منَ الشوقِ والوجدِ المُبَرِّحِ أنَّني يُمَثَّلُ لي من بعدِ لُقياكَ سأسلوا لَذيذَ العيشِ بعدك دائمًا وأنسى حياةَ النفسِ من قبلِ ماأنساكا
،___________
حور:بعد وفاة ماما طفت الدنيا بعيوني وصار كلشي لون واحد
البنات وحسين واگفين ويايه ابد متركوني رغم اعرف بيهم مقهورين على ماما مثلي بس على الاقل همه عدهم احد بقه عدهم ام واب وعدهم شريك حياتهم اني صرت احس نفسي وحيده كنت اغلب وقتي بالغرفه مااطلع اله للضروره
بعد وفاة ماما بشهرين بده الدوام واني هاي السنه سادس طبعا اني فرع الادبي
گلت لازم اشد حيلي وادرس حتى اكون سويت شي اجازي بي تعب ماما وبابا عليه
بلشت دوام من اول يوم كانن البنات الي ويايه مستغربات وجهي ذبلان وشفايفي بيض وعيوني يحاوطها لون احمر الابتسامه ماكو
وين كنت ادخل للمدرسه مرسومه الضحكه على وجهي وبنات اخويه مخلصانات مني ورد وفرح كل كلمه وصحت بيهن واذا حچن اگلهن عيب عليچن اني عمتچن ومخلصيها ضحك وشقه حتى المدرسات مصادقتهن
هسه ماكو بس گاعده وساكته
مر اسبوع على الدوام واحنه لان سادس بلشنه من ثاني يوم تحاضير ودروس
اليوم طلعت من المدرسه مدنگه وامشي وصلنه راس الشارع مالتنه
فرح :لچ حور شوفي منو هذا
اني رفعت راسي شفته ابو عگال بس هلمره ملابس عگال لاف اليشمغ مالته مااعرف اشلون بس حلو طالع وصلنه يمه هوه ابتسم وتوجه النه
جراح :السلام عليكم
حور فرح ورد :وعليكم السلام
باوع عليه ونضراته مال واحد محتار
جراح :شلونكم يابه
حور :زينين الحمد لله
جراح :بس مو باين انچ زينه ادحگ تعب وهموم بعيونچ وذبلانه مثل الورده الگاطعين عنها المي
حور :انحرجت من كلامه ونضراته واصلا ماالي خلگ ارد عليه گلتله تفضل ويانه للبيت هسه اخواني على جيه
جراح :مشكوره والله بس انه عندي شغل ويه صديگ هينه بيتهم وجاي اخلصو وارد
حور :اوك من رخصتك مع السلامه
جراح :الله وياچ
تركنا واگف ورحنه
ورد :لچ حور هذا شلون يباوعلچ عزززززه لچ والله عيونه حنينه ويباوعلچ بطريقه خلتني اشعر الجفاف والوحده هسه يطلع يحبچ
حور :دامشي امشي گدامي لا اگطع الجنطه على راسچ سويتيها فلم هندي
فرح :هههههههه بس تره كلام ورد صحيح
