فصلية الضابط فهد

البارت 6

فهد : كعدت الصبح غسلت وبدلت لان اليوم راح اروح للبصره
فتحت الموبايل لان جنت قافله جان انصدم كووومه داكين عليه فوك
ال 15 مكالمه استغربت كلت ياستار شكو خابرت ع احمد اخويه 1 مكالمه
فهد : الوو ها ولك شكو شبيكم هلكد داكين عليه
احمد : ولك تعال للبصره بسرعه هذا ابن عمك جاسم السكير متعارك والولد ضاربه ع راسه وداخل غيبوبه هسه وسوو كعده
فهد : شنوووو!! ولك هذا الكو.... ميجوز من سوالفه الطايح الحظ لا اله الا الله هسه جاي اني مع السلامه
احمد : الله وياك خويه
فهد : بدلت وكملت كلت العلي ع سالفه خطيه كال اجي وياك كتله ماشي كبل طلعنه للبصره وره ساعات وصلنه للبصره وكبل للديوان لكيت عمامي
كلهم كاعدين مجتمعين والكعده مسويها البارحه واليوم القرار 😕
اجه شيخ عشيرتهم همين اليوم وشيخ عشيره ثانيه علمود اخاف يصير عياط ويتعاركون هذا يهديهم والبارحه مسوين كعده بس متفقوا واليوم هم راح يجوون عاد كعدنه ننتظر واجوي اهل الولد وصار صياح وعياط هذوله يكولون
اهل الولد : ابنه ممسوي شي جان دفاع ع النفس ابنكم المجاوز
اهل المصوب : لا ابنكم جان متقصد يضربه
اخر شي ادخل الطرف الثالث
شيخ : يابه اهدو اني عندي حل يرضي الطرفين
الكل : شنهو شيخ
الشيخ : احسن حل ينطون فصليه لحد ما يتحسن الولد وترجع البنيه لاهلهه
يعني مو كل العمر تبقه لا بس يصحى الولد ترجع .. ها بويه رايكم ؟؟
الكل : اي والله يا شيخ هذا احسن حل
ابو الولد : بس اني ماعندي بنات وبنات عمه كلهن مزوجات لو مخطوبات
يعني عاقدين شيخ
اهل الولد : احنه معلينه نريد فصليه وهاي مشكلتكم بعد
الشيخ ابو فهد : بس الفصليه المن تصير خوان وولد عم الولد كلهم مزوجين
عم فهد : لا مو كلهم فهد موجود هوه راح يعقد عليها لان اعتبره مثل ابني المره اهديها اله
فهد : صار حجي وبعدين اتفقوا ع فصليه اني بكلبي كلت ( خطيه شنو ذنبها البنيه تصير ضحيه شي مامسويته ) بس بعدين عمي صدمني من كال فهد الي راح يعقد عليها 😳
فهد : شنهو شدتحجي انته اني ماعليه لا اعقد عليها ولا ابد انطوها لغيري
عم فهد : ها يافهد تكسر كلمه عمك وتنزل راسي كدام الوادم
وثاني شي انته مراح تبقه عاقد عليها طول عمرك هيه فتره وطلكها
ابو فهد : هذا هوه يالربع فهد هو اليعقد ع البنت
فهد : بس يابه ..

ابو فهد : لا بس ولا ابد تريد تكسر كلمتي بويه
فهد : لا يابه ماعاش الي يكسر كلمتك هذا هو التريده يجرالك
الشيخ ابو فهد : عفيه عليك يوليدي هيج اريدك
فهد : اني بقيت مصدوم شلون ابويه هيج يحجي واني ليش وافقت نوب عفتهم وطلعت من الديوان كله رحت كبل خابرت ع علي لان علي بنص الديوان خابرت عليه امه مدري شرادت منه ترخص وراح
      ((المكالمه بين علي وفهد ))
فهد : الوو هلو علي شلونك
علي : هلا بيك خويه بشر شصار بالديوان
فهد : اووووف اوووف شكلك ماادري بس تعال علمود احجي وياك مو مال تلفون ينكال الحجي
علي : خير ياستار شكو
فهد : ياخير يمعود تعال شوف البلوه الطاحت براسي المهم هسه تعال واني افهمك
علي : ماشي ‎ماشي وين نلتقي
فهد : تعال بالمكان ........
علي : ماشي خويه هسه جايك مع السلامه
فهد : الله وياك
نوب رحت بالمكان الي اتفقت نتقابل بي اني وعلي و وره شويه اجه علي
علي : ها خويه شبيك مدكلي ضل بالي يمك
فهد : اكعد اكعد هسه جايك بالحجي ............... وسولفتله كلشي ))
جان يكول علي
علي : والله عمي زين منطيك مره وبدون مهر ومدري شنو وكاعد يتبطر 😂
فهد : اي ساقط اني جاييك علمود تنطيني حل وتكلي شسوي
لو جاي تضحك عليه 😒
علي : دطيرر شسويلك مثلا اشدلك وصله واكعد اركص بس لا والله فكر جديات طلعت البنيه حلوه وحبابه
فهد : درووح والله بطران شسويلها اذا جانت حلوه اني مااريد اتزوج
ولتكلي بعدين تكوم تحبها تره تعرفني كلش زين ماامن بالحب 😒
علي : خاااب دكوم والله اذا ماوكعت بيها وتجي انته بنفسك تكلي
هاي شاربي مو عليه (( وهو يلزم شاربه ))

تبارك : اجوي خوالي وكعدنه نفتهم السالفه منهم وكالو صارت عركه
ومتفقو ع حل باجر تصير كعده ويجيبون طرف ثالث علمود اذا صارت عركه مثل اليوم هوه يلكي حل
احنه كلنه كاعدين وايدينه ع كلوبنه لان ذوله عشاير ومثل متعرفون
ماكو قانون يدخل بيهم همه يسوون قانونهم بيدهم نوب رحنه كعدنه اني وبنات خالي مجتمعات
تبارك اكلكم زين اذا اتفقو ع حل ياترى شنو تتوقعون
البنات : والله مندري ماكو غير الفلووس

تبارك : لا والله يمكن فصليه مثل ذني بالقصص الي اقراهن 😂
البنات : ثوول بشنو طالبتنه
تبارك : لا والله العظيم جديات دااحجي مثلا اذا طلبو فصليه منو الي راح تروح انتن كلجن مخطوبات ومتزوجات واخت الاستاذ امير هم مخطوبه
منو تروح ؟؟
ساره بنت خالتي : اول شي زمن الفصليه وغيرها راح تره بس ع كولتج
نفترض طلبو ماكو غيرج ترحين لان كلنه مخطوبات ومزوجات قابل ملاك بنت خاله الي عمرها 10 سنوات تروح
تبارك : فال الله ولا فالج امداج خليتي كلبي يلعب لو محاجيه اشرفلي 😒
البنات : 😂😂😂 تستاهلين علمود تخلين اقتراحاتج الج
تبارك : 😒😒
كعدنه نسولف ومدري شنو بعدين رحنه نمنه وكعدنه الصبح البيت
مخبوص خبص اليوم الكعده الاخيره ويتفقون ع شنو تسد العركه وكلمه ايدنه  ع كلوبنه خايفين يصير شي بس اني كلبي مقبوض مدري ‎ليش
من اذكر كلام ساره كلبي يكوم يلعب وتجي افكار اشكال والوان بعقلي
بعدين اكول (( يارب استر واجعلها بردا وسلاما ))
يتبع ................