قصة : ( كسرة نفس ) ل سهيلة سعيد المنجي ، 2018

الحلقة ٢٣ و ٢٤

قصة : { #كسرة_نفس } 🚶🏻💔

الحلقة الثالثة والعشرون { ٢٣ } 🥀

احمد بعصبية : سيبها ي عم بقا بطل !
( يبعده )
محمد : خلاص خليكوا واقفين ع الشط
ليلى : هههههه جبانة اوي
( يسيبوهم ويدخله جوة ، تبعد عليا عن احمد )
احمد ب استغراب : للدرجة دي بتخافي !
عليا : ايوة ، انت مش فاكر لما غرقت قبل كدة وجبتوني !
احمد : ايوة ، تحبي نطلع ؟
( تسكت عليا ، تحس بالأمان ف وجوده لأول مرة ف حياتها )
عليا : شوية كدة
احمد ب ابتسامة : اوك
عليا : سؤال حشري معلش
احمد : قولي
عليا : محمد يبقا خطيب أية صح ؟
احمد : اة
عليا : وساندي بنت ليلى ؟
احمد : ايوة
عليا : طب اومال فين جوزها ؟!
احمد : ليلى جوزها اتوفى بعد ولادتها ل ساندي بشهرين
عليا بتفاجئ : لا بجد !
احمد : اة ، حادثة عربية من اربع سنين كدة
عليا بحزن : ي روحي !
احمد : من وقتها واحنا مش سايبنها عشان مكانتش هتقدر تتخطى كل دة لوحدها ، وهي علاقتها ب اهلها مكانتش كويسة
عليا بفهم : ايوة ، ربنا يصبرها
احمد : يارب
( يفضلوا ف الماية ، شوية يتكلموا وشوية ساكتين ، ييجي عليهم الليل )
محمد وهو بينده عليهم من ع الشط : احمااااااااد
( يصفرلهم ويشاورلهم ب يلا ، يطلع احمد وعليا )
ايه : بقالكوا اكتر من ٣ ساعات ف الماية ، متعبتوش ؟!
محمد بضحك : عرسان بقا
الكل : ههههههه
عليا وهي بتترعش : اااه الماية كانت مدفياني ، الجو تلج هنا !
( ياخد احمد الفوطة ويحطها ع عليا )
ايه ل محمد : شايف الرومانسية ، اتعلم من صاحبك !
محمد : احمد ولا ليه ف الرومانسية ع فكرة
ليلى ل عليا : ال ي لولو ؟
عليا وهي بتبصلهم ب احراج : نعم !
الكل : هههههه
ليلى بضحك : يبقا رومانسي
( تجري ساندي ع احمد )
ساندي : العب معايااا
احمد : بس كدة تؤمري
( يشيلها ويحدفها لفوق ويمرجح فيها ويجري وراها وهي مبسوطة ، عليا بصالهم ومبتسمة ، يرجعوا الشاليه ، ييجى الليل ، تدخل عليا الأوضة وف ايدها مخدة )
احمد ب استغراب : جبتيها منين دي ؟!
عليا : لقيتها برة ف سرقتها
( يبتسم احمد بيأس ، تحطها عليا ف نص السرير ب ابتسامة عريضة )
احمد : هتحوشني عنك دي يعني ؟
عليا بخضة : نعم !
احمد : نعم الله عليكي
( تدخل عليا التويليت وتقف ثانيتين بتفكر ف كلامه ، تتنهد وتاخد دش وتطلع تقعد قدام المراية عشان تسرح شعرها ، يقرب عليها احمد يقف وراها )
احمد : ممكن طلب ؟
عليا وهي بتبصله : اتفضل !
احمد : ممكن اسرحلك ، لو مش هيضايقك يعني
( تتحرج عليا من طلبه مش عارفة ترفض ولا توافق ، تلاقي نفسها بتمد ايدها بتديله الفورشة ، ياخد منها الفورشة ويبدأ يسرحلها بكل هدوء وحنية ، يحط ايده ع شعرها ويسرح ، يمسك شعرها ايده تلمس رقبتها ، لمسة ، بس مجرد لمسة ، تخلي عليا عبارة عن جمرة نار )
عليا بتوتر : خلاص ؟!
( ع اد م عوزاه يخلص ع اد م نفسها يفضل يسرحلها لتاني يوم لإنها فعلاً حاسة براحة )
احمد وهو بيديها الفورشة : خلاص
( يروح ينام ع السرير ، تلم عليا شعرها وتطفي النور وتولع فلاش الفون عشان توصل للسرير ، تنام وتطفي الفون وبينهم المخدة ، احمد نايم وباصصلها )
عليا : هتفضل باصصلي كدة كتير ، مش هتنام ؟
احمد بحب : يعني ازاي اغمض عيوني واشوف ضلمة ووشك منور قدامي !
( تتكسف عليا ووشها يحمر )
عليا : نااااام وإلا هضير وشي !
