الصامتون نصف أحاديثهم في عيونهم
والنصف الآخر رسائل ماتت في قلوبهم
ولم يقرأها أحد....
___________
حور :مر اسبوع على زواجي جراح شگد مااحاول اوصفه يعجز الوصف عنه يعني بالمختصر تلوگله كلمة كفو البارحه سوينه حفلة مالت السبعه وكانت كلش حلوه رغم تنغيص انهار الي بس الي محيرني هيه ليش هيچ ويايه مااعرف هاي الابنيه شنو البيها وليش هلشكل تكرهني وهيه مصارلها اسبوع من عرفتني
صح هيه ويه الكل اخلاقها مو حلوه بس ويايه كرهها واضح يعني لو ضرتها مچان كرهتني الهلحد
عمه والبنات ميقبلن اشتغل كل ما الزم شغله ياخذنها مني ويگولن بعدچ عروس من تخلص السبعه عود اشتغلي
فاليوم گعدت الصبح وحبيت اساعدهم بشغل البيت لان آني مو من النوع الي احب اگعد حتى عند اهلي هيچ
جراح اجازته عشر ايام فكان موجود گال اليوم العصر آخذچ للمزرعه واني متحمسه احب هيچ اماكن
دنتريگ وانهار گالت اييي عيني اليوم نضوگ طبخچ
اني غصيت بالچاي هههههه
حور :احم لا اخاف عليكم اني لذلك اني انظف وكلشي اسوي ماعدا الطبخ
جراح باوع عليه وضحك يعرف بيه مااعرف اطبخ
انهار : يول انت شنو تضحكين علينه شنو اخاف عليكم
حور :مو اني غير البيض والچاي مااعرف اسوي ممكن اگلي اي يجوز ادبرها ولو ممجربه بس الطبخ لااااا عذروني
انهار اييي والله خوش دروب تا تفلتين روحچ من الطبخ والخبز
حور:گلت الج انظف اغسل ملابس اغسل مواعين اي شي غير الطبخ
ام جراح:مالچ شغل يمه انه هين اقسم الشغل هنه الملابس كل وحده تغسل الها والزلمتها والعدها عجايه تغسل الهم وانه وعمچ انفال تغسل هدومنه والمواعين مقسمات كل وحده عليها وجبه والتنظيف هم كل وحده غرفتها الربعه والاستقبال راح يصيرن عليچ انت وانفال والغده كل يوم عليچ وانه اوگف يمچ واعلمچ من هين لما تصيرين احسن طباخه بعد شتردين اكثر
حور :شكراً خاله حبيبتي متقصرين
دگ الفون مالتي وكان حسين واصل للانبار وميندل وين احنه راح جراح جابه واجه
من وصلو اني كنت بالشباك مالت المطبخ واگفه گبال الباب اول مشفت جراح دخل وفتح الباب لحسوني ويگول تفضل تفضل
طلعت طايره اركض من المطبخ صحت حسسسسوووونيييي وركضت عليه تعلگت برگبته ولوه شاني من خصري وحضني حيل
حسين :ولچ مشتاقلچ والله البيت ماينجرع بدونچ
حور :واني هم مشتاقتلك هوايه يروحي حسيت واحد لزم خصري وجرني منه باوعت جراح چان مبين معصب بس ميريد يبين
