دهاليز الهوى
نورس الركابي
_______________
حور :فتحت عيوني صارو بوجهي ولد اثنين واحد لابس تراك اسود شايفته بس مااتذكر وين والثاني لابس دشداشه وعگال وشماغ
ولاف الشماغ بطريقه تشبه الچراويه بس فوگ العگال
اني من الصدمه فتحت عيوني على وسعهن وحلگي فلت
هذوله منين طلعوو
صحت بصوت مسموع واني بعدني عيني عليهم عززززه بعينچ حور
همه طگوها ضحكه بصوت عالي درت وجهي ادور على البنات واحس وجهي صار جمر من الخجل يربي والله عيب شلون فشله
لگيتهن ميتات من الضحك وواگفات على صفحه تركتهن وركضت بأتجاه البيت وهنه اجني ورايه ومباوعت بعد على الولد ولاعرفت همه بعدهم واگفين لو لاء بس ضجت منهم يعني احنه بنات والبستان كان فارغ واخذنه راحتنه باللعب همه المفروض من يشوفونه هيچ ميجون يمنه حتى لو كان بستانهم مو اله يخلونه بهيچ موقف محرج
المهم وصلنه للبيت واني مشتعله ناااار لعبت بيهن لعب
حور :يعني ماكو وحده من عدچن حاولت تنبهني صدگ چذب هاي عود شنو معناها تخلنهم يتفرجون على خبالي ويضحكون
ودق :يعني تعترفين انو انت مخبله مو
حور :ووووودق لا تستفزيني كان المفروض تنبهيني تجين تجريني وتخليني اعرف بوجودهم
ودق :ولچ والله انت ابتعدتي عنه وانت تفترين محاسسه بنفسچ وهمه كانو گاعدين وره النخله واحنه منعرف بيهم حتى ردتي تضربين قوري الچاي مالتهم برجلچ وگام ابو العگال ركض شاله وخره عن طريقچ والثاني هم گام وكف متفاچئ منين طلعت الهم فيروز هههههههه
حور :ننننن متضحك تره
مريم :خايبه دهر دهرچ مو صوت ضيم وعلي وانوب تفترين وتطيرين بأديچ خليتي اسحاق وصاحبه يسيحووون
حور :عززه وصخام بوجهچ حوور تذكرته هذا ابن شيخ الجامع الي جاب رقم خالو العام النه ياااربي هسه شحيگولون عليه
ودق :لتكبرين الموضوع حور همه وين يعرفوچ وبعدين انت ممتقصده بالي سويتي
فرح: لچ والله صحت بأسمچ بس انت مرديتي عليه
حور :اي والله مكنت متوقعه اكو احد اجه توقعت دتحاولن تضوجنني المفروض تجين اجريني مو تخليني چني صخله عميه
دخلنه للبيت وهنه بس يباوعن الي ويضحكن تركتهن لان صدگ الفشله بعدها بيه موقف كلش سخيف
ماما گالت اجتي مرت الشيخ عزمتنه على العرس باچر گالت مسويه مولود واصرت انو اروح اني واخذچن
حور :اني من هسه اگول تره مااروح
ام علي :حور هيه ساعه لاتضلين تتمضيگين بعدين كلنه راح انروح خوماتبقين وحدچ
