غديت اسود ياگاع بلون ...... زفتاك
بسبب ياااروووح من البيت ....زفتاك
خبر عندي الخميس تصيييير..... زفتك
شتضن يضل النفسسس للجمعه بيييه
من ابشع مايكون انو تكون روح انسان هي المشوهه من يتنمر على شخص بسبب شكله او مرض مصاب بي و جرحه امام الاخرين يدل على انه الشخص المتنمر هو المشوه روحه مشوهه گلبه مشوه لذلك اشخاص لازم البيت هم عن حياتنا لانهم يكونون مرض بحد ذاته
________________
ود: من وگعت حور مغمى عليها وكانت شايله بأيدها الصينيه وگعت عليها الگلاصات والمواعين الي مليانه عصير وكيك وتطشر كلشي احنه كلنه انفزعنه وحسين شالها بسرعه من وسط الصاله خلاها على القنفه وجبتله مي ضلو يذبون على وجهها مي هيه انتبهت وفتحت عيونها بس بعدها دايخه عمو ابو يمان اصر انو نوديها للمستشفى بس هيه مقبلت گالت اني دايخه لان ممتعشيه
بس اني ادري بيها كذابه مو بس ممتعشيه هيه صاير اكلها كلش قليل واليوم كله مشفتها اكلت يعني من البارحه العصر اخر وجبه حتى صايره صفره وجفونها بيهن حمار كلش قوي مديروح ابد
بيبي خطيه فرفحت من البچي وام يمان تسكت بيها وسهى وامها مسويات نفسهن خايفات عليها بابا وعمامي استحو يتعاركون وياهن گدام الخطار بس حسين طلع ورجع گال بيبي ام فرقد جدو حذيفه يريدكم بالبيت يمكن جايكم خطار
وهوه كذب محد صاحهن بس هوه طردهن بنزاكه
تركنه الخطار العدنه ودخلنه يم حور لان خطيه مبينه كلش تعبانه ماما نظفت الگاع من الكيك والعصير وحور دخلت تسبح لذلك رجعت يم يمان همه مطولو بس اتفقنه يوم الاحد نروح نكمل الفحص والاثنين نعقد واليوم جمعه يعني بعد يومين وعزمو اهلي على الغده يمهم بيوم العقد
______________
حور : اني بدون كلشي نفسيتي تعبانه ومدمره دمار تره الى دا امر بي مو سهل بس اني دااحاول بكل طاقتي انو ماابين ضعفي گدام احد
اكلي كلش قليل لدرجة من البارحه العصر اكلت كعك وچاي وي البنات ولحد هسه مماكله واحنه بالليل من اجوي اهل يمان مكنت حابه اطلع لان ماالي خلگ ابد
واهلي من طبيعتهم ابد ميتقيدون من احد يعني مدام صارو نسابتنا معناها لازم تقوه العلاقه ونعتبرهم مثل الاهل نگعد سوه بس نتصرف بحدود المعقول يعني مو ناخذ راحتنا زايد
فآني بقيت بغرفتنا منزلت بس ام يمان حرجت ماما من سألت عليه وطلبت تشوفني اجتي ود صاحتني
