فصلية الضابط فهد

البارت 13

فهد : نزلت اني وتبارك جوه وفتت للاستقبال وجان يحجي احمد اكبر منك ومحلوه ومدري شنو اني صفنت عليه شبي هذا بعدين افتهمت السالفه عباله تبارك اكبر مني وضحكت عليه وردت احجي جان تبارك تقاطعني وهيه حجت الحجي الفوك وخربنه من الضحك عليه وكتله
فهد : ولك يالاغم هاي منو كلك هالحجي
احمد : حجيت هيج ونوب طلعتلي بنيه من وره فهد بس شنو من بنيه تكول غزاله تجنن وبعدين طلعت هيه الفصليه واني ضليت صافن عليه ووجهي كام ينطي الوان مدري من الحجيته مدري من الصدمه 😂😂😂
وبعدين فهد سألني وكتله
احمد : هاي جنه كالتلي والله
احمد : ولج جننننه اليوم اكسرج والله هيه كبل طفرت ضلت تركض وهو يركض وراها واني خررربانه ضحك عليهم اخر شي فهد كال
فهد : وووولكم كافي شنو زعاطيط كل واحد شطوله وانتي جنه ليش جذبتي عليه كتيله هالحجي
جنه وهيه بالكوه تسحب نفس من الركض : والله خوويه ردت اسوي بي صدمه والحمد الله نجحت علمود بعد مياكل الحلويات مالاتي
تبارك : خوش صدمه والله 😂😂 وبعدين رحت وكفت كدام احمد ومديت ايدي اله وكلت
تبارك : احم احم وهسه شفتني شكد جبيره واكبر من اخوك بعشر سنوات وهسه خلي اعرفك عليه
تبارك : اسمي تبارك عمري 13 يعني مو اكبر من اخوك لا اصغر 😂
احمد : وكفت كبالي ومدت ايدها الي واني هم بادلتها السلام وكلت
احمد : عاشت الاسامي والعمر كله واني اسمي احمد عمري 21 اخو زوجج يعني اصير حماج 😉😂
تبارك بضحكه : تشرفت بيك حمايه 😂😂
فهد : اباوع عليها شلون تتشاقه ويه احمد وسلمت عليه ضجت شنو يلزم ايدها ولو ادري اخويه ماعنده شي بس اني ضجت مدري ‎ليش اوووف بس لو اعرف ‎ليش احس نفسي مسؤول عليها
الكاتبه / شكد اثوول لعد صارلك مدري شكد تحس بهيج مشاعر شوكت تعرف لعد من يبيض الديج 😒
تبارك : كملت تعارف من احمد ورحت شفت بابا وماما الي همه اهل فهد سلمت عليهم وبوست ايدهم وراسهم وكالولي
اب وام فهد : الله يرضه عليج بنيتي
تبارك : 😊
بعدين كعدنه شويه نسولف وحجيتلهم ع حياتي وهاي بعدين جنه سألتني
جنه : تبوو شنو رأيج ب اخويه فهد من شفتي اكيد تخبلتي ع جماله موو 😉😉
تبارك بأبتسامه : حبيبتي اخوج شايفته من قبل يعني هاي مو اول مره داكمل كلامي وجان
جنه واحمد : شللون وشوكت 😳😳 وعلامه الصدمه مبينه بوجوهم
تبارك بضحكه : ولكم خل اكمل يي شفته اول مره يم مدرستنه هو مو ضابط فـ اجه تفتيش بالمدرسه وشفته ومره ثانيه بالمول همين شفته
جنه واحمد : هااااا 😉😉
فهد : كعدنه نسولف وهاي وجنه سألت تبارك عليه اني باوعت الها داشوف شنو تجاوب ومن جاوبت فرحت لان مناسيتني يعني بعدين احمد كال
احمد : اكلكم تره ميت جوع شوكت راح تسوون اكل
تبارك : هسه تدلل يله جنه كومي خل نسوي اكل
جنه : اوك بس شنسوي اكل
تبارك : اممم نسوي صاج وبيتزا لو لا
جنه : يي والله خل نسوي لان مشتهيتها كلش
تبارك : ماشي لعد بس يراد ببسي وياه هسه اشوف منو يروح
جنه : اوك بين متروحين اني احضر الغراض
تبارك : اوك
رحت للاستقبال وشفت فهد كتله
تبارك : فهد
فهد : جنت كاعد ويه اهلي وسمعت صووت الغزاله تصيحلي بس شكد حلو اسمي بحلكها كتلها
فهد : ها
تبارك : كوم جيب ببسي دنسوي بيتزا وصاج طبعا ميصير طيب اذا مو ببسي وياه مو صح
فهد ابتسمت ع كلامها : ماشي هسه اجيب
تبارك : رحت للمطبخ سوينه وكملنه وفهد جاب الببسي وجان يجي احمد
احمد : الله شنو هالريحه الطيبه ياالله
تبارك : هسه نصب وتاكل
احمد : يله متت جوع
تبارك : دصبر داكولك 😒
احمد : ماشي نصبر 😒
كملنه ورحنه حطينه الاكل وكامو ياكلون وجان احمد يكول
احمد : عاشت ايدكم يجنن الاكل
تبارك : الف عافيه وبعدين كلهم كالو طيب الاكل وكملنه ورحنه غسلنه الاماعين وسويتلهم جاي وشربو بعدين كعدنه نتعلل شويه واني ترخصت منهم علمود احجي ويه امي بس مكتلهم احجي ويه امي لان عندي موبايل عبالي ميقبلون رحت صعدت وخابرت امي بس بصوت شبه مسموع علمود ميسمعون وفجأه اندفرت الباب
تبارك وهيه ترفع راسها بصدمه

يتبع .....................