فصلية الضابط فهد

البارت 33

جنه : رحت طبيت للبيت وجسمي يرجف قبل لا اوصل للباب سمعته يكول بصوت عالي
حسين : احبببببج
جنه : انداريت عليه وابتسمت وهو غمزلي جان افلت جوه
بعد مرور يومين
تبارك : كعدت ع صوت يكول
فهد : حبيبتي كافي نوم اجيت
تبارك : عبالي دااحلم
تبارك : امممم ورجعت نمت
فهد : ولج بنيتي اجيت يمج
تبارك : ركزت بالصوت جان اطفر من الجربايه لكيته واكف وهو بزي العسكري كبل طفرت عليه وحضنته
تبارك : عاااااا باباتي شوكت اجيت
فهد : هسه اجيت
تبارك : اوووف كلبي نار عليك مشتاقتلك وضليت ابوس بي من خدوده
فهد : اني هم مشتاقلج غزالتي ولج اكعدي لتسوين هيج بيه
تبارك : واني مستمره ابوسه
تبارك : شنو ( بوسه ) سويت ( بوسه ) بيك ( بوسه )
فهد : لتضلين هيج تبوسين بيه مااتحمل تره اهجم عليج
تبارك : حطيت راسي بركبته وكتله
تبارك : امممم مشتاقتلك تره
فهد وهو يحضنها اقوه : والله مو بكدي
وبحركه سريعه من فهد تبارك صارت ع جربايه وهو فوكاها ويبوس بيها بلهفه
تبارك : بالكوه وخرت منه وكتله
تبارك : اووو فهد داتاذيني تره
فهد : شسوي ولج مو بيدي اكو غزال يمي واسيطر ع نفسي من اشوفها
تبارك : اممم قربان قلبك
فهد : ولج شني هاي نوب قربان
تبارك بضحكه : يعني فديت قلبك
فهد : اها وبيا لغه هاي
تبارك : بالكردي يكولوها ومرات بالتركماني
فهد : ممممم ونتي شمعرفج
تبارك : شنو شمعرفني غير اني كرديه
فهد بصدمه : شنوووو
تبارك باستغراب : شكو
فهد : شلون كرديه انتي
تبارك : شنو شلون يعني غير اجدادي كراد وبابا كردي وطلعت عليه
فهد : اوكفي دقيقه الولد الي كتل ابن عمي شيصير منج
تبارك : ابن خالي
فهد : شنوووو
تبارك : شكووو
فهد : ولج ميصير تجين انتي فصليه اذا تصيرين بنت عمته لازم لو بنت عمه لو اخته او وحده من نفس العشيره
تبارك : وهاي شعليه ؟؟
فهد : لا شلون شعليه لازم من نفس عشيره الولد البنيه تكون
تبارك : وهسه شنو شراح يصير
فهد : مراح يصير شي بس هذوله شنو ميعرفون القوانين العشائريه
شيوخكم شيوخ اخر زمان شلون رهموها
تبارك : مدري
فهد : المهم معلينه هسه
فهد : يمه فدوه حبيبتي طلعت كرديه
تبارك : يي
تبارك : اممم اكول فهد
فهد : كولي يكلبي
تبارك : اااحمد راح يزوج
فهد : اكيد دتشاقين
تبارك : لا والله مداشاقه
فهد : ومنو البنيه
تبارك : بنين بنت عمو يوسف
فهد : امممممم يصير خير
(( بعد مرور 3 ايام ابطالنه مثل روتينهم العادي ))
اجه وكت المشيه علمود خطبه احمد
تبارك : صار العصر علمود المشيه لاحمد واحنه ماخذين الموافقه قبل بس هسه نروح علمود نقره الفاتحه ويعقدون بنفس الوقت ( مدري شعنده احمد مستعجل )
جنه : من بعد محجه حسين ويايه مااجه خطبني وكلت اكيد جذاب ميحبني بس هيج يكول ولو صدك يحبني جان اجه خطبني لو بس سمع بيها زواج كبل انسحب والله يالله واني شنو دافكر بي اوي
احمد : بدلت وكملت علمود نروح للمشيه علمود حبيبة كلبي واخيرا راح تصير بأسمي وملكي الي وحدي
عاد كملو وراحو لبيت عمهم وجانو كلهم موجودين كرايبهم
تبارك : وصلنه البيتهم انصدمت شكد جايين ناس من كرايبهم رحنه طبينه جوه كعدنه بالاستقبال يم النسوان والزلم بالديوان كعدنه يم جده
والنسوان كل شويه يسالون منوو هاي ومنو هاي حقهم ميعرفني ومن يكولولهم مرة فهد ينصدمن ويكولون شكد حلوه فدوه لله ومن هالحجي بس اكو جم بنيه شابات يطلع عمرهن 18/19 يباوعن بحقد مدري شبيهن
