يجذبني الشوق إليك بقيود من حديد كلّما انتزعت قيداً أعادته الذكرى من جديد، أخبرني كيف أحيا وقلبك عن قلبي بعيد، كم يطيب لي عذابي ونفسي. يا من علمني فنون العشق والغرام لا تتركني فأنا بدونك كالجسد المليء بالآلام.. قرّبني ودعني أحكي لك عشقي المتيّم وخالي الأوهام.. نبني أحلامنا ونمضي بها إلى الأمام
____________
ودق:كلام عمو وگع مثل الابلوكه على راسي شنو يريد يخطبني لحسين والمشكله بابا وافق بدون مياخذ رأيي ولا كأنو اني موجوده رأسا كال هيه بنتك وحسوني ذهب ماالگه احسن منه بس اني حتى لو احبه مااقبل اتزوجه واني ادري بي يحب وحده ثانيه وخاصتا من شفته شلون انصدم ووجها احتقن وضل يباوع العمو بقهر بس مگدر يحچي يمكن مراد يفشل عمو گدام الگاعدين عاد اني گمت گلت البابا
ودق:اني مموافقه
قاسم :ليش بنتي شبي ابن عمچ وترفضي
ودق :مبي شي بس اني وحسين ربينه سوه بنفس البيت واشوفه مثل اخويه
من حچيت هيچ حسيت حسين ارتاح
بس بابا گال هذا مو عذر من يصير زوجج راح تتغير مشاعرچ واني وعمچ افهم منكم ونعرف مصلحتكم لذلك ماكو نقاش بعد بالموضوع
ودق :ميصير بابا مو هاي ود خطبها زميلها وانت اول شي سويته اخذت رأيها حتى قبل لتسأل عنهم
قاسم :لان هذا الولد غريب لو رايدها حسن او يعقوب ازوجها اله غصب عنها
على :لا قاسم ميصير مو هيچ الحچي تعالي بنتي اريد احچي وياج بالغرفه
رحت وره عمو للغرفه
علي :شوفي بنيتي اني اعرف انت ليش رافضه حسين رغم ادري بيچ عندچ مشاعر تجاها
اي لتباوعيلي هلشكل اني سمعتج مره بدون قصد وانت تحچين عن مشاعرچ الاختچ
ودق:بس هوه يحب غير وحده عمو شلون تريد افرض نفسي عليه
علي :واذا اگلج هاي الابنيه تضحك على حسين ومتحبه
ودق :لا عمو اذا انت متريدها لحسين مو معناها هيه مو خوش ابنيه
علي :لچ بابا الابنيه مخطوبه وعاقده عقد شيخ صارلها ٨ايام والحد الان مگايله لحسين
ومستمرين بأتصالاتهم ووضعهم طبيعي يعني هيه لو صادقه ويا چان وافقت على غيره؟
ونفرض انجبرت شنو الي يخليها تضم هيچ خبر عنه ولو هيه اصلا ابو الولد گال انو همه انخطبو عن حب يعني تريدين انتضر الحد متنزف گدام عينه وساعتها ابني ينكسر گدامها لا والله اكسر خشمها واخطبله ولا تگولين عمي خطبني لحسين بس حتى يكسر خشم ميسم لا خطبتچ لان ادري بيچ انت الي راح تسعدي
والي اريده منچ تحاولين تتحملي وتوگفين ويا بهاي المرحله وصدگي راح يجي يوم يحبچ اكثر من حبچ اله بس اريد منچ تصبرين
