حور :بقينه يومين بالمزرعه كلش تونست جراح عيشني حلم وردي بهاي اليومين خلاني مثل الطاير فوگ الغيم
باليوم الثاني العصر اخذني وطلع الفرس يريد يدربني على ركوب الخيل بس اني قصيره والفرس عاليه حاولت اصعد مگدرت كل مره اوگع وهوه يضحك عليه صعب الصعود على ضهره كلش عالي اربع او خمس مرات احاول ومااگدر
حور :هسه شلون والله معليه اريد اتعلم شنو هسه حسين بس يسمع يضل يضحك عليه
جراح :افه يضحك عليج وانه موجود يولو عجل انه شنو شغلي هينه
دحگي انتي لازم تجينو ركض وبسرعه تخلين رجلچ هين وايدچ هين وتصعدين الرجل الثانيه تعبريها من هين بس لازم سرعه بالتصرف حتى تگدرين
مو صاعدتو چنچ واحد يريد يطفر سياج
حاولت مثل مگال هم مدبرتها سوه هوه الحركه گدامي وبعدين گال تعالي تا اصعدچ هين يمي لزم ايدي وساعدني صرت على ضهر الفرس واخيراً هوه لازم مقود الفرس اويمشي بي بهدوء
قرب نفسه مني وگال بصوت خافت شنو شعورچ هسه
حور :شعور كلش حلو جراح تعرف شنو هاي اللحظه حلم طفولتي
جراح :ان شاء الله يقدرني واحقق كل احلامچ
حور :شكراً جراح وجودك بحياتي منطيني طاقه كلش حلوه رغم كل الي مريت بي
جراح: عجل ما استحق مكافئه على هذا الشي
حور درت وجهي عليه وباوعتله بطرف عيني گلتله انت شگد طماع
جراح :يابه عليش سويتيني طماع انه شطالب هيه بوسه بس انت بخيله
ضحكت وهوه كل شويه يبوس رگبتي من وره لو خدي نزل من على ضهر الفرس ونزلني راح رجعه المكانه وبعدها بدلنه ورجعنه للبيت مالت اهله سألته اذا عندك بيت ليش تزوجت ويه اهلك
جراح :ول ابويه اني عندي دوام وخفارات مااامن عليچه تا اعوفچ هينه لحالچ صح اكو حارس بس انه گلبي ماينطيني تضلين لحالچ بس اذا ما خلصت مشاكل انهار وتضل كل يوم مسويه النه مشكله نجي نگعد هين احسن من المشاكل واذا على اهلي مو بعيدين نضل نروح ونرد عليهم
وصلنه لبيت اهله وكان الوضع طبيعي وانهار عند اهلها بعدها
صايره مشكله بينهم وبين صلاح ومتضاربين هوه واخوها طبعاً عدها اخوه نسخه منها الوحيد بيهم زين وميقبل على الغلط هوه زوج فريال
لان هوه من غير ام اعتقد اختلاف التربيه مرات او اغلب الاحيان تكون الام هيه اساس شخصيات اولادها
يعني اذا كانت الام انسانه صالحه ومن الصغر تزرع بأطفالها الاحترام والحب والصدق اكيد راح يطلعون للمجتمع وهمه بقمة الرقي
اما اذا كان العكس فراح يطلعون مثل انهار واخوتها
يعني فوگ ما اختهم غلطانه يتعاركون ويه زوجها ويضربو وزوج فريال من حاچي متهمي انو صار من جانب صلاح بس حتى يرضي زوجته وهم متعارك وياهم وطالع
