ان تعويضات الله لا مثيل لها
حور :من وصلنه للباب قبل لندخل اتجه علينه الولد وگال
اسحاق :السلام عليكم
حور : رديت وعليكم السلام هوه نزع نضارته وباوع بوجهي گال بدون زحمه ام علي موجوده
حور :مااعرف توني اجيت هسه اشوفها بس منو اكول الها
اسحاق :اني ابن صديق جبار ابو عهود
حور :ابتسمت لا ارادياً من جاب اسم خالو گلتله لوك هسه اشوف ماما اذا موجوده
اسحاق :يعني انت بنت ام علي اخت عمي جبار
حور :اي باوعت ذني الحقي..... عايفاتني وداخلات دخلت للبيت لگيت ماما موجوده گلت الها اكو ولد من طرف خالو جبار بالباب يريدچ هيه خطيه فرحت وطلعت تعدل بشيلتها لان خالو جبار صارله شهر مدنحصله جهازه مغلق وماما كلش قلقه عليه
هيه طلعت واني لگيت فرح گدامي رزلتها لان عافتني وذيچ ورد انهزمت صعدت بدلت ونزلت غسلت دخلت ماما گالت هذا الولد ابن الرجال اليشتغل يمه خالو جايب رقم خالو جبار لان فونه ضايع بالسوگ قبل شهر وماحافظ ارقام اخواني حتى يتصل گال هذا رقمه الجديد
هوه خالو يشتغل فلاح بالبستان مال رجال شيخ مال جامع من زمان هوه يشتغل عدهم
اصلا جدو كان قبله يشتغل يمهم وهمه منطين الجدو قطعة ارض بالبستان مالتهم وباني بيها بيت الي بقو هسه ساكنين بي خالو وخاله طبعا خالو صار عنده ولد بعد اربع بنات ابنه اصغر مني ب٦سنوات يعني هسه عمره ١١سنه ومريم بعمري هيه الوحيده الي بعدها ممتزوجه دتكمل دراستها ومتقبل تتزوج
خابرت ماما على خالو وسولفت ويا اطمأنت عليه وطلب منها تروح الهم بس هيه اعتذرت منه گلتله حور توه بده دوامها وهيه مالها خلگ هلايام ومااگدر اعوفها
مر اليوم عادي وماما ارتاحت لانو عرفت اخبار خالو بالليل كملنه عشه ونظفنه البيت حسين وودق دخلو الغرفتهم واني غسلت وفرشت اسناني ودااصعد الدرج اني وفرح سمعت الباب انفتح توقعته حسن كان بره ورجع
حسيت انجريت من شعري بقوه بحيث رأساً صرت من ثالث درجه للگاع وصار بوجهي سامر وجها ميتفسر من الاعصاب .
سامر :منو هذا الواگفه ويا الضهر بالباب
حور :ساااامر اترك شعري هاي شبيك
سامر :احچي لا افلش وجهچ بالحايط ويامن چنتي واگفه بالباب
حور :دفعته بقوه وصحت بوجها بصوت عالي ماهمني خاف اهلي يسمعون
رديت عليه وانتتت شعليك انت منووو وشنو علاااقتك بيه حتى لو كنت ابن عمي هذا مينطيك الحق تتدخل بيه وتجي تصيح بوجهي فهمممت
