"လေပြေ.. မင်းမလဲ စာလုပ်တာတော့ကောင်းပါတယ်အေ. အိမ်အလုပ်လဲ၀င်ကူပါဦး။ မင်း ပထွေးကလဲ ဘာမှရေရေရာရာဝိုင်းကူတာမဟုတ်ဘူး။ အလကားနေ. လက်ဘက်ရည်ဆိုင်ထိုင်ပြီး လေပေးနေတာ"
"ဟုတ်"
လေပြေက ကျက်လက်စစာအုပ်လေးကိုပိတ်ကာ အိမ်အောက်သို့ဖျက်ခနဲပြေးဆင်းလာ၏။ တကယ်တော့ အမေ့အလုပ်တွေကူပေးပြီး လေပြေစာစကျက်တာ မိနစ်နှစ်ဆယ်ပင်မပြည့်ချင်သေး..။
"အလကားနေ နိုင်ငံရေးချည်းပြောနေတာ. အလကား အရေမရ၊ အဖက်မရ"
အမေဟာ မိန်းမပီပီ အဖေ့ကို ပထွေးချင်းထပ်အောင်ပြောရင်း နိုင်ငံရေးရဲ့အရေးမပါပုံကို မြည်တွန်းတောက်တီး၏။ ဒါပေမဲ့ ကိုယ့်လုပ်မှကိုယ်စားရမယ်ဆိုတာဟာ လူပိန်းအတွေးဘဲလို့ အဖေဟာမကြာခဏသူ့ကို ဆုံးမခဲ့ဖူးသည်။
အမှန်ပြောရရင် သူဟာအဖေစကားကိုသာ ရင်ထဲမှာမှတ်သားခဲ့ပြီး အမေ့စကားကိုတော့ဒီဘက်နားက၀င်ပြီး ဟိုဘက်နားကထွက်ကာ မေ့လျော့ပစ်လိုက်သည်။ သူဟာ ဒီနိုင်ငံမှာနေတာမို့ ဒီနိုင်ငံရဲ့ကောင်းခြင်း၊ဆိုးခြင်းကိုဖြစ်ပေါ်စေမယ့် နိုင်ငံရေးဟာ သူနဲ့ဆိုင်တယ်လို့ မှတ်ယူထားသည်။
"အန်တီ ၀က်သားဟင်းရ.. ဟင် လေပြေ"
"ဟာ.. အကို"
"လေပြေတို့အိမ်ကဒီမှာလား"
ပိုင် ဟာ ယခင်ကထက် ပိုလူကြီးဆန်လာသလိုပင်. အပေါ်ကစပို့ရှပ်အဖြူရောင်ခပ်ပွပွနှင့် Jean Pant ဖြူလျလျကို တွဲဖက်၀တ်ထားခဲ့တာမို့ ရှိရင်းစွဲအသားထက် ပိုဖြူနေခဲ့သယောင်..။
"ဟုတ်ကဲ့.. အကိုကရော"
"အကိုက ဒီလမ်းထိပ်ကအိမ်ကိုပြောင်းလာတာ"
"ဟယ်.. ဒီလမ်းထိပ်ကပြောင်းလာတဲ့ဆီကဆို မခင်ရီသားဆေးကျောင်းသားလေးဆိုတာ မင်းပေါ့ ဟုတ်လား သား"
"ဟုတ်ပါတယ်ဗျ"
"မခင်ရီနဲ့အန်တီက ငယ်သူငယ်ချင်းတွေသားရဲ့.. သားတို့အဲ့အိမ်၀ယ်ဖြစ်အောင် အန်တီဘဲစပ်ပေးတာလေ"
အမေဟာ ပိုင့်ရဲ့ဆေးကျောင်းသားဆိုတဲ့ဂုဏ်ပုဒ်ကို အထင်ကြီးဟန်ဖြင့် မျက်လုံးများကရွင်မြနေခဲ့၏။ လမ်းထိပ်က နှစ်ထပ်တိုက်လေးကို အမေ့သူငယ်ချင်းက ၀ယ်တယ်လို့တော့ကြားသည်။ ဒါပေမယ့် ပိုင် ပါ ပါလာခဲ့မှန်း သူဒီနေ့မှသိ၏။
YOU ARE READING
မောင့်လေပြေ (Completed)
Romanceကျောင်းစိမ်းဘဝကနေ အရွယ်ရောက်လာတဲ့အထိ ပြဿနာတွေကြားထဲကနေ မြဲမြဲမြံမြံချစ်သွားကြတဲ့ကောင်လေးနှစ်ယောက်ကြားက နွေးထွေးတဲ့ရပ်ဝန်းငယ်လေးအကြောင်း... ပြီးတော့ ထားရာနေ၊ စေရာသွားပြီး သိပ်ချစ်တတ်တဲ့ ဒုတိယလူကောင်လေးရဲ့တဖက်သတ်အချစ်တွေအကြောင်းပေါ့ 🤍 #Unicode ေက်ာင္...
