فصلية الضابط فهد

البارت 20

تبارك : اووي ع كيف شبيج فززتيني غير امي صاحتني ورحتلها
جنه : ووجع يله تعالي احجيلي شصاير بينج وبين فهد
بنين : يي ولج صدك ذكرتيني احجي شكو
نور : بدون متكول هيه اني ادري جنه راح تصيرعمه منا لاسبوع 😂😂
تبارك : انجبي ادب سز 😂😳
جنه : يله ولج احجي الفضول موتني
تبارك : اوك شوفي اني صعدت فوك دادور ع سجاده ............. وهذا الصار 😅
جنه : 😳😳 ولج هذا اخويه اكيد وكع بحبج والله لان اني ادري بي فهد من سابع المستحيلات يسوي هيج شي الا اذا حبج
بنين : كلام جنه صح واني متاكده هو يحبج مبين من نضراته من تشاقين ويه محمد واحمد
نور : يي ولج ثوله يحبج وحته تذكرون مريم بنت عمو جاسم شكد جانت تسوي حركات علمود تغري وتفوت للغرفه عليه بس ولا مره انطاها مجال
تبارك : البنات يحجن واني صافنه افكر بكلامهن بعدين انتبهت ع نور تكول مريم ومدري شنو حسيت بداخلي نار وضجت كلللش مدري ‎ليش
تبارك بعصبيه : شنووو منوووو هاي مريم 😠
جنه : اوووي فدوه غارت 😂
تبارك : انجبي جوجو احجي منو هاي مريم مدري مصخم
البنات : 😂😂
جنه : اوكفي هسه اكولج هاي مريم بنت عمو جاسم اخت هذا الولد الي داخل بغيبوبه اني كتلج قبل همه حقراء وخبيثين وهاي مريم ادب سز تحب فهد تموت عليه بس هو يكرها يموت منها ودائما تجي تدخل لغرفته وتسوي حركات اغراء ومدري شنو وهو يضربها ويرزلها وهم ترجع تعيدها متجوز يعني لا عدها كرامه ولا ضمير وفد وحده منحطه لاخر درجه

تبارك : جنه تسولفلي واني احس نفسي دافور 😡
عاد بعدين كتلهن ع كلام امي وكالن سوي مراح تخسرين شي وكلام امي صح تره كتلهن الله كريم
كعدنه نضحك ونسولف وصار العصر بيت عمو يوسف كالو راح يرحون كلت للبنات يبقن علمود نسهر باليل وقنعو ابوهم وامهم وقبلو والجده هم ضلت عاد ودعناهم وراحو واحنه كعدنه شويه بالاستقبال نسولف جان جده تصيحني
جده : ولج غزيله
تبارك : ها بيبي
جده : تعاي هين يمي كعدي
تبارك : جيت بيبي ورحت كعدت يمها جان تحضني وتكول
جده : تدرين انتي تذكريني بشبابي
تبارك : شلون يعني ؟؟
جده : من جنت بكدج جنت اشبهج بالضبط عبالك اني بس نسخه مصغره وحته من شفتج انصدمت عبالي اني كاعد اتخيل لان تشبهيني كللش
تبارك : صدك بيبي
جده : يي وداعتج وحته فهد يشبه جده بشكله وبشخصيته يعني انتو راح تعيدون عشك جدكم عيدان الله يرحمه واني جان يعشكني عشك المخبل
تبارك : الله يرحمه بيبي بس والله سويتي ‎عندي فضول اعرف قصه حبكم
جده : مو هسه عود بعدين اسولفلج ياها انتي وفهد
تبارك : ‎ماشي جده نوب رحت كمت من يمها صار المغرب كلمن راح يصلي واني والبنات كملنه ورحنه سوينه عشه
كملنه وغسلنه الاماعين ورحت سويت جاي شربوا وصارت ساعه 10 تعللنه شويه وراحو نامو واحمد طلع يم اصدقائه وفهد همين شويه ورجع واني رحت سبحت ورحت يم البنات ضلينه نضحك ونسولف صارت ساعه 1 ترخصت منهن لان نعست كلش ورحت للغرفه مال فهد ملكيته مدري وينه !!
فهد : راحو بيت عمي وراها كعدنه شويه نسولف بالاستقبال وبعدين اجتي جده صاحت غزالتي وكامت تكوللها انو هيه تشبها واني اشبه جدي الله يرحمه واحنه راح نعيد عشكهم ضحكت ع سوالف جده وراها صار المغرب صلينه وبعدين البنات سون عشه كملنه وسون جاي جابن النه وكملنه واني طلعت خابروني جماعتي بالكوفي ورحت يمهم سوالف وضحك صارت ساعه 1 ورجعت طبيت لغرفتي بدلت وتمددت وجان اسمع طكطكه بالغرفه رفعت راااسي وجاان اشوووف ...........
تبارك : ملكيت فهد بالغرفه بعدين اخذت الكيمونه والشورت ماارتاح الا انام هيج لان اختنك كملت وطلعت ولكيت فهد متمدد ع الجربايه اني انصدمت بمكاني عززا شلون راح يشوفني هيج ضليت لا اني الرايحه ولا اني الماشيه جان يرفع راسه وشافني ونصدم كبل طفر من الفراش
فهد : رفعت راسي واشوفلك ملاك واكف كدامي غزالتي لابسه كيمونه وشورت كبل طفرت من الجربايه هااي شنو تريد تخبلني بس خرب يومها شنو من جسم شايله 😳 هيه ارتبكت وجان تكول
تبارك : اسفه كعدتك من نومك ولتستغرب بلبسي اني هيج البس لان اختك من انام ف بهذني ارتاح
فهد وهو يبلعم : لا عادي الغرفه غرفتج شتلبسين بيها لبسي اخذي راحتج ولتنسين اني زوجج يعني حلال عادي 😉
تبارك : هو يحجي واني ميته من الخجل نوب كال زوجج ورفعت راسي جان يغمز
تبارك : ابتسمتله وكتله يي وين راح انام
فهد : ع جربايه غير
تبارك : وانته ؟؟
فهد : هم ع جربايه لتخافين مااكل بشر اني 😉
تبارك : امممم اوك
فهد : يله تعالي رحت تمددت وفتحت ايدي كتلها بعد متنامين الا ع ايدي
تبارك : راح تمدد وفتح ايده وكلي متنامين الا ع ايدي تخصرتله وكتله ‎ليش عيني
فهد : ضحكت ع حركتها وكتلها يعجبني واذا مجيتي اسوي مثل الظهر واسوء بعد 😉 شتكولين
تبارك : 😳😳 شكد منحرف
فهد : ‎ليش منحرف غير مرتي قابل ويه غريبه 😉
تبارك بدون وعي : شحدك غريبه (بعدين انتبهت ع نفسي شكلت وحطيت ايدي ع حلكي )
فهد : ههههههههههه تغارين
تبارك : لا لا ‎ليش اغار هسه اسكت خل انام ورحت تمددت يمه ونطيته ظهري جان يسحبني من خصري وحوطني بيده ورجله ع رجلي وحط راسه بركبتي وهمس
فهد : اني مو كتلج متنامين بس ع ايدي
تبارك برجفه : اا..فهد ....الله يخليك خل انام
فهد : نامي منو لازمج وضليت ابوس بركبتها وحسيت نفسها ثكل عرفتها نامت واني بستها من شفتها ع كيف ونمت 😴😴
تبارك : كام يبوس بركبتي واني خدرت فد مره بعد وستسلمت ونمت وبعد ماادري شصار 😴😴

يتبع .....................