فصلية الضابط فهد

البارت 9

تبارك : رحت بدلت اني وساره وننوش وساندرا ورحنه للمول واخذت من امير مليونين ونص 😈 قطيته واخذت اشكال والوان عطور + منظفات بشره + غسول جسم + معطرات جسم + اشكاااال والوان واخذت تراكات شويه عريضه بس مخصره ع جسم ودشاديش اخاف ميقبلون البس تراكات بس كلش حلوات نازكات بناتيه وبيها رسوم مال كارتون وشتريت كيمونات وشورتات من انام البسهن وبرمودات هذني داخل الغرفه البسهن ومكياج مااخذت هوايه بس حمره لون ازبري ووحده لون وردي ع برتقالي كلش حلو الوانهم ومسكارا وهذا هوه مااحب احط مكياج ميلوكلي هم والبنات همين اشترن غراض نوب خلصنه ورجعنه للبيت وكابلتنه اختي دلو
دلوو : عزززه هاي شنو مشتريات المول كله
تبارك : لعد شعبالج عيني 😎
دلوو : ديله تعالي فوتي خل اشوفهن وها صدك امي تريدج
تبارك : ماشي رايحه
رحت الامي لكيتها تبجي
تبارك : اوووف اوووف هاي العيون الحلوه ليش تبجي ( بستها من خدها ومسحت دموعها )
امي : يمه شلون راح اخليج تروحين بس كوليلي بعدج صغيره كلشي متعرفين على الزواج والمسؤليات 😔😭
تبارك : وداعت هاي الدموع الغاليه الي نزلت من عينج ماابقه يمهم اكثر من شهر هسه تشوفين اله اخبلهم لان طلبو فصليه واخليهم بيدهم يجيبوني متعرفين بنتج قابل 😉
امي ( وهيه تبتسم ) : شلون مااعرفج ام لسان
تبارك : يي عفيه هيج اريدج وها صدك اليوم حسبي حسابج يمج انام تره اريد اغفه بحضنج واني اشم عطرج ( وحطيت راسي ع صدر امي وغمضت عيني وجان تنزل دمعه وبسرعه مسحتها لان ماريد تشوفني ضعيفه 😔)
امي : ماشي حبيبتي هسه تعالي شوفيني شنو جبتي من المول
تبارك : يووو اشكال والوان جبت المول كله واجيت 😁
امي : هههه بالعافيه حبيبتي يله تعالي شوفيلياهن
تبارك : الله يعافيج يله تعالي
رحت شوفتهن الامي وكالت
امي : عفيه عليج ذوقج كلش حلو صاير خوش مختاره شغلات
تبارك : لعد شعبالج غير اني مااحجي 😁
ضلينه نسولف وجدو كال باجر لازم تروحين
تبارك ( وهيه تبتسم تتصنع القوه ) : ماشي جدو
بعدين ضليت كاعده يم البنات صارت ساعه 11 كلمن طش بمكانه واني رحت يم امي حضنتها ونمت بعدين كعدت ساعه 3 باليل مخنووووكه
كلش لان راح اعوف اهلي واروح لمستقبل مجهول طلعت بره بالحوش مال بيت جدو وكعدت بالمرجوحه طبعا همه كلهم نايمين ضليت ابجي وابجي بسكوت اكو حسره وشهكه بصدري مااكدر اطلعها لان يكومون يكعدون شكد بجيت بس ولا ارتاحيت لان اكو خنكه بصدري اخر شي سلمت امري بيد الله ورجعت نمت
فهد : كعدت العصر يم اهلي ضلينه نسولف وهاي بعدين خابرو ع ابويه وكالوله باجر تجي الفصليه ومن كال اسم الفصليه كلبي نقبض وضجت كلش وبعدين تذكرت الغزاله اوووف يالغزاله شسويتي بيه وليش ضليت افكر بيج بعدين امي كالت
امي : يمه فهد شبيك صافن صارلي ساعه احجي وياك متجاوبني
فهد : ها لا لا يمه ماكو شي بس شردتي تكولين
امي : داكلك حبيبي اذا اجتي البنيه لتضربها وتأذيها خطيه هيه مالها ذنب
فهد : لا يمه صدك جذب تحجين اني اصلا ضد فكره الفصليه وتعذيبها نوب تريدين اضربها وثاني شي اصلا ماعليه بيها بس مجرد اعقد عليه وهذا هو مدخلني بيها
