فصلية الضابط فهد

البارت 21

تبارك : نمت كعدت الصبح ع شي يجكجك بوجهي كلت ( شوارب فهد )
تبارك : مممممممممم عوفوني انام 😴😴
فهد : كعدت الصبح لكيت غزالتي حاطه راسها بصدري خاتله وانفاسها تضرب بيه اني متحملت وكمت ابوس بيها جان تكول ممم عوفوني 😂😂
فهد : ولج كوومي صارت دنيه صبح يا نوم مشبعتي
تبارك : ممم مشبعت
فهد : لازم عاجبج حضني 😈
تبارك : ممم عاجبني دافي وحضنته قوي وحطيت راسي بصدره
فهد : انصدمت من ردها نوب حضنتني واني ردتها من الله رجعت حضنتها ضليت صافن بوجها وصافن بملامحها شكد حلووه يربي بستها من كل وجها شفتها خدودها كصتها خشمها كلشي بيها بسته 😂
ملاحظه / طبعا تبارك تحجي وهيه متدري بنفسها بعدها تحت تاثير النوم 😂
تبارك : كعدت لكيت نفسي بحضن فهد وراسي بصدره يبوو عززه هاي شمسويه اني 😶 نوب ضليت صافنه عليه ومشيت ايدي ع وجها وحاجبه ووصلت لشفته ضليت اتلمس بيهن وشواربه هم شكد حلوو يربي ملامحه حاده رجال بكل معنى الكلمه ومحسيت الا اني مجروره وفهد فوكايه
فهد : هسه دااغفه جان احس بالغزاله مالتي كعدت وجان افتح شويه من عيني شفتها صافنه عليه محجيت شي ضليت مسوي نفسي نايم داشوف شتسوي جان ترفع ايدها وكامت تمشيها ع وجهي ونوب ضلت تتلمس شفايفي هنا مضل عقل بيه كبل سحبتها وصرت فوكاها كتلها
فهد : لازم عاجبج من الصبح 😉 مو عيب تتحرشين بولد العالم 😉
تبارك : اا انت .ه من شوو.. كت كاعد
فهد بضحكه : وشبيج ترجفين هيج لتخافين ماسوي شي واني كاعد من الصبح جنت صافن ع غزال النايم يمي
تبارك : امم وهسه يله وخر خل اكوم
فهد : هاا هسه تريدين تكومين والصبح لا مااكعد عاجبني حضنك 😉
(( يحجي ويقلد عليها ))
تبارك وهيه تباوعله بصدمه : اني هيج كلت
فهد : لعد الجني مثلا 😉
تبارك : لا مستحيل اني مااكول هيجي 😳
فهد : بكيفج لتصدكين 😌
تبارك : يي
فهد : شنو يي 😒
تبارك : يعني مراح تكوم من فوكايه 😒 اريد اكوم عاد
فهد : امممممم اكوم بس بشرط 😈
تبارك : اهوووو هم شرط
فهد : اذا متريدين الشرط عادي ابقه هيج واني المستفاد
تبارك : خرررب ولك كووم شثكلك كووووم اختنكت
فهد : اباوعلها واضحك شلون متكدر تتحرك 😂😂 هاا هسه شنو اكول الشرط
تبارك : كوول عمي كول بس خلصني مو اختنكت كووووم عاااااد
فهد : ههههههههه يله كمت
تبارك : يييي الفرج يا ربي
فهد : ههههههه خرب اهلج والله عليج سوالف
تبارك : لتغلط ع اهلي مااسمحلك 😒😌
فهد : ايبااااه
تبارك : 😌
تبارك : هسه تكول الشرط لو شنو ؟
فهد : يي تدللين اكول ‎ليش لا والشرط هو تبوسيني 😌
تبارك بصدمه : هلاوووو لا والله
فهد : يي والله هذا العندي 😌
تبارك : شكد استغلالي انته 😡 مو عيب عليك تطلب هيج من بنات العالم
فهد : ههههههههههاي ولج ثوله شنو عيب غير حلالي لعد لو اسوي الابالي شتسوين 😈😉
تبارك بغباء : شنو الي بالك ؟
فهد ويبتسم بمكر : كلشي بوكته حلوو 😈
تبارك : 🙁
فهد : هسه تبوسيني لو لا 😌
تبارك : هففففف تعال وامري لالله
وبسته من خده جان يباوعلي هيج 😒
فهد : لا كلفتي نفسج هوواي هيه هاي هم بوسه 😒
تبارك : هذا الموجود تراا 😌
فهد : مبين تردين تبقين هيج 😉
تبارك : اهووو لعد منين تريد ابوسك من راسك مثل الشايب عادي مابيها اشكال تعال ابوسك
فهد : هههههههههههههههاي ولج شكد تضحكين انتي
تبارك : يي مو مهرج كدامك
فهد : واحلا مهرج هسه يله بوسيني منا وهو يأشر ع شفايفه
تبارك : استغفر الله
لزمت وجها وقربته من وجهي وبسته بوسه سطحيه بسرعه ووخرت
فهد : راح اموتج والله هنه هذني هم بوسات
تبارك : اوووي شسوي ميعجبك شلون لعد
فهد : هيج البوسه تصير ( وسحبت شفايفها ضليت اسحب بيهن بقوه ونوب كامت تضرب بصدري تريد تتنفس وحطيت كصتي ع كصتها وكتلها
فهد : هيج تصير البووسه
تبارك بخجل : وخر شكد منحرف وقاسي شوف شسويت بيه
فهد : شو اشوف مابيها شي يله هسه دورج
تبارك بصدمه : شنو دورج لعد هسه منو اخذ بوسه

