وكأنَّ حياتي يوماً واحِد يتكرّرُ كُلَّ يَوم..
لا فارِق بينَ اليومِ والأمْس سِوى إزدياد الحالِ سُوءاً،
الوِحدَة ذاتُها، الألمُ ذاتِه والبُكاء على الذِكرياتِ ذاتِها،
حتى الكوابيس التي تَخترِق منامي وَتُوقِظُني مَفزوعاً هي ذاتِها !
وجهي يَزدادُ عُبوساً وعيناي تتآكَل شيئاً فـ شيئاً،
وفي كُلَّ يوَم أفقِدُ جُزءاً مِن ذاتي
________
حور من سمعت كلام اخويه عني وشلون يحسني عار عليهم ويريد بس يخلص مني الدنيا ضاقت بعيني بس مطلعت ولا رديت عليه اني حلفت مادام همه مثقو بيه وصدگو كلام ام فرقد ومسمعو مني بعد مااحچي شي ولا ابرر الهم ابد خليهم هيچ حتى بوقت تنکشف بيه الحقيقه خاف گلبي اله نيه يسامحهم عقلي يذكره بالسوو ويوگفه عند حده
سمعت حسين يگول العلي
حسين :يابه انت صدگ تحچي مو هاي امانت امك وابوك هاي اختك الوحيده ماعدها لاام ولا اب اثنينهم راحو وبقت عينها عليكم تترجى الحنان منكم والكلمه الحلوه والنصيحه هيچ واگف بنص البيت وتصيح بعلو صوتك انت تريد تخلص منها مافكرت هاي كلمتك راح تغضب روح جدي وبيبيتي مافكرت يجوز تطلع اختك بريئه من هاي التهمه
علي: مو تهمه مو تهمه عمامك شافوها بعيونهم شلون حاصرها على الحايط هيه لو شريفه لو مظلومه چان صرخت صاحت مو تسكت حسين انت شاب وتفتهم مو صغير ماكو داعي تدافع عنها وهيه الغلط راكبها من راسها الرجليها لو صدگ ماعدها شي ويا چان صاحت بي دفعته
حسين صاحت ودفعته بس مالحگت لان الكل صار فوگها بلحظه
علي:وشعدها صاعده للسطح هاي مافكررت بيها
حسين :لان ام فرقد دزتها تجيب ملابس بنت سامر من السطح سهى طالعه وهيه صعدت تجيبهن
علي :هههههه لك بابا انت شلون گدرت تضحك عليك بهذا الكلام هيه شوكت كانت عدها علاقه طيبه بسهى وتساعدها
حسين :مو علمود سهى بس لان مره كبيره طلبت منها مگدرت تردها
علي :لك افهم هذا المط..... النايم براسك گعده عمتي ام فرقد هيه الي راحت العمامك وصاحتهم حتى يتلاحگوها وسهى كانت موجوده ماطالعه وملابس اصلامشاره بالسطح لان هيه كانت صاعده تريد تشر ملابس ومن شافتهم نزلت الامها وامها بلغت عمامك
حسين :راح يجي يوم وتعرف انو سهى وامها وره الشغله كلها
على :انت تريد تخبلني لك هنه شنو مصلحتهن من يسون هيچ وشعدهن وي هاي الساق.... ويخططن ضدها والله خوش غاسله دماغك اني اعرف هاي الفكره خلتها عمتي ام سامر ببالك بس ياابني بيبيتك ام سامر تحچي هلشكل حتى تحمي حور وتطمطم سالفتها لان تحب حور على محبت امي الله يرحمها ومتوقعه من تگول هلشكل راح توفي الروح صديقتها بأنها وگفت الجانب بنتها يعني مره كبيره وعواطفها تتحكم بيها
