظهر حنيته ، وابعد عن الحنين وشوف ، وخلي بالك اوي من كسرة نفس البني ادم وحشة مهما كان مين .. 💔 )*

*( النهاية )*

( متنسوش اللايك ورأيكم .. ✨💔 )

#قصة_كسرة_نفس_ل_سهيلة_سعيد

#sohila_sa3ed