تبارك : اكلج جنه
جنه : همم كولي
تبارك : منو ذني البنات وشبيهن هيج يباوعون عبالك كاتله اهاليتهن
جنه : ذني كرايب بابا من بعيد يحبن فهد يموتن عليه شكد حاولن يجذبن انتباهه بس هو مااهتم بيهن ومن شافن انتي مرته وحلوه كامن يكرهنج
لان اخذتي فهد
تبارك : جنه تحجي واحس نار وشبت بيه نوب كملت كلامها ورجعت باوعت ع بنات ومبين ع ملامحي الغضب وجان اخزرهن وهنه ضلن صافنات
بعدين دارن وجوهن كبر
فهد : اجه يوم خطبة بنين واحمد وكعدنه بالديوان وصار الحجي وطلبنه البنيه وقرينه فاتحتهم وره شويه حجه حسين
حسين : احممممم احمم من رخصت الشيخ والكبار اني حاب اكولكم شغله
الكل : مرخوص كول
حسين : اني كدام ولد عمي والاهل كلهم حاب اطلب ايد جنه من عمي الشيخ وطبعا من رخصه اخوانها اذا ماكو مشكله طبعا
ابو فهد : ونعم منك يبن اخوي لو بيدي اكلك كبعها واخذها بس يبقه القرار بيدها مثل متعرف لان هاي حياتها وماريد اجبرها ع شي بس لازم ناخذ رأي اخوانها اول
فهد : احم بالنسبه الي ماعندي مشكله ابن العم والنعم منه رجال وكفو منه
احمد : كلامي من كلام ابوي واخوي ماعندي مشكله بس يبقه القرار بيدها
فهد : هذا هو لعد بقه بس رأيها
كام احمد وفات للاستقبال
احمد : احمم الكل ينتبه
الكل توجه انظارهم لاحمد
احمد : اليوم مثل متدرون خطبتي من بنت عمي بنين والحمد الله صارت الشغله وفضت بس حسين ابن عمي اجه طلب ايد جنه للزواج
الكل : يي ع خير عليكم الف مبروك
احمد : تسلمون متقصرون بس اريد اسال جنه كدامكم اتوافقين لو لا الولد شاريج تره ومثل متعرفين هو ابن عمج وتعرفين كلش زين شتكولين نتوكل لو نسد السالفه
جنه : اجه احمد حجه واني طبيت بنص هدومي من الخجل نوب سالني واريد صوتي يطلع ماكو
تبارك بهمس : يله ولج وافقي والله حسين خوش ولد مبين حباب
جنه بهمس : هذا هو الي تردو يصير اذا انتوا موافقين اني قابله
احمد : شنو علي صوتج
تبارك : ولك تكول اذا انتوا موافقين اني ماعندي مشكله
احمد : هذا هو ع بركة الله نتوكل بس حضري نفسج راح يجي السيد يعقد النه
الكل كام يبارك الجنه
وراها اجه السيد وعقدو وعلت الهلاهل
تبارك : كلش فرحت الاحمد والجنه احسبهم اخواني ذوله احبهم كلش وراها انتبهت المريم كاعده تباوع عليه بنظرات غامضه مااعرف شلون افسرها وراها شافتني اباوع عليها ابتسمت بس حسيت ابتسامتها مصطنعه كلبي ضل يلعب منها
بعد مرور فتره ابطالنه عايشين بسعاده احمد طاير من الفرح وجنه كامت تحب حسين من خلال تصرفاته وياها واهتمامه حبته كلش وتعلقت بي حياتها سعيده اما تبارك وفهد مثل العسل ذوله فهد يكضيها بالشغل وع مبايل يحجي وياها ومن يرجع يلزمها يهجم عليها وهيه متحجي شي لان هيه هم تحتاجه وتشتاقله
ملاحظه / تبارك بعدها بنيه يعني فهد ممتقرب الها لان يكول بعدها صغيره مااريد اذيها فـ عايفها من تكبر شويه بس ميدري الايام شضامه الهم
تبارك : مره من الايام جان فهد بالدوام واني مكمله شغل وكاعده بالغرفه اتصفح بالفون لان فهد عنده شغل تحقيق ف مشغول وراها دك عليه رقم غريب مرديت لان خفت كلش منو هذا يدك قابل ضل يلح يلح بالاتصال وراها بطل بعد مدك بس اني ضليت خايفه وره ساعه دك عليه فهد وحجيت وياه وكتله
تبارك : اممم فهد
فهد :  كلبه وروحه
تبارك : امم فهد قبل ساعه دك عليه رقم
فهد : بس لا جاوبتي
