فصلية الضابط فهد

البارت 10

ابو فهد : هلا يابه وتحجي مثل الشيوخ هم
تبارك : اني مفتهمت قصده فضليت ساكته جان يجي جدو ويكوله
الجد : يي يابو فهد احنه نترخص ورانه طريق طويل وماوصيك بعد ع بنيتنه تره نطيناك شمعه بيتنه والمدلله مالتنه اريدك تخليها بعينك
ابو فهد : ولو ابو مصطفى شنو الكلام هذا بنص عيني اخليها وهيه بنيتي الثانيه
الجد : متقصر خويه يله اودعناكم
ابو فهد : الله وياك
الجد : يله بنتي روحي وياهم وماوصيج بعد
تبارك : روح جدو مودع بالله لتخاف عليه
الجد : معدله بنيتنه يله مع السلامه
تبارك : راح جدو واني ضليت واكفه جان يجي يصيحني هذا الشيخ وكلي
ابو فهد : يله بنيتي تعالي صعدي خل نروح ورانه طريق
تبارك : حاضر عمو
ابو فهد : بعد منا وجاي لتصيحيلي عمو يابه كولي
تبارك ( بابتسامه ) : حاضر بابه
نوب صعدت بالسياره وبنص الطريق غفيت بعدين كعدت من وره الطسه جان اشوف المكان عباره عن خضار يجننننننن كله بساتين ومزارع ضليت
صافنه عليه جان ( اكول بدون وعي )
تبارك : الله يجنننن هاي شنو الجنه هنا 😍😍
ابو فهد ( بضحكه ) : هههه يي هاي هنا كله خضار وبيتنه هم صاير بنص البستان
تبارك : ( وهيه انتبهت شحجت ) : اها
عاد وراها وصلنه يم بيت لا لا مو بيت عبالك قصر يجنن وبنص البستان
صاير جان ينزلون هذوله الصاكين من السيارات واني نزلت راسي ورحت وره هذا الي كلي كولي بابا فوتني جوه بالبيت جان يصيح
ابو فهد : ام فهد ام فهد احمد جنه وينكم
تبارك : هو يكول ام فهد اني خفت من يمي فهد شنو شعدنه
حديقه حيوانات 😂😂
ام فهد : اجيت عيني جيت وينها البنيه
تبارك : اني جنت واكفه وره ابو فهد وسمعت المره تكول وين البنيه اطلعلها هياتني خاله
ام فهد : تعالي حبيبتي اني هنا اعتبريني امج وعندي بنيه بكدج تقريبا اسمها جنه هسه تجي وابني احمد وفهد الي راح يعقد عليج اني انصدمت يمه هذا مبين من اسمه يخوف 😅
ام فهد : شو درفعي راسج خل اشوفج
تبارك : اني رفعت راسي هاي ضلت صافنه بوجهي وجان تكول
ام فهد : اللهم صل على محمد وال محمد عين البارده عليج يمه تجننين عبالك غزاله
تبارك : اني خجلت ونزلت راسي جان تكول
ام فهد :يله يمه تعالي فوتي علمود تجي جنه بنتي وتدليج ع غرفتج
تبارك : ‎ماشي خاله
ام فهد : لا بعد لتصيحيلي خاله كولي ماما
تبارك : حاضر ماما
ام فهد : عفيه بنيتي هسه تعالي فوتي
احنه فتنه جان تجي بنيه صارت كبالي كالت
جنه : هلااااااو بمرت اخويه 😁
تبارك : هلا بيج
جنه : اني اسمي جنه وعمري 15 وانتي
تبارك : اسمي تبارك عمري 13
جنه : تشرفت بيج حبي بله رفعي راسج خل اشوف مرت اخويه جكمه لو حلوه 😂😁
تبارك : ضحكت عليها ورفعت راسي وكلتلها ها هسه شلوني 😂
جنه : ماشاء الله تبارك الرحمن شنو هالجمال عبالك غزاله نيال اخويه عليج
تبارك : تسلمين حبيبتي انتي الاحلى
جنه : يله تعالي حبي خل ادليج ع غرفتج
تبارك ( بابتسامه ) : ماشي
راحت ودتني ع غرفه دخلتها تجنن كلش حلوه والوانها اسود ورمادي طبعا اني امووت ع ذني الالوان فعجبتني وبيها حمام داخلي
جنه : يله صفطي ملابس واخذي راحتج فد شويه يجي السيد يعقد الكم
تبارك : ماشي حبيبتي نوب طلعت جنه واني رحت فتحت الكناتير علمود اشوف وين احط غراضي واول مفتحت الكنتور الريحه سطرتني تجنن
وعبالك مألوفه الي مدري مدري وين شامتها نوب رحت شفت كنتور مابي ملابس رحت صفطت هدومي وسبحت وبدلت لبست دشداشه بيجي لونها مخصره ع جسم وبيها رسمه توم وجيري وشسورت شعري ورفعته كعكه ورشيت عطر وحطيت حمرا لون وردي ع برتقالي كللش كيوت طلعت
نوب مااندل البيت اذا نزلت بقيت كاعده بالغرفه لحد مااجتي جنه
جنه : نعيما حبي يله تعالي اجه السيد راح يعقد الكم وها لبسي جادر مال صلاة
تبارك : ماشي كلبي جايه وراج جابت سيره السيد والعقد كلبي نقبض ودمعتي بالكوه لزمتها عاد رتبت نفسي ونزلت لبست الجادر مال صلاه
ام فهد : يله تعالي اوكفي هنا حبيبتي وشيكول السيد رددي ورا
تبارك : حاضر 😔
فهد : كعدت الصبح بابا كال راح يجيب البنيه علمود نعقد واني الدنيه طافره من عيني واحمد وجنه يصنفون عليه وراح تجي جبيره ومحلوه واكيد عجوز وامي وابويه يضحكون عليهم بس اني بالي مو يمهم عاد راح بابه علمود يجيبون البنيه واني ضليت بالديوان كاعد وره ساعات سمعته اجه وجاب البنيه بعدين كلي روح جيب السيد علمود يعقد كتله ماشي رحت جبت السيد وكام يقره ايات ومدري شنو وكلي اردد وراه وبعدين راح ع بنيه كللها هم تردد ورا بس هو شنو يحجي اني بالي مو يمه ولا عرفت اسم البنيه وعمرها لان مركزت بعدين كال مبروك وهسه صرتو زوج وزوجه كام يباركلي ومدري شنو واني راسم ع وجهي ابتسامه مصطنعه

يتبع ......................