فصلية الضابط فهد

البارت 19

تبارك : ضليت بالحمام كل شويه تجي ع بالي البوسه وارجع اعيش اللحظه 😂 بعدين كلت اووف خل اطلع قابل ابقه بالحمام اكيد نزل هسه
فتحت الباب ع كيف وطلعت لكيته كاعد ع جربايه بعد لا اكدر اطب ولا اكدر اطلع بقيت واكفه بمكاني ومنزله راسي
فهد : كعدت ع جربايه احس نفسي بعد مااكدر اطلع مدري شبيه بعدين انتبهت عليه واكفه بباب الحمام منزله راسها ادري بيها مستحيه وكفت داروح عليها هيه كامت ترجع ليوره لحد ماحصرتها بباب الحمام
ولزمتها من خصرها بتملك وحطيت راسي بشعرها وضليت اشتم بي ريحته طيبه كلش
تبارك : اني واكفه بعدين هو انتبه عليه كام يتقدم عليه واني ارجع ليوره لحد ماحصرني بالباب مال حمام وكام يشتم بشعري وهو محاوط خصري بتملك
فهد : اوووف شسويتي بيه ولج
تبارك : اا.ف.فه.د شد.س.وي .و.خر
فهد : اشششش لتحجين شي وحطيت راسي بركبتها وضليت اوزع بوساتي عليها بكل هدوء حسيتها ذابت بيدي لو ملازمها جان هسه هيه واكعه بالكاع
تبارك : حط راسه بركبتي واني نقطه ضعفي ركبتي ذبت بعد مااكدر اتحرك لو ملازمني جان وكعت بعدين فزينه ع صوت الباب
جنه : وهيه تدك بالباب ولكم وينكم يله تعالو صبينه الغده وانتي تبارك وين صارت السجاده
تبارك : اا.. ييي جنه جينه جينه
فهد : فزيت ع صوت الباب ضليت العن بكلبي جان تطلع جنه دتصيحنه ع غده
فهد : رجعت لزمتها من خصرها وكتلها يله روحي بدلي لبسي دشداشه اعرض منها وحطي شال ع راسج وبسته من راسها ونزلت قبل لا اسمع ردهه
تبارك : لبست دشداشه اعرض وباوعت ع وجهي بالمرايه عززه هاي شصاير بوجهي شفايفي عبالك وحده مضروبه بيها وركبتي خريطه صايره
لفيت الشال ونزلت للمطبخ
جنه : يي عيني يي وين انهزمتي وعفتي الشغل علينه حياله 😉
تبارك : لا ولله مو قصدي انهزم من الشغل بسس
جنه : اشاقه وياج ولج 😂
بنين : انتي شعليج بيها تلكين فهد لزمها استفرد بيها 😉😉
تبارك : ولج ادبسز شنو هالحجي
نور : اكلج هيه منا حاره تسمط شنو لابسه حجاب هسه جنتي ملابسه خير ياطير
تبارك : هيج ماكو شي عجبني البسه
نور : امممممممم ‎ليش مداصدك
تبارك : انجبي شعليه بيج تصدكين او متصدكين
جنه : امممم اوكفي وجان اجر الشال منها بسرعه وجان انصدم
البنات : 😳😶😧
نور : عززززه ولج شنو هذا
تبارك : امداج جنه حيوانه ‎‎ليش هيج
جنه : ولج شنو هاي تطورات عيني تطورات
بنين : واني اكول شبيها نزلت وجها مخطوف
جنه : لج هسه بس نكمل تحجين كلشي بالتفصيل الممل
تبارك : يي ‎ماشي عود اكوللكم لان اني اريد احد احجي وياه مدري شسوي
البنات : خل نصب اكل هسه وبعدين
تبارك : ماشي
فهد : رحت نزلت جوه بالاستقبال يمهم وجان تسالني جده
جده : اكلك يمه وين فلتت انته ومريتك متكول عيب خل يرحون الخطار
فهد : وانتي شمدريج فلتت يم مريتي 😉
جده : مبين من شكلك ولك عيب اثكل منا خطار
فهد بضحكه : والله جده متفوتج فوته 😂
جده : انجب ولك
فهد : 😁
تبارك : رحنه صبينه غده وكعدو كلهم واني رحت اجيب مي وملكيت مكان كله محجوز ضليت واكفه جان ينتبه عليه فهد سوالي مكان واشرلي اكعد يمه جان اروح
فهد : اجني البنات ديجيبن الاكل وشفت غزالتي سامعه الكلام ومغيره ملابسها فدوووه شلون حلوه تصير من تسمع الكلام بعدين راحو كعدو كلهم وشفتها مموجوده سالت جنه كالت تجيب مي وتجي رفعت راسي لكيتها واكفه وتباوع بحيره تريد تكعد عاد سويتلها مكان واشرتلها تكعد وجان تجي بس ابد متباوع بعيني ادري بيها مستحيه مني واجتي تكعد يمي كل شويه اطخها بحجه اريد شي لو ماادري 😉 وهيه بس تتافف 😂
تبارك : كعدت يمه وكل شويه يطخني واني ضليت اتافف بعدين كملنه غده وشلنه الاماعين وغسلناهن وسوينه جاي وكعدنه بالاستقبال بعدين انتبهت ع ماما اشرتلي اجي وراها للغرفه

