فصلية الضابط فهد

البارت 32

السلام عليكم حبايبي طبعا كلش اسفه تأخرت عليكم بـ تنزيل البارت بس جانت عندي ظروف ومااكدر اكتب ان شاء الله اعوضكم

احمد : رحت لبيت عمو وجان اشوف ولد خالهم جايين عيوني صارت
بكصتي لان ادري بيهم عيونهم زايخه طبيت سلمت عليهم وكعدت شويه وكتلهم رايح لغرفه الولد ناسي شي هو جذب لان غرفه بنونتي بصف غرفتهم فـ علمود اختل بيها
رحت صعدت وطبيت للغرفه لكيتها نايمه بس شلابسه بنت النعاااال شعلتني شعل لابسه كيمونه وشورت وهيه صح حنطاويه بس ع بياض يعني بيضه وجسمها يجنننننن والخدود والخشم حمررر من وره السبلت والغرفه بااارده رحت سويت مجال يمها وطبيت وياها ع جربايه بنفس الغطه وشلتها وحطيتها فوكايه وهيه شويه تحركت
بنين وهيه نايمه : اممم احبك احمد ودحست راسها بركبته
ملاحظه / بنين هيه نايمه بس كاعد تحجي بنومها وشكلها حلمانه بحبيب الكلب 😉😂
احمد : دريت بيها كاعد تحلم بس فرحت لان كاعد تحلم بيه
ضليت ابوس بيها علمود تكعد
بنين : جنت نايمه وحلمانه باحمد وره شويه حسيت نفسي صرت فوك شي عبالي داحلم بعدني ومدري شحجيت بنومي
وراها حسيت بشي خشن يجكك ركبتي وخدي طفرت من الفراش شفت احمد متمدد يمي واني واكفه مثل الصنم وهو يضحك
احمد : كاعد ابوسها اشو محسيت الا هاي طافره من الفراش اباوع عليها شكلها يضحك وهيه واكفه مثل الصنم
احمد : ولج شبيج هاي اني احمد
بنين صحيت ع نفسي : احممد شدتسوي بغرفتي
احمد : اجيت اشوف مريتي المستقبليه ممنوع قابل
بنين : يي انتظرني اكعد شفوتك بالغرفه عززه واهلي جوه هسه اكيد شافوك
احمد : يي اكيد شافوني
بنين : شنووووووو عززه بعينك احمد اكيد هسه يموتوني ونوب يحجي بثقه يي اكيد شافوني
احمد بضحكه : شبيج ولج غير سلمت عليهم وكعدت شويه وبعدين كتلهم رايح لغرفه الولد ناسي شغله بيها بس اجيت عليج وعبرت عليهم
بنين : اوووف وكعت كلبي
احمد : اسم الله ع كلبج بنيتي يله تعالي كعدي يمي اريد اشبع منج
بنين : ماش ( بعدها ممكمله كلمتها وتذكرت هيه شلابسه )
بنين : عزززه احمد دير وجهك بسرعه
احمد بأستغراب : لييش
بنين : ولك متشوف شلابسه عزه بعيني
احمد : ههههه ولج هسه يله انتبهتي صارلي ساعه منومج بحضني بهذني هدومج
بنين : كوول والله
احمد : وداعتج
بنين : لا احمد
احمد : والله شبيج وثاني شي واذا يعني شمسوي قابل
بنين : احمد حراام تشوفني هيج صحيح انته حبيبي بس ماكو شي يربطنه بالحلال علمود تشوفني هيج لاخطبه ولا ابد
احمد : ارووح فدوه لحبيبتي التفهم ‎ماشي كلبي طالع اني بس راح اطلبج من اهلج مابيه صبر بعد
بنين : ماشي كلبي التريده سوي بس مدرستي اكملها
احمد : شي اكيد عمري بدون متكولين
بنين : اروحلك فدوه وهسه اطلع يله
احمد : هاااا تطرديني يعني
بنين : طردتك اصلا شتحجي انته 😂
احمد : يا جلبه اني اعلمج 😂
احمد : صدك بنيتي اريدج تلبسين شي طويل وعريض ولد خالج جايين وعيونهم زايخه مااريد احد يباوع ع ممتلكاتي ماشي كلبي
بنين : ماشي عمري بدون متكول اسوي هيج
احمد : فدوه رحتلج
بنين : 😘
احمد
رحت طلعت ورحت للبيت
ملاحظه / طبعا فهد راح البغداد للمركز بعد مااخذ مقبلات 😂😉
تبارك : من راح فهد رجعت ابجي وراها نمت كعدت رحت غسلت وبدلت نزلت جوه
تبارك : لكيتهم كلهم كاعدين بس فهد ماكو 😔
