فصلية الضابط فهد

البارت 29

فهد : كافي عاد شنو صغير كدامج اكدر اشيلهن يله ولي
مريم بفشله : ‎ماشي رايحه
فهد : كلعه سبع حجارات وراج
بعدين طبيت للبيت شفت غزالتي واكفه تسلم عليهن
تبارك : اجوي وصلو داسلم عليهم
تبارك : اهلا وسهلا شلونج خاله
ام مريم : هلا بيج فصليه
مريم : اوووع شنو هاي الخدامه تسلم علينه اني مااسلم ع خدامه
ام مريم : يله بنيتي تعالي نفوت احنه مالنه كلام ويه الخدم
تبارك وهيه بالكوه تسيطر ع نفسها : اشكرج خاله يله تفضلي فوتي
فهد : وكفت بالباب وسمعت مريم شكالت لغزالتي ردت الزمها اكطعها ردت اعرف غزالتي شلون راح تجاوب واني ادري بيها متتحمل كلمه وحده كبل تطك بوجه الواحد بس صدمتني ببروده ردها متخيلتها هيج ترد وعرفت هسه هيه اعصابها واصله راسها اباوع ع ايدها قابضتها قوي
فهد : يله فوتو جوه
نوب راحن طبن جوه كعدن يسلمن ع ماما وبيبي ورحنه اني وجنه نجيب شي نقدمه الهم وكلت الجنه
تبارك : اكلج جوجو
جنه : كولي حب
تبارك : عدكم سم مال فار لو مبيد حشرات ع شكل بودره
جنه بصدمه : شتسوين بي ولج
تبارك وهيه صاكه ع سنونها : اريد احطه بالعصير مالت المصارع راح الزمها اكطعها صدك لو كال فهد لسانها يذب سم لج مدري شلون راح اتحملها كل هالمده
جنه : يي والله شلون راح نتحملها وبعدين سمعو صوت ضحكه درنه وجهنه وشفنه فهد واكف ويضحك
تبارك : شكو ‎ليش تضحك 😕
فهد : رحت داشوف غزالتي وين مشتاقلها اريد احضنها وابوسها حضنها يرد الروح افييييييش ( رحت للمطبخ سمعتها تريد سم مال فار استغربت شتسوي بي هاي بعدين سمعتها تريد تخلي المريم عرفتها واصله حدها كمت اضحك عليها )
فهد : تردين تموتيها شنو مزوجلي قاتله اني
تبارك : والله اموتها واخلص منها بعدها يالله وبده السم يذب من لسانها شلون راح اتحمل ونوب تحبك لا يربي يعني اكيد راح تلزك بيك وتضل تتقرب منك اهئ اهئ شلون راح اتحملها
جنه : ولج اسكتي زعطوطه انتي لتخليها تتقربله دائما صديها بطريقتج 😉
تبارك : افتهمت جنه شتقصد وابتسمت وغمزتلها 😉
فهد : هاا مو جنتي تبجين اشو هسه كمتن تتغمزن الله يستر منجن
البنات : هههههههههه
فهد : يله جنه روحي صبي العصير وودي وانتي تبارك تعالي صعدي فوك اريدج بشغله
البنات : حاضر
راحت تبارك فوك وجنه تودي العصير
تبارك : اول مفتت للغرفه اجه فهد ورايه وقفل الباب
تبارك بأستغراب : ‎ليش قفلتها ؟؟
فهد : رحت حضنتها قوي ودحست راسي بركبتها
فهد : ولج متكولين زوجي خطيه اروح اشوفه شبي احضنه ابوسه شنو هالجفاف ولج ( يحجي بزعل )
تبارك افتهمت قصده : اوووي فدوه لزوجي حبيبي تريد حضنه وبوسه تدلل نوب حضنته قوي وضليت مجلبه بركبته لان طووويل كلش وهو رافعني بايده ضليت ابوس بركبته ع كيف وراها وخرت وبسته ع كيف بشفته بوسه هادئه وحطيت كصتي ع كصته وكتله
