حور :اليوم المفروض حنتي بس اني مسويت حفله اجني ود وودق وهند گعدن يمي حاولن يساعدنني بتجهيز اغراضي او تنظيف جسمي بس اني مقبلت ابد كنت حاجزه بصالون تنظيف بشره وازالة شعر وتقشير گالت ودق اني اروح وياچ والله حسين گلي روحي وبابا مااعتقد يعترض
حور :لا اني مااقبل عليچن تختلطن بيه تخرب اخلاقچن وسمعتچن مثل متفضل والدچ الموقر
هند :حور اني اجي وياچ وكافي ليصير گلبچ اسود انتي مثل بنتي ومستحيل اتركچ وحدچ
حور :ليش شبيه اني وتتركيني وحدي بعدين عليش مستحيل مو تركتوني ١٠ايام بالمستشفى محد سأل عن حالي وخليتو حسين مبتلي بيه هسه اجتكم المحنه من تالي والله ياالله هزيت ايدي وگعدت اسفط ملابسي بالجنط
شويه وسمعنه صوت وحده تصيح حوريه يمه ولچ حوريه
گلبي رجف نفس صوت ماما بالضبط اكيد هاي خالتي طلعت اركض من الغرفه لگيت خالي وخالتي ومرت خالي ومريم
ركضت عليهم شمرت نفسي بحضن خالتي واني طايره بيهم من الفرح
حور :خاله حبيبتي شلون عرفتي اني محتاجتچ اليوم
ام سمره :وهيه تبچي يبعد عيون خالتچ وگلبها يمه رجلچ اجه لينه وحچالنه كلشي صار بيچ يبعد گلبي خلاف اميمتچ ضعتي بس الله ماقصر انطاج رجال والنعم منه وانه هسه اجيت حتى ازفنچ بأيدي واروحن وياچ البيت رجلچ
حور :فدوه العمرچ يريحة امي انتي
باوعت المرت خالي تمسح دموعها بشيلتها رحت سلمت عليها وعلى خالي ومريومه
خالي راح گعد بالاستقبال واني اخذتهن الغرفتي خطيه هنه من شافن الجنط مفتوحه گبل كل وحده جرت جنطه وضلت تسفط بيها ملابس وخالتي فتحت جنطه هيه جايبتها وياها گالت هاي جهزناها انه ومرت خالچ كانت مليانه چراچف وفرشات مال چربايه وخاوليات حتى سجادات مال صلاة هم جايبه
كملنه ترتيب الجنط خليت بس الاحتاجهن يمي لان هسه حيجي اخو جراح ياخذهن يرتبوهن بغرفتي بالانبار
الضهر كملنه غده واخذنه حسين اني ومريم للصالون
بلشت بيه سمكره وصبغ سوتني عبالك دجاجه توها منتوفه ريشاتها وشعري صبغته اسود طبيعي لان هوه صح اسود شعري بس مابي لمعه عبالك املح وحفتلي حواجبي لاول مره تغير شكلي جذرياً لان اني ابد محافه وجهي وحواجبي حتى شواربي چانن چنهن شوارب مراهق
رجعنه للبيت رحت گبل الغرفتي احس وضع البيت متكهرب الضاهر صايره مشادات بين اخواني وزوجاتهم وبناتهم حسب مسمعت من خالتي تگول گالولهن محد تروح وياها احنى شعرفنه بالناس وتريدن تروحن وحدچن الهم حتى رجال ماكو وياچن يرحن خالتها ومرت خالها كلش كافي
عاد هند گايلتلهم اذا ناس متعرفوهم شنو ماشنو شلون انطيتوهم اختكم عاد همه گابين عليها على انو اختنه من سوء عملها هيه الي جبرتنا ننطيها محترمت نفسها وصخمت وجوهنه خليها تتحمل النتيجه
