قصة : ( كسرة نفس ) ل سهيلة سعيد المنجي ، 2018

الحلقة ٧ و ٨

قصة : { #كسرة_نفس } 🚶🏻💔

الحلقة السابعة { ٧ } 🥀

عليا : ان .....................
احمد بصوت رجولي : هو المحل فين ؟
( تتخض ماهي عشان كان قريب من ودنها وتمسك ف دراع عليا )
عليا وهي بتضحك ع ماهي : ههههه خلاص اهو
احمد : اوك
( يدخله محل فساتين ، تفضل عليا تقيس وتوريهم )
ماهيتاب : تحفة دة ع فكرة
عليا ل احمد : ايه رأيك ي احمد ؟
احمد ب اعحاب : يجنن عليكي
عليا ب ابتسامة : اوك ، هاخده
( يصمم احمد يشتريلها الفستان ع حسابه ويعمل كدة فعلاً ، يقعده ف كافيه ف المول وعليا مقضياها ضحك وهزار مع احمد وماهيتاب ولا كأن في حاجة ، ادهم ف اوضته ، عمال يبص للساعة كل شوية ، يمسك الفون ، عند عليا ، يرن فونها ، تمسكه تلاقيه ادهم ، تتخض ومتردش وتعمله سايلينت ، يعدي الوقت ويرجعه البيت ، ينزله م العربية )
احمد وهو بيقفل باب العربية : عليا
عليا وهي بتقف : نعم ؟
احمد وهو بيقرب عليها : انهاردة كان احلى يوم قضيته معاكي ، لو عوزتي اي حاجة بعد كدة قوليلي ياريت
عليا ب ابتسامة : اكيد ي احمد
( يبتسم احمد ، تدخل عليا البيت ، تلاقي الحنة بدأت والبيت كله بنات صحاب رحمة وم العيلة وادهم والشباب وصحابهم ورسامين الحنة ، تجري عليها رحمة )
رحمة بحماس : لولو لولو
عليا : ايه !
رحمة وهي بتديها شنطة : امسكي دة الساري بتاعك البسيه وانزلي يلااا
عليا وهي بتاخده : اوكاااي
( تاخده عليا وتطلع اوضتها ، تشيل الفستان ف الدولاب وتلبس الساري وتغير الميكب ل احمر هندي وتنزل ، تقرب ع سماعات محطوطة وتشغل مهرجان وتبتدي ترقص وتقوم ف البنات يرقصه معاها ، تستغرب رحمة فرحتها الزيادة )
عليا وهي بتشد رحمة : يلا ي عروساااا
( ترقص معاها رحمة وادهم قاعد مصدوم برضو من فرحتها الي ولا كأن دة حبيبها الي هيتجوز ، يقوموا الشباب يرقصه معاهم )
عليا : تلبس ضيق لأ لأ
حسام : وانا ركبي تزيق لأ ﻷ
عليا : مش قادر امشي ﻷ ﻷ
حسام : وصحابي تتريق لأ لأ
( يفضله يغنوا ويرقصه للصبح ، يعدي الوقت وتخلص الحنة والناس تمشي والكل يناموا ، ف اوضة عليا ، قاعدة عليا ع سريرها ضامة رجليها ب ايدها وحرفياً منهارة م العياط بكتمة )
عليا بعياط : ااااه يارب !
( تاني يوم ، ادهم ف اوضته ، قاعد ع طرف السرير وساند ايده ع رجله ، يخبط الباب ويدخل هاني وحسام )
حسام : انت لسة ملبستش ، ورانا حلاق ي عرييييس
( يتنهد ادهم ويقوم يدخل التويليت ، تحت الكل قاعد ، تنزل رحمة معاها فستانها وحاجاتها )
احمد : خلصته ؟
رحمة : اة مستنيين ادهم وعليا نازلة
( ينزل حسام وهاني )
رحمة وهي بتبصلهم : فين ادهم ؟!
هاني : بيلبس ونازل
رحمة : اوك
( فوق ، تطلع عليا من اوضتها مع طالعة ادهم من اوضته )
عليا بتريقة : ايه ي عريس كل دة نوم !
( تعدي من جنبه وف ايدها فستانها وحاجاتها )
عليا وهي بتغمزله : العروسة تطفش كدة
ادهم : من امتى بقا بتخرجي مع احمد ؟!
عليا وهي بتبصله : نعم ؟!
ادهم : نعم الله عليكي ، من امتى بتخرجي مع احمد ولا ليكي كلام معاه اصلاً !
عليا : ايوة يعني انت مين عشان تسألني سؤال شخصي زي دة !
ادهم ب استغراب : شخصي !
عليا : اة شخصي ، عن اذنك
( تنزل عليا ، يضغط ادهم ع سنانه ع اخره منها ، ينزل وراها ، يقربوا كلهم ع العربيات ، تركب رحمة مع ادهم )
عليا : هركب معاك ي احمد
( يبصلها ادهم )
احمد بفرحة : اشطااا يلا 
رحمة : مش هتركبي معانا ؟
عليا : لا مش عاوزة ابقا عازول بقا
رحمة بكسوف : هههههه ماشي
