"လေပြေ ဟဲ့ လေပြေ"
"အင်.. အာ နိုးပြီ၊ နိုးပြီ အမေ"
"အမလေးတော်.. ကျောင်းတတ်တာသုံးရက်ရှိပြီ။ ခုထိမင်းကိုနိူးနေရတုန်း လေပြေ မင်းတော်တော်အအိပ်မက်ပါလားဟမ်"
အမေ့ရဲ့ဆူပူသံကိုနားယဉ်စွာနဲ့လုပ်စရာရှိတာကိုလုပ်နေလိုက်သည်။ ညတိုင်း အမေထမင်းရောင်းဖို့ဝိုင်းကူရလို့ ၁၂နာရီထိုးခါနီးမှအိပ်ရတဲ့အကြောင်း အမေတင်မက၊ သူပါမေ့ထားလိုက်ကြ၏။ အကိုကလဲ အင်ဂျင်နီယာကျောင်းသားကြီးမို့မအားသလို အငယ်မလေးကလဲအဆော့မက်သူမို့ သူကသာအိမ်တွင်အရာရာလိုက်လုပ်ရမြဲ။
"ရော့.. ရော့ မုန့်ဖိုး"
"ဟုတ်ကဲ့"
အမေ့ဆီကမုန့်ဖိုးယူပြီးထွက်လာလိုက်တော့ အိမ်ရှေ့ကွပ်ပျစ်လေးပေါ်တွင်ထိုင်နေသောကိုကြီးကတစ်ချက်မျှကြည့်ရင်း လမ်းမဘက်သို့ပြန်ငေးကြည့်နေ၏။
"ကိုကြီး ကျွန်တော်သွားတော့မယ်ဗျ"
ကိုကြီးဘက်က တုံ့ပြန်သံမကြားခင် သူထွက်လာလိုက်သည်။ ကြားရမှာလဲမဟုတ်တာသေချာနေတာမို့၊ ကိုကြီးဟာ အဖေ့ရှေ့ကလွဲရင် သူ့ကိုအဖက်လုပ်ပြီးစကားပြန်ပြောလေ့မရှိခဲ့။
... 💜 ...
"ဟေ့ရောင်.. လေပြေ"
"မင်းမ၀င်သေးဘဲ ဘာလုပ်နေတာလဲ"
"မင်းစောင့်နေတာ"
အောင်ကျော်ထက်က စက်ဘီးလေးကိုတွန်းရင်း သူ့ဘေးချင်းကပ်လျှောက်လိုက်လာရင်း
"မင်း စက်ဘီးမစီးဘူးလား"
"ငါ မစီးတတ်ဘူး"
"အင်း"
"ပြီးတော့ မရှိဘူး"
"အော်"
ခပ်တိုးတိုးရေရွတ်ရင်း အားနာသလိုပုံစံဖြစ်သွားတဲ့အောင်ကျော်ထက်ကြောင့် သူခပ်သာသာပင်ပြုံးပြလိုက်တယ်။ ဒါကို သိမ်ငယ်ရခြင်း လို့တွေးကြမလား။ သူကတော့မတွေးပါ။ မရှိတာကမရှိတာဘဲပေါ့။ ကံအကျိုးပေးအတိုင်းဘဲဖြစ်လာရတာတွေပါလေ။
"ဟယ်.. ဟိုကောင်လေး နင်ခုထိဆံပင်မညှပ်ရသေးဘူးလား"
ကျောင်း၀င်စမှာပင် ဆရာမရဲ့အသံကြောင့် အောင်ကျော်ထက်ဇက်လေးပု၀င်သွားကာ ရယ်ကျဲကျဲဖြင့်
YOU ARE READING
မောင့်လေပြေ (Completed)
Romanceကျောင်းစိမ်းဘဝကနေ အရွယ်ရောက်လာတဲ့အထိ ပြဿနာတွေကြားထဲကနေ မြဲမြဲမြံမြံချစ်သွားကြတဲ့ကောင်လေးနှစ်ယောက်ကြားက နွေးထွေးတဲ့ရပ်ဝန်းငယ်လေးအကြောင်း... ပြီးတော့ ထားရာနေ၊ စေရာသွားပြီး သိပ်ချစ်တတ်တဲ့ ဒုတိယလူကောင်လေးရဲ့တဖက်သတ်အချစ်တွေအကြောင်းပေါ့ 🤍 #Unicode ေက်ာင္...