تبارك : احبك
فهد : لج اووف شسويتي بيه واني اعشقج بنيتي
تبارك : كبل رحت بسته ع كيف من شفته وهو هم كام يبادلني حط ايده وحده ع خصري ووحده ورا راسي يقربني اله كام يتمشى بيه وحطني ع ميز وحاوطت رجلي بخصره وكمنه نتبادل ماوخر لحد منكطع نفسي
وخرت منه وحطيت ايدي ع شفته كمت اتلمس بيهن ع كيف وهو عيونه ذبلانه وكتله
تبارك : هاي الشفايف بس الي ميحق تبوس احد حته لو امك ومشيت ايدي ع صدره وكتله
تبارك : وهذا الصدر والحضن ميحق احد ينام بي غيري بس الي يدفيني الي ومشيت ايدي ع عيونه
تبارك : وهاي العيون متباوع الغيري انته كلك ملكي اني ملكي الي وحدي ميحق لاحد يحط عينه عليك ويباوع الممتلكاتي ‎ماشي وبسته من خده ع كيف
فهد : هيه تحجي واني ذايب بيها ونوب باستني بوسه ع خدي مدري شنو من بوسه خلت جسمي يرجف بدون تفاهم اخذت شفتها بين حلكي وضليت اسحب بيها وهيه تبادلني بس تون شويه لان داذيها بس مو بيدي اني من اشوفها افقد وخرت من يمها وحطيت كصتي ع كصتها
فهد : متدرين شكد احبج ولج بس عرفتج وحبيتج عرفت شنو يعني الحياة والحب شلون جنت عايش بدونج ماادري
تبارك : واني اعشقك هسه تكول صغيره ومتعرف بالحب بس والله حبيتك هذا الشي مو بيدي ولا بالعمر
فهد : اششش يعمري لتكولين هيج اني هم احبج بس اكلج
تبارك : كول
فهد : اني اريد اصير اب بعد مااتحمل تراا
تبارك بخجل : يااا فهدد شنو هالحجي
فهد : يي شنو لعد قابل جذب
تبارك : الله كريم حبيبي هسه تعال ننزل عيب شيكولون علينه
فهد : يله حبيبتي امشي ننزل
رحت عدلت نفسي ونزلنه طبينه بالاستقبال
مريم : يي عيني فهودي وين جنت افتقدناك وهيه تباوع لتبارك بخبث
فهد : باوع لتبارك ورجع باوع المريم والله جنت يم مريتي مشتاقلها
تبارك بهمس : عزززه بعينك فهد شويه استحي اهلك منا كاعدين
الكل : هههههههههه
مريم تباوع لتبارك بغضب وكره
تبارك رحنه صبينه الغده وكعدت اكل
ام مريم : هيييي انتي وين كاعده الخدم مكانهم بالمطبخ
ابو فهد بصياح : ام مررررريم احترمي نفسج هيه مو خدامه هاي مرت فهد واليحجي عليها بعد احسب الله ماخلقه
فهد : عمتي احترمي نفسج انتي وبنتج تبارك مرتي ومو خدامه والي يكول عليها فصليه لو خدامه تشوفون تصرف ميعجبكم وكام من الاكل وسحب تبارك من ايدها الي جانت واكفه وصافنه بالوجوه
ام مريم : يي روح روح وراها الله يعلم شمسويتلك وهيج تركض وره زعطوطه وانته ابو فهد نسيت همه شلون كتلو ابني ولحد هسه بعده بغيبوبه من وراهم شلون هيج تصرف
ابو فهد : لا حول ولا قوه الا بالله شلون بله مراح تسكتين انتي هذا حادث جان مو متقصد الولد وثاني شي تدرين كلش زين انو ابنج ابو مشاكل بس خل يجي جاسم واني اعرف شلون احاجي