( يتنهد ادهم ويتغاظ ، تحط عليا حاجاتها ف عربية احمد ويفتحلها الباب تركب ويمشي الكل ، يعدي الوقت وييجي الليل ، عليا واقفة قدام المراية ف الكوافير ، باصة لنفسها )
عليا ف سرها ب ابتسامة حزن : بدل م تلبسيله هو الأبيض لبساه ف فرحه ي عليا !
( بعد دقايق ، تطلع عليا ورحمة م الكوافير وادهم والشباب برة مستنينهم بالعربيات ، يشوفهم ادهم ، عليا لابسة فستان بيبي بلو فاتح جداً مقارب للون الأبيض طويل بديل شيفون بسيط ومليان الماس مفتوح من قدام وم الضهر وفاردة شعرها الأسود معدي ضهرها جيباه ع كتفها ، ادهم واقف باصصلها من جمالها ملمحش حتى رحمة الي هي العروسة )
حسام ب اعجاب وهو بيبص ل عليا : يخربيتك ي عليا ، طالعة احلى م العروسة !
هاني بضحك : بس ي عم ل رحمة تسمعك تبقا ليلتنا فل !
حسام بضحك : قصدك ليلة ادهم
الكل : ههههههه
( يقرب احمد ياخد ايد عليا ويقفه ع جنب عشان ادهم ياخد رحمة ، يتضايق ادهم إنه خدها ، كان نفسه تبقا هي عروسته ، هي ف نظره عروسته ، يفضل باصصلها وهي واقفة حاطة ايدها ف ايد احمد وباصة ف حتة تانية وبتتكلم معاه عشان متنزلش دموعها وهي شايفه حبيبها هياخد واحدة غيرها )
هاني ل ادهم : يلا ي بني اتأخرنا ، خد عروستك !
( يفوق ادهم من سرحانه ف عليا ويقرب ياخد ايد رحمة ويركبها العربية ، يركب الكل ويمشوا ، يوصله الڤيلا ويبدأ الفرح ، بعد دقايق )
هاني بحماس : المأذوووون وصلللل
( تتخض عليا وقلبها يوجعها ، يتلم الكل ع الترابيزة ويقعد المأذون ويتكتب الكتاب ، واقفة عليا شيفاهم ، متخيلة نفسها مكانها ، تنزل دمعة منها ، تتخض وتمسحها بسرعة وتبص حواليها ليكون حد شافها ، يعدي الوقت ، تيجي الرقصة ال slow ، ادهم ورحمة بيرقصه وحواليهم الكابلز ، عليا قاعدة مع البنات ع الترابيزة ، يقرب عليها احمد )
احمد وهو بيمدلها ايده : ترقصي ؟
عليا وهي بتحط ايدها ف ايده ب ابتسامة : اوك
( ياخدها ويطلعه ع الأستيدچ جنب ادهم ورحمة ، يشوفهم ادهم يتخض ، يفضل باصصلهم ، تلاحظ عليه رحمة ، تبص ناحية مهو باصص )
رحمة وهي باصة ل احمد وعليا : غريبة دي !
( ينتبهلها ادهم )
رحمة : من امتى احمد وعليا متفقين كدة ، دي عليا كانت دايماً مش طيقاه !
ادهم : اة !
رحمة : انت عارف من وقت الحادثة الي حصلت وهما اكتر م السلام ع بعض مبيعملوش !
( يتخض ادهم لما يفتكر الي حصل زمان ، طب ازاي دلوقتي عليا سمحاله يبقا قريب منها اوي كدة ولامسها )
ادهم بضيق : م تيجي نقعد انا تعبت
رحمة : اوك 
( يعدي اليوم وادهم مش طايق نفسه ولا طايق رحمة ، يخلص الفرح ، يطلع ادهم ورحمة اوضتهم والباقي قاعدين تحت بيحكوا عن الفرح ، عند ادهم ، قاعد ع الكنبة ورحمة ع السرير )
رحمة : ادهم ا ....................
ادهم وهو بيقف : هسيبك تغيري هدومك براحتك وانا هغير ف الحمام ، اما تخلصي خبطي عليا
( ياخد بيچامته ويدخل التويليت )
رحمة ب استغراب : حمام !
( ادهم ع اخره بيكرهها وكرها اكتر من ساعة م اتغصب يتجوزها ، رحمة قاعدة متعصبة )
رحمة بغيظ : دة ايه دة إن شاء الله !
( تفضل رحمة رايحة جاية ف الأوضة مغيرتش هدومها ، تقرب ع التويليت )
رحمة وهي بتخبط عليه : ادهم
ادهم : ايوة ؟
رحمة : خلصت ؟
ادهم : اة ، خلصتي ؟
رحمة : ممكن تطلع ، عوزاك
( يطلع ادهم يلاقيها لسة لابسة الفستان )
ادهم ب استغراب : مغيرتيش ليه ؟!
رحمة وهي بتلف : ممكن تساعدني ، اصلي مش طايلة السوستة
( يتنهد ادهم ويفتحلها السوستة ، لسة هيدخل التويليت ........................... )
رحمة وهي بتمسك ايده : ادهم خليك ، انا مش متضايقة