ام فهد : ييمه تبارك اريد اطلب منج شي واتمنه مترديني
تبارك : استغفر الله يمه انتي بس امري
ام فهد : بنيتي اني اريدج تتقربين من فهد اريدج تخلي يحبج
تبارك : انصدمت من كلامها وكتلها
تبارك : بس ‎ليش يمه شنو السبب
ام فهد : يمه فهد شاف هواي بحياته اول شي صديق طفولته مات كدام عينه وبعدين الشغل مالته الي خلته يشوف اشكال والوان وخلته يصير قاسي اني اريدج ترجعيلي ابني
تبارك : هيه تحجي واني صافنه بكلامها
تبارك : بس شلون يمه اني مااعرف اسوي شي مااعرف بهاي السوالف
شلون اخلي يحبني ومدري شنو
ام فهد : شوفي بنيتي اني ادري بـ ابني يحبج مبين من نضراته عليج من تكعدين وتشاقين ويه الولد وتضحكين هو يضوج وبعدين انتي كلتي شايفته من قبل يعني من اول مشافج يمكن حبج بس المهم هو مبين من نضراته وع شلون تخلي يحبج ويعترفلج روحي نامي يمه بالغرفه ولبسي وتعطري وتدلعي عليه هسه تلكي هو يمج
تبارك : فرضا سويت الكلتي عليه يمه وصدك كام يحبني بس انتي تدرين اني وجودي هنا موقت بس يصحه ابنكم من الغيبوبه اني ارجع لاهلي واني بعدني صغيره مو كد مسؤليه الزواج 😕
ام فهد : بنيتي احنه احنه ماعدنه وحده تطلك هذا الحجي همه حجو علمود يسدون حجي العالم وبعدين اذا حبج فهد مراح يطلكج متاكده اني يمه فكري بالكلته الج املي بس بيج انتي لان من اول مجيتي شفت فهد لهفته وضحكته من بعد مااجيتي انتي
تبارك : الله كريم يمه خل اتعود عليه اني هم وافكر بالكلتي
ام فهد : عفيه عليج حبيبه
تبارك : طلعت من الغرفه واني افكر بحجي امي خلتني بدوامه منا حجيها ومنا تصرفات فهد مااعرف شتصرف احسن شي اسلم امري لله وهو يحلها
فهد : كاعدين اني والعائله بالاستقبال بعدين شفت امي كامت واشرت لغزالتي تروح وراها اني صار عندي فضول اشوف شكو 😂
ف كمت ترخصت منهم ووكفت يم الباب وسمعت حجيهم كله وفرررررحت كلش يعني اكو امل غزالتي تحبني وبعدين انتبهت اني الهل درجه نضراتي مبينه الها لعد هيه الثوله اشو ممنتبها بس فرحت من كالت امي تجي يمي بالغرفه بعدين سمعت خطوات واحد يريد يطلع كبل وخرت من الباب ايبااااخ والله وكت رجال طول بعرض واكف اسمع ع حجي امي وغزالتي 😂😂
وراها صار العصر وبيت عمي كالو راح نروح نترخص بس البنات وجده راح يبقن والباقي يرحون
تبارك : طلعت من غرفه عمتي ورحت يم البنات بغرفه جنه
جنه : وين جنتي صارلي ساعه منتضرتج

يتبع ....................