لياكل من خبزنه
وضاك الملوحه
يحاول يحترمنه
ويحترم روحه
مو ببيتونه. ويكوم بينه يعيل
واحنه اخلاقنه من لخجل مذبوحه
اخلاقي ومستحاي اخوان
لو عدوان جان كطعن المريوحه.
ولا يلعب وياي لضال دوم صغير
وانه اللحت العنب من كال مالوحه
___________
اسألچ سوال اخوانچ ليش وافقو ينطوچ الي بعد مكانو رافضين
حور :ليش هلسؤال
جراح :اليوم خابرني واحد گال انه چنت احب حور ويناتنا علاقه وهيه هم تحبني ومجبوره عليك متريدك بس اهلها جبروها عليك لان حسو بعلاقتنا
حور :وانت صدگت كلامه ؟
جراح :لاطبعاً انه مو زعطوط واي واحد يتحچه كلمتين اصدگو بس ضليت قلق خاف انت صدگ مجبوره عليه وتحبين واحد ثاني انه مااريد اضلمچ وياي
حور :لا اني مااحب اي واحد بس انت لازم تعرف كلشي عن حياتي اريد احچي وياك عن اشياء كان لازم احچيها الك من اول ماگعدنه سوه وحچينه كان المفروض احچيلك ضروفي وانت تختار تكمل ويايه لو كلمن يروح بطريقه
جراح :قلقتيني حور انت حتى متفاجأتي من گلتلچ عن المتصل
حور :اي لان كنت متوقعه مراح يخلوني اعيش حياتي وراح يحاولون يزرعون الشك بيني وبينك
جراح :منو همه وشنو غايتهم
حور :من تجي احچيلك كلشي
جراح :عجل انه اليوم خفر باجر الصبح انزل گبل البغداد واجيچ نطلع بمكان ونتحچه
حور :اوك هلا بيك بس اتصل بيه قبل لتوصل حتى اجهز نفسي وياريت تتصل بعلي تستأذن منه لان الصبح هوه بالدوام
جراح :اكيد بله ماتگولين يولو انه اعرف الاصول واكيد استأذن منو
ثاني يوم خابرني ب١١گال انه راح اوصل الكم جهزي حالچ
گمت لبست فستان طويل جرجيت يصير طويل ومن يم الخصر حزام ومن جوه عريض وتكرمون حذاء عالي ويا وشعري رفعت منه قسم بقراصه ناعمه مخليت اي مكياج حتى الحمره السحريه الي كنت مدمنتها مخليت منها من يوم وفاة ماما لليوم ابد
شويه واتصل بيه گال انه بالباب
اخذت جنطتي وخليت بيها الفون خليت عطر وطلعت
ابد محچيت وي اي احد من الموجودين طلعت گبل فتحت الباب شفته واگف ومنتچي على سيارته
جراح :هلا بنبضة گلبي صباح الخير
