فصلية الضابط فهد

البارت 5

نوب بعدين عفت السالفه مهتميت بيها لان طبعي مااهتم اذا صارت شغله ويايه 😌
فهد : احنه كاعدين نسولف اني وعلي وبعدين اجتي عيني بعين الغزاله وخزرته مدري ليش هيج سويت بس هيه مدارت بال واندارت وكملت
حجي ولا دارت بال اصلا !! بعدين نتبهت ع طاوله مالتهن كامت هيه والبنات الوياها وعلي يحجي ويايه اني صافن ع غزاله نوب علي كال
علي : هيوووووو فهد شبيك صارلي ساعه احجي وياك وانته مو يمي اصلا
فهد ( انتبه النفسه ) : ها هالا ولك بس دافكر بامي مشتاقلها باجر نرجع للبصره لان عطلتنه
علي : يي والله اني هم مشتاق الاهلي باجر نشوفهم وحضر نفسك اول متروح تكول لخالتي تعزمني ع دولمه والله مشتهي الدولمه مالتها 😌
فهد : دووولي شكد ابو بطن حاير ببطنك 😒
علي : انته شعليك ليش مضغوط اني مشتاق لخالتي والاكلها 😒انته شنو
فهد : يي عبالك مااعرف سوالفك انته تريدها علمود بطنك مامشتاقلها
علي : چاااا اذا تعرف اخيك شكو تحجي 😜😂
فهد : مصلحجي 😂
تبارك : رحنه طلعنه من المطعم فترينه همين وصدك كلش تونست وياهن
صارت ب 11 ورجعنه للبيت طبعا اني راح اضل بيت جدو
فهد : رحنه رجعنه للشقه بدلت وكملت وحطيت راسي ع مخده ضليت
افكر بالغزاله وليش ضجت من لبسها وخزرتها
( اوووف اني شبيه بس افكر ) نوب خليت ونمت
تبارك : رجعنه للبيت وبدلنه وكمنه نشوف الصور الطكيناهن
وشويه سولفنه وضحكنه بعدين نمت اول محطيت راسي ع مخده
اجه ع بالي الضابط عيونه وشكله وبعدين افكر ليش خزرني عاد خليت ونمت صار الصبح استغربنه بيت خوالي وخالاتي كلهم مجمعين
غسلت ورحت سلمت عليهم وره شويه سالت رسل بنت خالو
تبارك : اكلج رسل هاي شكو شصاير شبيهم كلهم يتعايطون
وعيونهم بكصتهم 😕
رسل : ولج هذا امير ابو المشاكل ابن خالو البارحه بنص اليل متعارك ويه ولد وضاربه والضربه صايره ع راسه وهسه مندري شبي الولد يموت يعيش
تبارك : ياااا عزه بعينه ولج هذا ميجوز من المشاكل خررب بيومه ولايجوز
خطيه جدو يوميه ورا من مشكله المشكله
وره شويه خابرو خالي كالوله الولد دخل غيبوبه ومندري شوكت يصحه
وراح يصير كعده عشاير طبعا الولد من البصره وابن خالي راح بيت اهل مرته هم بالبصره ومناك متعارك
ثاني يوم راحو خوالي للبصره وصارت الكعده ضلينه ننتظر لحد اليل
ساعه 10 تقريبا اجوي وسالناهم شنو طلبوو وجانت الصدمه .........يتبع