تبارك : صباح الخير
الكل : صباح النور
تبارك : رحت سويتلهم ريوك وتريكو وكملو وكعدنه شويه نسولف
جده : اكلج غزيله
تبارك : ها بيبي
جده : اشو فهيد ماكو
تبارك : هااا صدك نسيت اكللكم فهد خابرو الصبح وطلع لبغداد عنده شغل خابرو من المركز
ام فهد : لعد اشو مكال النه
تبارك : يمه طلعله شغل مفاجئ حته اني ماادري بي الصبح خابرو
الكل : اها ‎ماشي
احمد : احممم احمم
الكل التفتو الاحمد
احمد : يابه عندي موضوع اريد اكللكم
ابو فهد : كول وليدي
احمد : اريد ازوج
ام فهد : الساعه المباركه يمه انته بس كول اي اروح اخطبها
احمد : لا يمه اكو وحده بعقلي وماريد غيرها لو هيه لو لا
جنه : ولك طلعت عاشك ومندري وسفه عليك خويه ومتكلي منيه 😒
احمد : دنجبي 😒
ابو فهد : اسكتو
ابو فهد : يي بويه كول منيه هيه نعرفها لا اهلها خوش ناس لا
احمد : بابه البنيه بنين بنت عمو يوسف
جده : ولك اختاريت ‎زينـه البنات
ابو فهد : هذا هو بويه اعتبرها تمت
احمد : مشكور بويه
ام فهد : كامت تهلهل
احمد : يمه بعدها مخاطبيها ولا معرس تره
ام فهد : انجب ولك خليني فرحانه شويه
تبارك : يي ضلع مبروك مقدما 😉
احمد : الله يبارك بيج 😁
جنه : يي مبروك خويه مبروك 😒
احمد : الله يبارك بيج يوم الالج 😉
جنه : يمه اسم الله بشنو طالبني ماريد ازوج اني
تبارك : اممممم نشوف عود منو المتزوج 😉
كملنه شغل البيت وراها طبخنه الغده وتغدينه وغسلنه الاماعين وكلمن لغرفته راح
تبارك : صعدت الغرفتي سبحت وبدلت ورحت خابرت فهد من اول دكه رد
تبارك : ياهلا بالروح
فهد : ياهلا بالعمر
تبارك : شلونك كلبي
فهد : مو زين
تبارك بفزه : ‎ليش شبيك صاير بيك شي
فهد : لا لان مو يمج
تبارك : اوووف فززتني عبالي بيك شي يله كلبي تحمل اول تالي تجي يمي
فهد : اووووف شيصبرني اني
وضلينه نحجي لحد مغفيت واني فاتحه الموبايل نومه الظهر
جنه : رحت الغرفتي مجاني نوم ف طلعت بالحديقه مالتنه رحت بالمرجوحه الجو حلو جان مو حاره والحديقه مالتنه بيها زرع وصاير في عليها فضليت كاعده اتمرجح سمعت صوت ورايه يكلي (( شعندج ‎طالعه ))
انداريت وشفت حسين ابن عمو يوسف
جنه : مجايتني نومه وطلعت اتمرجح
حسين وهو يتمشى باتجاه جنه : امممم
وصلت تقربت يمها وكتلها يصير اكعد يمج
جنه : يي اكيد تفضل وسويتله مجال
حسين : يي بنت العم شلونج شخبارج
جنه : الحمد الله ع الله انته شلونك
حسين : هسه صرت زين
جنه باوعتله باستغراب وهو ابتسم
وضلينه نسولف سوالف عاديه وبعدين
حسين: جنه اريد اكلج شي بعد مااكدر اضمه بكلبي
جنه : يي تفضل كول
حسين : جنه اني احبج والله احبج من انتي عمرج 4 سنوات وضام هالحب بكلبي بعد مااكدر اتحمل اكثر ودائما اشوفج من بعيد لبعيد اريدج الي ويمي
جنه : اتفاجأت كللش من كلام حسين
جنه : اااا ... حس .. ي. ن انن. ته شدتحجي
حسين : يي والله جنه مدااشاقه وياج احبج ومااكدر بعدج عني حته من تروحين للمدرسه اروح الحكج
جنه : اذا كلامك صدك وتحبني وتريدني ذاك ابويه وذولاك اهلي وتفضل ويصير خير عفته وكمت واني كلبي يدك بسرعه بالدقيقه مليووون يدك يمكن ومدري منين اجتني الجرئه وكتله هيج
(( طبعا مريم راحت لبيتهم هيه وامها واكيد دتخطط لشي تسوي لتبارك وفهد علمود توكعهم ويفترقون ))
بس شنو هو ياترى ؟
يتبع .......