فهد : الشرط جان انتي تبوسيني مو اني ابوسج
تبارك : لا والرب كلش استغلالي انته
فهد : يله
تبارك : لزمت وجها بثنين اديها وحطيت شفايفي ع شفايفه يعدين وخرت كتله
تبارك : فهد مااعرف شلون
فهد : استغفر الله راح اسوي وانتي تعيدين ورايه
تبارك : ماشي
( يلا طلعو سوالف متزوجين 😂)
فهد : غزالتي
تبارك : همممم
فهد : اريد اكولج شي بعد مااتحمل
تبارك : يي كول
فهد : لا مو هسه باليل عود
تبارك : ‎ماشي
بعدين حضني شويه وجان يكوم للحمام غسل وطلع اني هم كمت غيرت ملابسي ودخلت غسلت وكملت لكيته منتظرني علمود ننزل
تبارك : نزلت لكيت بس جده كاعده
تبارك : صباح الخير بيبي ورحت بستها
جده : صباح النور بنيتي
فهد : صباح النور جده وبستها من ايدها وراسها
جده : صباح العافيه وليدي
فهد ضل كاعد يم بيبي واني رحت سويت الريوك وحضرت الكل ع ميز طعام وكعدو كلهم تريكو وكملو احمد راح يفتر بالحلال وفهد وبابا راحو للمضيف جاييهم خطار فهد لبس زي عربي يجنن طلع اجه باسني من راسي وراح
كملنه تنضيف اني وجنه والبنات وصارت ساعه 12 كالت امي يله خل نحضر الغده مضل وكت رحنه حضرنه الغده سوينه دولمه وتمن احمر وسمج شوي يجنن صار طعم الاكل اجه فهد صعد للغرفه ورحت ورا
تبارك : الله يساعدك
فهد : ويساعدج غزالتي
تبارك بخجل : حضرتلك الحمام وملابسك هم بالحمام تلكاهن
فهد : يي ماشي لعد عوف من تصبون صيحيني
تبارك : صار
فهد : اول مره انام مرتاح واكعد مرتاح ونوب شلون صباح يجنن 😋
بعدين نزلنه اني وغزالتي صبحنه ع جده وبعدين غزالتي حضرت الريوك وكعدو كلهم تريكنه وابوي اجه وكال راح نروح للمضيف جايينه شيوخ عدهم مشكله بغير محافظه ويردون نحلها عاد اتفاهمنه بعد اسبوع الكعده وبعدين رجعنه للبيت وريحه الاكل تجنن صعدت فوك اجتي غزالتي لحكتني كالتلي الله يساعدك اووف شكد جنت اتمنه اسمع هاي الكلمه منها اول ماارجع من الشغل نوب حضرتلي الحمام بعدين رحت طبيت سبحت وبدلت وتمددت شويه جان تجي غزالتي
تبارك : فهد
فهد : ها بنيتي
تبارك : احس كلبي كام يدك بسرعه من كال بنيتي جنت اتمنه احب واحد يصيحلي بنيتي احب هالكلمه تحسسني بحنيه بابا
تبارك : يله تعال تغده
فهد : يله جاي وراح
تبارك : حسيته مابي حيل يحجي كتله ماشي
بعدين نزل ورايه عيونه ذبلانه مدري شبي تغده وكمل وكبل صعد نوب كملت غسل اماعين اني والبنات وكبل صعدت سبحت وبدلت لبست دشداشه كصيره للركبه رياضيه وبدون ردان صلوخ رحت يمه تمددت ع جربايه فتح ايده اني رحت نمت بحضنه بعدين حسيت بي صارر نفسه حار كلش لزمت كصته لكيته مصخن ناار رحت جبت طاسه ومي بارد وسويتله كمادات بعدين نزعتله الهدوم وغسلتله علمود تفك الصخونه وهو بالكوه يتحرك سوده عليه كلش خفت عليه
فهد : طلعت من الحمام احس حيل مابيه بالكوه اطلع الكلمه بعدين اجتي غزالتي صاحتني ع غده نزلت وتغديت صرت فد نووب صعدت اجتي غزالتي بدلت ولبست دشداشه تجنن عليها لو بيه حيل والله جان كمت اكلتها اجتي تمددت بصفي وجان افتحلها ايدي عود تعالي نامي بحضني وهيه كبل اجتي ختلت بحضني وراها محسيت بشي بعد بس شي بارد ينحط عليه وشي بارد ينمسح بجسمي

يتبع .................