#شفت دفتر حياتي مطرز احــزان
وبــچيت هــواي يوم الـي #قـريته
اول صـفحه بـيها اشــكال والوان
قــريت الثانـيه راح الــي #هـويـته
ثالث صفحه دوخه وشدهت البال
قــــريت الــــرابعه #ومــاكـمـلـيـته
شـمال الـخامسه شـتضملي الايـام
قـريت السـادسـه وبيـدي #طـويــته
اذانـي زمـانـي وعـكس ويــاي
وهــمي لغـــير الله #ماشـــكيته
انا ادري دنيا بيها هواي طيبين
زرعـت الطـيب ولامـره #جـنيته ...😔💔
_____________
حور :طلعت اركض بدون وعي مني جراح بالباب يعني لو مصايرله شي اكيد اسمعله صوت
فتحت الباب واشوف جراح بملابسه العسكريه وغرگان بدمه ومتمدد بالگاع
اهتز بدني من المنظر الشفت بي جراح صرخت بهستيريا وبدون وعي طلعت للشارع اركض رفعت راسه خليته بحضني واحچي ويا اريد بس اعرف هوه عايش لو ميت
على صوت الرمي طلعو اهله والجيران القريبين واجوي كلهم عليه اخوانه تخبلو بسرعه وگفت سياره مااعرف مال منو صاح صعدو يولد بالعجل
شالو اخوانه وهوه ماكو لاحس ولا نفس مااعرف فاقد الوعي لوميت بهيبته وجمال شخصيته وملابسه العسكريه گدام عيوني ملطخ بدمه ومحاس بالدنيا اني تهسترت ركضت صعدت بالسياره ويا وخليت راسه بحضني اخوانه صاحو عليه
وضاح وين رايحه يولو انت اگعدي هينه احنه ناخذو
حور :وضاح من الاخير لتأخرنه اني مااترك زوجي بين الحياة والموت واگعد بالبيت اصعد بسرعه دنروح
اجه صلاح يركض شمر عليه عبايه وصعد بالصدر گال للولد حرك بسرعه الولد صعدو سيارت جراح لان كانت بره يم الباب واجوي بيها
ووياهم خاله ام جراح وعمو ابو جراح رحنه للمستشفى واني الطريق كله ابچي افرفح وادعي ربي يحفظه الشبابه جراح كنت متوقعه نفسي اعزه احترمه وجوده مهم بحياتي بس بهاي اللحظه عرفت انو جراح كل حياتي
اكتشفت انو اني احبه وغافله عن هذا الشي وصلنه للمستشفى وجابو سديه ونزلو جراح من السياره خلو على السديه وهمه يركضون واني وخاله ام جراح نبچي ونركض وراهم
الدكتور باوع گال اشبي گلوله متعرض اطلاق نار گال للعمليات گبل حضرو اوراقه بين منجهزه للعمليه گعدنه بباب العمليات بالانتظار والقلق كاتلنه الساعه تمر علينه بسنه
بعد انتظار ساعات مااعرف شگد بصراحه لان اني ساعتها مو بحال احسب وقت
طلع الدكتور گال طلبنه دكتور جراحة عظام اني طلعتله رصاصه مخترقه الكلى والثانيه جايه بعضلة المقعد هم استأصلناها واكو رصاصه بالعمود الفقري لازم اختصاص يستأصلها اله واحنه دزينه على دكتور ......... هسه بس يوصل اتفاهمو ويا تره وضعه مو مال انتظار لازم حالاً العمليه اذا عدكم اعتراض على الدكتور گولو