احمد : لا خلاص هنام
( يغمض عيونه ، تفضل هي الي بصاله وهو نايم وبعدين تغمض عيونها وتنام ، تاني يوم ، يطلع الصبح ، عليا نايمة فوق المخدة وع دراع احمد وف حضنه ، احمد صاحي وزي مهو مش عاوز يتحرك وهي نايمة ، باصصلها بس ، يخبط الباب )
ليلى : يلا ي شباب اجهزوا ، الساعة اربعة هنمشي
( يسكت الخبط وعليا لسة نايمة ، يهمسلها احمد )
احمد : عليا ، علياا
عليا بنعاس : ممممم !
احمد : عليااا
( متردش ف سابع نومة ، يحط ايده ع شعرها ويبدأ يمشيها عليه )
احمد : عليااااا
عليا : ممممم ؟
احمد : اصحي
( تحط ايدها عليه وتضمه اكتر تحضنه مش حاسة بنفسها ، يلاقي نفسه هيندمج )
احمد بصوت يفجع : عليااااا !
( تقوم عليا مفجوعة )
عليا بخضة : في ايه ؟!
احمد وهو بيقوم : سوري ازعجت سيادتك وانتي نايمة ف حضني !
( تتخض عليا ، يدخل احمد التويليت )
عليا ب احراج : حضنه !
( يعدي الوقت وكل واحد يروح بيته ، تعدي الأيام ، ف بيت احمد ، عليا ف التويليت بتاخد دش ، تخلص وتلف الفوطة عليها وتطلع مع دخول احمد البيت ، يقفوا قصاد بعض متنحين )
عليا ب ارتباك : ااااا انت ج جاي بدري ليه كدة !
احمد ب ابتسامة : زهقت م الشغل ، ف جيت !
عليا ب احراج : اة ، طيب !
( تيجي تعدي يحط ايده ، تتخض خلاص قلبها هيقف )
احمد : رايحة فين ؟
عليا : جاية تاني
( تمشي يقف قصادها )
احمد : انا جعان
عليا : هأكلك
( تمشي يقف قصادها )
احمد : طب عاوز اتكلم معاكي
عليا : ماشي هنتكلم
( تمشي يقف قصادها )
احمد : طب وحشتيني
عليا : وانت كم .........................
( تتكلم عليا بتلقائية عاوزة تعدي بس تلحق نفسها )
احمد : وانت ايه ؟!
عليا ب ارتباك : ااااا مش قصدي بس ......................
احمد : بس ايه ؟
عليا : ممكن تعديني ؟
احمد : لا مش ممكن
عليا بخضة : نعم ؟!
احمد : مش ممكن غير لما تقولي وانت كمان وحشتني
عليا ب احراج : وبعدين بقااااا !
احمد : يلا قولي ، انتي هتموتي وتقوليها اصلاً ف قوليها
عليا : والله ي مغرور !
احمد وهو بيقرب عليها : اة والله
( عليا ترجع لورا )
احمد : قولي
( تشاورله ب ﻷ ، يقرب اكتر )
عليا : احمااااد !
احمد بحب : ي قلبه
( يبقا فاصل بينهم خطوة ، تزيد ضربات قلب عليا خلاص هيغمى عليها من كتر قربه واحراجها من شكلها )
عليا : ي احمد !
احمد ب ابتسامة : سامع ضربات قلبك من هنا ع فكرة !
( يقرب الخطوة ، يخبط فيها ، تتخض وتزقه )
احمد بضحك : هههههه بالراحة طيب بلاش عنف !
عليا ب انفعال واحراج : بطل بقااا !
( تجري ع الأوضة وتقفل عليها ، يبتسم احمد ، تقعد عليا ع السرير تحط ايدها ع وشها مولع نار ، تقوم تغير هدومها وتلبس بيجامة رمادي بكم وبنطلون وتسشور شعرها تنشفه وتطلع تدخل المطبخ وترجع بصنية فيها كبايتين عصير )
احمد وهو قاعد ع الكنبة وباصص للفون ف ايده : سمعت إن ادهم اتجوز
( تتخض عليا وتقع من ايدها الصنية الكبايات تنكسر ، يبصلها احمد وهي تفضل باصة ع الكبايات الي اتكسرت )
احمد : لسة بتحبيه ؟!
( متردش ، تنزل دموعها غصب عنها ، يقوم احمد يقف قصادها )
احمد : انا كل الي اقدر عليه عشان اسعدك عملته ، وبرضو مش عارف اسعدك !
( عليا بتعيط )
احمد : ماشي كسرتك ، وكسرة وحشة اوي ، بس انتي بيها بتكسريني كل يوم ، كل ساعة وكل دقيقة ، كل شوية بطلب منك تسامحيني ومافيش فايدة ، ولا عمر هيكون ، عارفة ليه ؟