تبارك : لا لا والله مجاوبته ابد خليته يدك وراها انسد من وحده بس ضل يلح بالاتصال
فهد : يجوز غلطان بالرقم وبعدين انتبه بس انتي ابد ابد لتجاوبين اذا دك عليج أي رقم ماشي
تبارك : ‎ماشي باباتي
وضلينه نحجي ونسولف وراها سديته جان يجي مسج من نفس الرقم
رساله : نايمه ورجلج بالشمس
رساله : جذاب ميحبج ترا يجذب عليج يريد ياخذ الشغله الي يريدها ويعوفج
وضل كومه يدز رسائل وتهديد هم اني بهاي اللحظه حسيت نفسي انكطع من الخوف قطره دم متلكون بيه
كبل حظرت الرقم وكلت الاي احد عنه ويمكن جان هذا اكبر غلط انو سكتت ومكلت الاحد
استمر هذا الشي يوميه رقم جديد ورسائل ومحادثات ع اساس الفهد بس اني مصدكت كلت جذب مو هو هذا واذا صدك هو هذا قبل ليزوجني وهسه راح هذا الشي ماضي
وضليت احجي ويه فهد يوميه ومدري شنو واتصرف طبيعي مردته ينتبه الي كلت هذا الشي جذب مو فهد اكيد احد دشاقه لو خبيث يريد يخرب بيناتنه
لان طول الوقت اني وفهد ع اتصال ونتراسل شوكت يلحك يحجي ويه غيري
لحد مايوم اجه نفس كل مره لهفته عليه وضل يحضن بيه ويبوسني واني نفس الشي واستمر هذا الوضع وراها ب 3 ايام جانت عطله فهد لان هو اسبوع باسبوع فكتله
تبارك : فهودي حَبيبي خل اروح اليوم للسوك اني وجنه وماما
فهد : شتسوين بالسوك
تبارك : محتاجه جم شغله اريد اجيبها
فهد : ماشي حبيبتي روحي بس خل احمد يوصلكم وفلوس تلكين بالكنتور اخذي شكد تحتاجين
تبارك : ماشي كلبي احبك
صار العصر وكلت الجنه والماما وافقو وكلت الاحمد يوصلنه وقبل صعدت اسبح وابدل علمود نروح لكيت فهد كاعد
تبارك : ها حبيبي شو كعدت
فهد : ها عمري والله خابروني اصدقائي راح اطلع اني
تبارك : ماشي حبيبي بس تتاخر لو لا
فهد : ماادري والله اشوف الجماعه
تبارك : براحتك كلبي
ورحت سبحت وبدلت طبعا اني مو محجبه بالكوه قنعت فهد ابقه بدون حجاب صارت عركه من وراها بعدين بالكوه قبل بس ملابس لازم طويله وعريضه وافقت المهم بدلت وكملت ونزلت ولكيت جنه مبدله همين للعلم جنه محجبه حسين حجبها لان يغار عليها ميقبل تطلع بدون حجاب وهيه هم قنعت اصلا محجت شي من كللها الا اني سويت عركه شكبرها
بدلنه وكملنه ورحنه للمول ودانه احمد مو للسوك لان غراضه احلا كملنه واشترينه الغراض الي نريدهن ورجعنه بالطريق اجاني مسج
الرساله : اذا تردين تعرفين زوجج الحبيب وين تعالي لهذا العنوان علمود تعرفين حقيقته
من وصل المسج حسيت اطرافي كلها جمدت وصلنه احمد للبيت وراها راح احمد وضليت افكر شلون اروح لازم اكشف هاي اللعبه من منو ومنو يريد يخربنه بعدين اجتني فكره انو اروح لواحد من الحرس واكوله يوديني للعنوان ورحت كلت لواحد منهم بالكوه قنع وكتله ميكول الاحد وحلفته وراها وداني للعنوان عباره عن مزرعه وبيها بيت جبير نزلت من السياره ودخلت للبيت هادئ مابي احد فارغ وراها اجاني مسج
الرساله : ياهلا نورتي البيت
جمدت من اجاني هذا المسج شلون عرفو اجيت ضليت اتلفت منا ومنا اريد اعرف اكو احد وريه ونوب اجه المسج الثاني
الرساله : صعدي ع درج تلكين اكو غرفتين ع ايدج اليمنه دخلي ع اول وحده
تبارك : ضليت ارجف من الخوف بس لازم اعرف منو هاي نوب صعدت ع درج وشفت الغرفه ووحده منهن مفتوحه شويه رحت وصلت للغرفه الاولى
وفتحت الباب ع كيف وشفتتتت صدمممممممه عمري الي مستحيل
بالاحلام تجيني
يتبع .........