امي : يي عفيه وليدي بارك الله بيك
الاب : اسمعووو زين باجر البنيه تجي واسم فصليه مااسمع بالبيت وحالها حال جنه هنا مفهوم
الكل : حاضر
فهد : حاضر بويه لاتوصي حريص
الاب : عفيه وليدي بارك الله بيك
فهد : اكلج يمه عود حطي فراش زايد بالغرفه مالتي علمود انام عليه
امي : وليش تنام عليه عندك جربايه ونام عليها تره ادري انته معليك بيها بس ع اقل نامو سوه بنفس الجربايه بالله اجوي خطار ع غفله وطبو بالغرفه مالتك شيكولون
فهد : بس يمه ..
امي : لا بس ولا شي وليدي
فهد : حاضر يمه التريدي يصير
نوب بعدين تعللنه وضلينه سهرانين جان احمد يكول
احمد : اكول انتوا تتوقعون البنيه راح تجي حلوه لو جكمه لو صغيره لو جبيره
جنه : والله اني اكول حلوه وصغيره احساسي هيج يكول
احمد : لا مااعتقد يمكن تطلع حته اكبر من فهد ومحلوه لان مااعتقد اذا حلوه وصغيره ينطوها فصليه
جنه : احمد انته بس تخيل انو الي راح تجي جبيره ويطلع عمرها 35 سنه ومحلوه يبووو عليك فهيد مارضيت تزوج نوب وكعت بهيج شكل 😂😂
احمد : يي والله يسويها الحض 😂😂
فهد : دنجبو وسكتو يله روحو نامو تاخر الوقت كاعدين يفصلون البنيه
والله يالله 😒
احمد وشهد : 😂😂😂 ماشي تصبح ع خير عريس
فهد : وانتوا بخير
نوب رحت نمت صار الصبح وبابا واعمامي وولدهم راحو يجيبون البنيه اني مقبلت اروح واصلا مالي نفس اشوف حته شكلها
تبارك : كعدت الصبح ولكيتهم كلهم ملتمين ع سفره مال ريوك لان اني كلتلهن بما انو اخر لقاء وياهم فحبيت ننجمع ع سفر وحده (( وطبعا لتنسون جاي محمود همين يجمع العائله 😂😂))
عاد كملنه ريوك وحضرت الجنط طلعتهم ولبست اوڤر اسود وستره كابوي فوكاه وحذاء رياضي ابيض واسود وسويت شعري ذيل حصان والكذله رفعتها شويه سويتها بف ونزلت خصل منا وخصل منا وحطيت شويه حمره لون ازبري بناتيه كلش حلو لونها وشويه مورد خدود والعطر طبعا وطلعت توب كلوب 😎👌🏻 علمود ابين اني ممهتمه عاد رحنه طلعنه نص الطريق وشفت سيارات عاليه كلش حلوات وزلم معكله وشباب كل واحد لازم بيده رشاشه وهمه شلون زلم فدددوه الله فد حلوين وهيبه 😍 بعدين كلت هاي دااحجي اني غلست وبقيت بالسياره مطلعت وطبعا السياره جانت مضلله فسهلت عليه انو اباوع ع ذوله الصاكين 😂😂 بعدين اجه جدو كال
الجد : يله بنيتي تعالي نزلي راح ترحين وياهم ومااوصيج صيري حبابه وكسبي اهل زوجج وزوجج بالسانج وانتي ام لسان بعد بطريقج ماشي جدو
تبارك : يدلل ابو الشباب 😉 وودعتهم بعدين نزلو الجنط من السياره واني طبعا جنت مطيه ضهري الهم يعني مدايره وجهي بعدين درت وجهي واشوف هذوله الشباب كلهم صافنين عليه وفاتحين حلكهم كلت هاي شكو شبيهم شايفين جني 😒 بعدين شفت رجال جبير لابس عكال وحاط العبايه ع متنه كلت يمكن هذا الشيخ مالتهم رحت سلمت عليه وبست ايده وراسه جان يكول
ابو فهد : الله يرضى عليج بنيتي شنو هالاخلاق هاي ونعم التربيه
تبارك : اني خجلت وكتله تسلم ونعم من اصلك

يتبع .......................