فصلية الضابط فهد

البارت 27

علي : بداعت خوتنه روح احجي ويه مرتك علمود سالفتي ويه الحمامه
فهد : شحجي وياها قابل
علي : يعني اسألها عليها وين صارت واذا عدها ابن عم رايدها لو محجوزه هيج شي يعني استفسر وانته ضابط لازم تعرف شتبوك معلومه منها
فهد : اممم يصير خير ان شاء الله
رحت وصلت علي  علي لبيته ورحت ورحت للبيت صارت الساعه 11 رجعت لكيتهم نايمين كلهم بس صوت ضحك واغاني من غرفه جنه
تبارك : رحت الغرفتي وراها اجتي جنه كلتلي كومي نروح للغرفه مالتها
رحنه للغرفه ولكيتها مسويتها فلم الهدوم كلهن مطشرتهن بالكاع وكالبه الغرفه 180 درجه
تبارك : عززه بعينج هاي شنو
جنه : انجبي وتعالي ويايه خل نلمهن ونكعد نسولف
تبارك : طاح حضج اي والله والغرفه شكو كالبتها
جنه : هسه خل نلمهن واكلج ‎ليش
رحنه صفطنه الهدوم ورتبنه الغرفه وسولفتلها عليه وع فهد فررحت كلش
جنه : عاااا يعني راح اصير عمه
تبارك : اكلي نعل شخابصتنه انتي واحمد عمه وعمه وثاني شي منو كلج اخلي يتقربلي اله اكبر يصير عمري 18/16 يله 😌
جنه : دكلي نعل اخويه مو بكيفج انتي واخويه وين يتحمل
تبارك : والله حبيبتي اليريد الحلو يصبر ع مره
جنه : والله انتي مخبله ابد مو صاحيه
تبارك : انجبي هسه ويله كولي شنو راح نسوي هسه الغرفه وكملناها وبعد
جنه : رحت طلعت دشاديش ثنين تصميمها مصري مثل ذني الي يلبسنها المصريات بيها خراخيش شويه ومن الصفاح مفتوحه لحد الفخذ وكتلها لبسيها
تبارك : عزززه بعينج شنو هاي
جنه : هسه دلبسيها ومعليج
تبارك : رحت لبستها واجيت مخصره ع جسم كللش طابعه طبع
تبارك : ولج مصخمه هاي شنو مفصله ع جسمي كله شدتفكرين ولج
جنه : معليج انتي نوب راحت لبست هيه هم مثلي لونها احمر واني اسود
واجتي فتحت شعري واني صافنه عليها شدتسوي هاي وكلتلي خل نحط مكياج سموكي حطتلي سموكي اسود وهيه هم مثلي بس ركزت ع عين اكثر شي وحمره حمره دموي لونها كلش حلو كملت مكياج وكلتلي باعي بالمرايه رحت باوعت وانصدمت بشكلي تغيرت 180 درجه كلش حلوه طلعت والعين موسعتها اكثر والشفايف منفوخه من كاعها وشويه صغيره عبالك فلر ضاربتها صارت تجنن وهيه هم سوت مثلي وطلعت تموت ونوب راحت شغلت اغاني وكعدنه نركص ونغني وخربانين ضحك سوتلي واهس ضلينه نتمايل بجسمنه ونهز تعبنه كلش بس استمرينه فجاه اباوع ع جنه وكفت كتلها
تبارك : هاا ولج ام المصايب اشو وكفتي واني مستمره ركص اباوع عليها تاشرلي ع الباب انداريت وياريت مدرت وجهي اباوع الكه فهد واكف ومتكتف ومصدوم
فهد : رحت ع غرفتي ملكيت غزالتي نوب رحت ع غرفه جنه عرفت من الصوت الطالع دكيت الباب مفتحوها فتحت الباب ع كيف واشوف الصدمه غزالتي لابسه ملابس طابعه ع جسمها وتتمايل ويه الاغنيه وتضحك ضلليت صافن معقوله هاااي غزالتي الجسم شنوو يارررب ضليت صافن جنه شافتني واشرتلها تسكت ضليت واكف صافن ياربي شنو هالبلوه الي شفتها نوب وكفت اندارت ع باب وياريت ممنداره لا لا ابد هاي مو غزالتي الشفه حممررررره والعيون وساع كلش يعني مااوصف الكم المنضر مبقه عقل بيه ضلت صافنه عليه رحت تقربت يمها وهيه
نزلت راسها وضلت تفرك باصابيعها وكتلها
فهد : ولج شنو هاي شمسويه بنفسج
تبارك : لا كلام
فهد : مو احجي وياج شمسويه بنفسج
تبارك : والله هاي مو اني هاي جنه كلتلي بالكوه قنعتني احجي وارجف من المستحه والخوف
فهد : هيه تحجي واني صافن ع شفتها تحجي وترجف ضليت ابلعم من وره البلوه الواكفه كبالي كتلها
فهد : تبارك بسرعه للغرفه مااسمع ولا كلمه
تبارك : رحت طفرت للغرفه
فهد : رحت وراها تمشي سريع واني اباوع ع جسمها مفصل تفصل
طبت للغرفه وطبيت وراها وسديت الباب ..... يتبع