مريم : يي عموو روح دافع لهاي الفصليه
جنه : مررريم لهنا وكافي اذا مسكتي والخلقج تشوفين شي ميعجبج مني احترمي نفسج احسلج
ابو فهد : كاافي شنو طرطور كدامكم واكف وهيج تحجن مخليتن حشمه للجبير
عاد هنه سكتن بس طلعن الغده زقنبوت
فهد اخذ تبارك وصعد للغرفه
تبارك : حبيبي ليش صعدنه خل ابقه جوه اريد احرك كلبها
فهد : تعالي يعمري معليج بيهن خل يحجن بوحدهن وهسه تعالي نامي بحضيني مشتاقلج ولج شوكت ترحمين بيه
تبارك : اوووي حبيبي هسه جايتك ابدل واجي هاي الدشداشه موتتني
فهد : ماشي كلبي
تبارك : طبيت للحمام بدلت لبست كيمونه والشورت وطلعت لكيته متمدد ولابس شورت وفانيله
فهد : طبت غزالتي تبدل واني هم نزعت لان حاره بقيت بالفانيله
والشورت طلعت غزالتي من الحمام بس شلابسه هاي تريد تموتني اني مااريد اتقربلها واجبرها لان بعدها صغيره بس بتصرفاتها متخلي عقل بيه
فهد : هاي شنو غزال وكاعد يمشي
تبارك : اووي فهد خجلت تراا
فهد : اشتعلو اهلج ع هالاوي تعالي تعالي لا اجرم بيج
تبارك : رحت تمددت بحضنه حضني قووي وضل يبوس بيه
تبارك : اووي فهد خل انام عليك الله والله نعسانه
فهد : اوووف ولج مو شعلتيني شعل يله تعالي نامي
تبارك : رحت نمت وحط راسه بركبتي وضل يسحب نفس ويذبه بتنهيده
محسيت ع نفسي ونمت كعدت لكيته بعده نايم فدووه شكد حلو من ينام ضليت صافنه عليه وامشي ايدي ع شواربه وشفته بعدين بسته من شفته اشو مكعد
تبارك : فهد فهودي اكعد حبيبي صارت دنيه مغرب ميصير تنام بعد ماكو ولا يكعد اخر شي عضيت شفته الجوه قوي جان يطفر يصير فوكايه
فهد : كعدت لكيت غزالتي نايمه بعدين كامت تتحرك غمضت عيني سويت نفسي نايم بعدين ضلت صافنه بوجهي وراها كامت تمشي ايدها ع شواربي وشفتي وراها باستني واني بالكوه مسيطر ع نفسي بعدين كامت تكعدني مكعدت بعدين حسيت شفتي الجوه نجرت قوي طفرت عليها وهيه تباوعلي وتضحك
فهد : ولج ‎ليش تتحارشين بيه مو عيب عليج متكولين ولد نايم ليش اكعده
تبارك وهيه تحاوط ركبته بايدها : اممممم متحارشت بولد غريب غير رجلي وبكيفي وثاني شي لا مو عيب وثالث شي اكعدك لان صارت دنيه مغرب مو زين تنام لهيج وكت
فهد : داحجي مااحس غير شفتها انطبكت انطبكت ع شفتي ضلت تسحب بيهن فصلت البوسه رادت تكوم لزمتها
فهد : تعالي ولج اشو هاي البوسه تختلف مال وحده خبره
تبارك : انته معلم ومنك نتعلم 😉
فهد : ولج اشو صايره منحرفه
تبارك : اوووف هسه شبيك ماسوويلك شي تكولي شنو هالجفاف ومن ابوسك تكلي منحرفه مفهمت شنو اسوي وياك حررت تره
فهد : لا ابقي منحرفه احسن 😂
تبارك : عابت 😂
نوب كمت بدلت بالحمام وهو هم بدل ونزلنه جوه لكينه الجو شويه متوتر
يتبع ......