فصلية الضابط فهد

البارت 16

فهد : من بعد الصار كبل اخذت سويج السياره وطلعت رحت كدام الشط ظلت حسبه تجيبني وحسبه توديني بعدين صفنت تذكرت طعم شفايفها بعده بحلكي وشلون قسيت وياها وبعدين رخت بيدي وشلون دموعها تنزل احسها سجاجين بكلبي بس الشك والعصبيه عمن عيني اووف يارب شسوي هسه اخر شي ظليت ساعه ونص ورجعت للبيت واول مافتت استقبلوني بالرزايل

ابو فهد : ولك هااي شمسوي بالبنيه اني مو كتلك ايدك متنمد عليها شلون تضربها ونوب امانه جدها خلاها يمي ولك شلون تكسر كلمتي
ام فهد : يمه شبيك بهاليل تخبلت ع بنيه ‎ليش هيج سويتلها مو خطيه يعني فوك ماجايه فصليه وعايفه اهلها ومستقبلها وحامله حمل جبير وهيه بهذا العمر تجي انته تزودها ‎ليشہ ابني ‎ليشہ مو حرام عليك مو خطيه هيج مسوي بيها نوب قبل شويه شفتها وجها صاير ازرك وطبع ايدك بي وشفايفها شبيها هيج صاير بيها ضاربها ع حلكها
فهد : شبيكم اكلتوني حاصل فاصل سوء فهم صار وفضت المشكله وثاني شي هيه مرتي اني اليعجبني اسوي وهسه من رخصتكم صاعد اني عفتهم وصعدت طبيت للغرفه مشفتها موجوده نوب رحت للحمام دكيت الباب هم ملكيتها كلبي لعب دورت عليها ملكيتها اخر شي رحت لغرفه جنه فتحت الباب جان تطلع جنه بوجهي
جنه : يمه شبيك فززتني بهاليل
فهد : لا بس جنت داشوف هاي وينها اشو ماكو بالغرفه يمج موجوده
جنه : يي موجوده بالغرفه نايمه
فهد : رحت كعدت كبالها وجان الضوه مال تيب لام ضارب ع وجها شويه والغرفه باااارده كلش وهيه متغطايه والدمعه بعينها من صدك انكسر كلبي عليها وكلت بكلبي
فهد : تنكسر ايدي بعد اذا مديتها عليج بنيتي اوف ياربي شمسوي بيها هاي الخدود الحلوه صايره زركه من ورايه واباوع ع شفايفها بعده شويه منفوخه وتذكرت بوستها وابتسمت لا اراديا جان اكو جم خصله واكعه ع وجها وخرتهم ع كيف علمود لتكعد وضليت صافن عليها تقريبا بالربع ساعه بعدين عطيتها زين وبستها من شفتها ع كيف علمود متحس وبست راسها وطلعت رحت للغرفه وقتت الجهاز علمود الصبح اكعد لان راح يجون بيت عمي وحبوبتي وياهم طبعا حبوبتي كللش احبها عدها معزه بكلبي كلش جبيره لان هيه الربتني وهيه تحبني اكثر من كل احفادها لان تشبهني بطبع جدي الله يرحمه فمنهاي تحبني ( وقتت الجهاز ساعه 8 ونمت )
تبارك : كعدت الصبح جسمي مكسر تكسر كمت عدلت نفسي شفت الدشداشه صاعده لراسي عبالك لاعبه مصارعه من نمت 😂 شفت بالغرفه مال جنه حمام بصراحه البارحه منتبهت لان مجنت بحاله انتبه لهيج شي بعدين باوعت شفت كلش حلوه جبيره ولونها وردي وابيض وجربايه ام النفرين وكنتور جبير وميز ومكتبه ووو بعد مدري شنو بس هيه كلش حلوه بعدين انتبهت المكان البصفي فارغ جنه ماكو
رحت فتت للحمام غسلت وجهي وفرشت اسناني ونشفت وطلعت جان يطلع بوجهي فهد مدرتله بال وكأنو مموجود

