فصلية الضابط فهد

البارت 8

تبارك : قنعني جدو علمود اروح فصليه ووافقت وبعدين جدو راح كللهم تبارك وافقت
ماما كلبتها مناحه بنتي متروح وبنتي متروح اخر شي اجه جدو قنعها وبالكوه يله قنعت وسكتت
وجنت اشوف الشماته بعيون امير النذل وبعدين جدو كال الامير
الجد : امير بنت عمتك وافقت تروح بس بشرط والشرط هوه انو تحضر جهاز كامل بفلوسك وشرط كون فوك المليونين
امير : شنووووووو !! جدو صدك تحجي ومنين اجيبلها اني مليونين هوه اني رحت علمود الشغل وبلكوه دبرتهم وصارت العركه
الجد : والله هاي مشكلتك بعد
تبارك : اباوع ع شكل امير صار ينطي الوان وفتح عيونه ع كبرهن
من سمع بشرطي 😏 طبه مرض يستاهل وبعدين باوعلي ضحكتله باستهزاء نوب كام يخزر بيه واني اضحك عليه 😂
بعدين رحت كعدت يم الشله مال بنات خالتي الي هنه
ننوش 20
ساره 19
ساندرا 23
واني
ننوش : والله صار وتحقق حجي البارحه
تبارك : يي والله هو هذا هم حظي 😔
ساره : شبيج داتفائلي شويه جوز يطلع حلو لو شيخ مثل الي
نقراهن بالقصص 😍
تبارك : باع هاي والله بطرانه بس والله يسويها الحض اووويلي نوب بالبصره بس هو اله خلك فصليه فوكاها صغيره 😕
ساره : لا ولج هسه يشوفج حلوه وصغيره وهمه يحبون الصغار يربوهم ع ايدهم
تبارك : دطيري يربيني ع ايده وثاني شي شنو قصدج اني ممتربايه 😜
ننوش : هسه دنجبن كاعدات تتخايلن وعايشات اللحظه واخر شي يطلع شايب معوق لو منغولي
تبارك : طاح حضج هسه درفعي معنوياتي شويه 😒
ساره : هسه دعوفج منها هسه انتي شراح تسوين اذا رحتي
تبارك : شسوي ؟؟ شسوي يعني غير نعقد اني والشفيه الي اسمه زوجي واذا جانو اهله زينين ع عيني وراسي واذا لا 100 جلاق وراهم اما الي اسمه زوجي مااخلي يتقربلي هو بمكان واني بمكان انام اما تصرفاته ومعاملته ويايه اني اعرف شلون اتصرف 😌😈
ننوش : ولج شنو هاي داهيه انتي مو بنيه متوقعتج هيج 😱
تبارك : لا حبيبتي توقعي كلشي مني
ساره : امممم عفيه عفيه هيج اريدج ام لسان ولتخافين من احد واخذي حقج لان الفقير بهل وقت ميعيش
تبارك : يي والله لاعاب لسانج
ننوش : زين انتي ‎ليشہ شرطتي هيج ع امير ؟؟
تبارك : علمود اكسر خشمه ادري بي هو ماعنده فلوس واصلا راح للبصره علمود الشغل سويت هيج علمود يتأدب النذل 😒
سمعتي شيكول ترحين ورجلج فوك راسج القندره عباله تايهه عنده
ننوش : ولج مو اكلج داهيه متصدكين 😛
ساره : صدك شوكت ترحين تجهزين نفسج ومنو يروح وياج
تبارك : العصر اروح للمول وشي اكيد انتن تجن ويايه
ننوش : اوك لعد
ساره : مااعتقد بابا يخليني
تبارك : انجبي وتجين شعليه بابوج اني
ساره : الله كريم
تبارك : عليجن الله ادعلي كون الشفيه زوجي يطلع حلو
ننوش : خرررب عرضج تفكرين بهاي انتي 😂👌🏻
تبارك : يي لعد شعبالج عيني 😉
فهد : من رحت يم علي ضل يصنف عليه عود ردته عون طلعلي فرعون 😒 المهم شويه حجيت وياه وقررت من تجي الفصليه ماعليه بيها اكللها انو اني مالي دخل بيها وبس كدام الناس متزوجين اما احنه بالحقيقه
بس ع ورق ... وراها رجعت للبيت سلمت ع امي
فهد : السلام عليكم
امي : ياهلا بنظر عيني (كامت راحت اله وهو باسها من راسها وايدها )
فهد : شلونج حبيبه
امي : الحمد الله ياروح امك انته شلونك
فهد : الحمد الله يمه الحمد الله لعد وين احمد وجنه
امي : كل واحد بغرفته
فهد : ماشي لعد صاعدلهم اني
امي : اخذ راحتك وليدي
فهد : رحت صعدت لغرفه احمد ( دك دك دك ) عود ديدك الباب 😜
احمد : ادخل
فهد ( وهو يفتح الباب ) : ع اقل كول اخويه تعبان هسه اجه من الشغل خل انزله
احمد ( وهو متفاجئ ) : فهد خويه وراح حضنه شلونك
فهد : الحمد الله انته شلونك
احمد : بخير تعال فوت جوه بالغرفه ليش واكف
فهد : لا والله اريد اروح على الدلوعه مالتنه وبعدين انام لان تعبان كلش من الطريق ومن سالفه ابن عمك الكوو..🚫
احمد : يي والله الله يساعدك اي صدك مبرووك عريسنه يوم نشوف جهالك 😉
فهد : دنجب لك اصلا ماعليه بيها بس اعقد عليها واعوفها
مالي دخل بيها بعد 😒
احمد : امممم عود نشوف 😉
فجأه اجاهم صوت من وره واكيد عرفتوها منو يي صح الدلوعه مالتهم جنه
جنه : عااااا فهد وركضت جلبت بركبته
فهد ( وهو يضحك) : هلا بالدلوعه
جنه ( وهيه بعدها حاضنه فهد ) : شوكت اجيت
فهد : والله هسه اجيت
جنه : (وهيه تبعد عن حضن اخوها ) : اوووف لوتدري شكد مشتاقتلك
فهد : اووويلي يابه اني الاشوق حبيبه
جنه : شلونك
فهد : الحمد الله انتي شلونج
جنه : من شفتك صرت ‎زينـه
فهد ( وهو يضحك ويبوسها من خدها ) : ام لسان
جنه : صدك اكول فهد
فهد : كولي حبيبه
جنه : نسيت اباركلك مبرووك عريس
فهد : اهووو هاي حته انتي
جنه ( وهيه تضحك ) : اكيد لعد شلون غير اخويه راح يزوج والله لوما الظروف جان علكت اغاني وضليت اركص 😂💃🏻
فهد : اووف اني مااخلص من لساناتكم انتي واحمد اروح انام احسلي
احمد : يي دروحو شنو هالازعاج كطعتوا راحتي 😒
فهد : هااا هيج صارت 😒
احمد : لا لا اشاقه وياكم قصدي هلا بيكم شوكت متجون الغرفه غرفتكم 😅😅
جنه وفهد : ههههههه متووب من سوالفك
فهد : يله من رخصتكم اروح ارتاح نوب رحت سبحت بقيت بس بالبرموده وكبل ذبيت نفسي ع جربايه ونمت 😴😴😴

يتبع ..................