فهد : فزيت ع رنه المؤقت وكعدت فتت للحمام غسلت وطلعت بعدين بدلت لبست تراك لون نيلي رياضي وحطيت عطر وطلعت من غرفتي وجان تصير كبالي غزالتي مبين همين توها كاعده من النوم وباوع عليها ولا تباوعلي وكانو مموجود فاتت من يمي طبت للغرفه مالتي وطبيت وراها عصبتني لان تجاهلتني رحت عليها جانت دتطلع هدوم من الخانه مالتها
فهد : شنو هل تصرفات هاي
تبارك : ياتصرفات هاي
فهد : تبارك جري عدل وعدلي اسلوبج شنو هاي تفوتين ولا كانو موجود ‎ليش تتجاهليني
تبارك بعصبيه وانفعال : يعني فوك السويته وشك بيه وضربك اليه تريدني اكعد اصبح بوجهك واكلك صباح الخير شلونك شخبارك لو شلون الضربه الي ضربتني ياها لو اصفكلك ع تصرفاتك فوكاها انته المتعصب وجاي تحجي وحته مجيت بالجذب تعتذر او تبرر موقفك شنو هالغرور والتكبر هذا شنو حاسب نفسك مو عبالك ضابط يعني اخاف منك ومن عصبيتك سالفه الامر والصياح لتجي تطلعها عليه روح بالمركز وطلعها ع اليمك اووك
عفته بدون مااسمع رده كبل فتت للحمام
فهد : هيه تحجي واني مصدوم من جرائتها وكلامها وفوكاها تكلي سالفه الامر والصياح لتطلعها عليه شعلتني شعل بنت الكلب من الصبح شللللون بيها ردت الزمها املخها لو مامهزومه بالحمام هيه فاتت واني ضليت اغلط واتوعد الها 😡 ولا واحد هيج حاجي ويايه نوب هاي تجي هيج تحجي ويايه اني اعلمها 😡
تبارك : فلتت للحمام وسمعته يدردم ضحكت عليه بس بدون صوت حركت اعصابه من الصبح 😂😂 يستاهل علمود مره ثانيه ميحجي ويايه هيج مو تايهه عنده اني غسلت جسمي لان احس نفسي عركت من الاعصاب 😂
كملت ورحت لبست تراك مخصر عليه لون اسود لان احب الاسود واغلب ملابسي بيهن اسود طلعت لفيت شعري بالمنشفه ورحت رطبت وجهي وحطيت شويه مورد خدود وشويه حمره لون وردي ع برتقالي اعشق هذا اللون وشسورت شعري وسويته ضفيره صفح ونزلت لكيتهم ملتمين بالاستقبال وصوت نسوان استغربت كلت منو جاي شفت جنه دتفوت للمطبخ سحبتها وكتلها
تبارك : ولج جوجو هاي شنو منو جاي منو ذني النسوان وحس الزلم بره 😕
جنه : يااا ولج متدرين غير اجوي بيت عمي وحبوبتي هم امشي خل نحضر شي نقدملهم وسلمي عليهم
تبارك : خررب واني ليش محد كلي 😔 يله المهم بس اكلج اخاف يكرهوني ذوله لان اني فصليه
جنه بانفعال : انجبي لا اموتج شنو هل حجي هذا فصليه شنو انتي اول مجيتي لهذا البيت اعتبرتج اختي الماجابتها امي وكلهم حبوج وثاني شي لتخافين هذوله بيت عمي حبابين وفقره بس بيت عمو جاسم حقيرين بس مجايين بيت عمو جاسم وهسه يله كومي وحضري الكلاصات علمود نوديلهم وتسلمين عليهم
تبارك : اوووي ولج شكد احبج اموووواح 😘 يله جايه حب
جنه : 😊
رحنه حضرنه الاكلاصات علمود نقدم العصير كملنه وكلت الجنه
تبارك : جنه عيوني انتي شيلي الصينيه اخاف توكع من ايدي واتفشل
جنه : ههههه والله عليج افكار يله امشي وامري لالله
رحنه للاستقبال وفتحنه الباب اول مدخلت شفت نسوان ثنين وحده جبيره بالعمر لازمه عكازه بيدها ووحده تطلع بكد امي ام فهد وبنات ثنين يطلعن بكد جنه لو اكبر منها ب سنه لو بسنتين
رحت تقدمت ع بنات سلمت عليهن كلش حبابات ممثكلات وجهن عليه بعدين رحت للمره الوسطانيه شافتني كالت
مرت العم : هيه هاي مرة فهد
جنه : يي هيه هاي عمه
مرت العم : ماشاء الله اللهم صل على محمد وال محمد شنو هالجمال عبالك غزاله هنيال فهد عليها
تبارك : ابتسمت بخجل ونزلت راسي ورحت بست ايدها وراسها وكعدت نوب رحت وكفت كدام الجده اباوع عليها اشو هاي صافنه بوجهي جاي اسلم عليها كتلها
تبارك : بست ايدها وراسها وكتلها شلونج بيبي ضلت صافنه بوجهي واني مستغربه هاي شبيها جان جنه كلتلها
جنه : حبوبه شبيج مرت فهد تحجي وياج مو ثبرتينه بس تريدين تشوفين
مرت عزيزج هاي واكفه كدامج
جان تكول الجده

يتبع ..................