فصلية الضابط فهد

البارت 34 والاخير

تبارك : فتت للغرفه واحس الدم جمد بجسمي لا مسستتحييل الداششووفه اكيد داحلم اني مستحيل فهد ميسويها فجاه ادموعي كامت تنزل وحده وره الثانيه واجتي رجفه بجسمي كللش قويه مسيطرت ع نفسي وبعد محسيت بشي غير هوسه يم راسي وضوه قووي فوك عيني
تبارك : اخخ راسي
الممرض : يي صحت بسرعه روحو صيحو الدكتور
تبارك : وين اني
الممرض : لتحجين مو زين عليج هسه يله تعديتي الخطر لتعبين نفسج
الممرض طلع وكال
الممرض : احم انته شنو تصير للمريضه الي نايمه جوه
فهد : زوجها زوجها اني شلونها هسه
الممرض : لا الحمد الله تعدت مرحله الخطر بس بقه الدكتور يجيك حالتها
فهد : الف الحمد الله والشكر
خل نرجع للاحداث الي صارت بالمزرعه وشنو شافت تبارك وشجابها لهنا
تبارك : طبيت للغرفه وشفت منظر من سابع المستحيلات انسى والي هو فهد نايم ع جربايه ومريم يمه وبدون ملابس ثنيناتهم من شفت المنظر صارت رجفه بجسمي ومتحملت الي شفته ومحسيت بعد الا واني بالمستشفى
دخل الدكتور التبارك وفحصها
دكتور : شنو اسمج
تبارك : اسمي تبارك
دكتور : شكد عمرج
تبارك : 16
دكتور : شلون صار الحادث
تبارك : يا حادث هذا شدتكول انته اصلا مااذكر شي اني وشجابني لهنا اني
دكتور : امم نامي انتي هسه وبعدين اجي بس خل نسوي فحوصات للتاكد
تبارك : استغفر الله غمضت عيني محسيت الا ع شخص فوك راسي يحجي بس مااسمع شي زين فتحت عيني لكيت شاب كولش حلو وصاحب جسم وطويل كلش اول مكعدت كلي
فهد : كعدت كعدت غزالتي شلونج اكو شي يوجعج بس كوليلي
تبارك باستغراب : عفوا شنو غزالتي ومنو انته اصلا اني ماعرفك ولا شايفتك حته اكيد مشتبه
فهد بصدمه : شنو شدتحجين انتي اكيد دتشاقين مو ههههه هالمره متعبر عليه يله حبيبتي كومي ادري تقشمرين عليه يله حبيبتي كومي دانتظرج علمود تكعدين مشتاقلج كلش
تبارك بصدمه واستغراب : يااخي شبيك داكولك مااعرفك اني وشنو حبيبتي وشنو هالكلام الفارغ منو انته رجاءاً روح احسلك واهلي وين اشو ماكو
فهد واكف بمكانه مثل الصنم مديستوعب الديصير
دخل الدكتور وكله
الدكتور : استاذ فهد ممكن تجي ويايه عندي موضوع لازم اكولك ياه
فهد هز راسه بـ اي بس بعده مصدوم مديفتهم الديصير رحت طلعت يم الدكتور وكتله
فهد : دكتور شنو شبيها مرتي اشو مدتعرفني فهمني شنو السالفه الله يخليك
الدكتور : استاذ فهد مثل متوقعت مرتك صار عدها فقدان ذاكره لان الصدمه الي تعرضت الها جانت جبيره واضافه الى الضربه الي صارت براسها هم قويه مما ادى الى فقدان ذاكره
فهد : الدكتور يحجي واني مثل الي انسطر براسه بس صافن وكلمه وحده ترن باذني
فقدت الذاكره
فقدت الذاكره
فقدت الذاكره
فهد : معقوله هسه بنت كلبي متذكرني وايامنه وسوالفنه ومشاعرها اتجاهي هذني كلهن نستهن لا مستحيل مو ممكن هذا الشي
فهد : دكتور وضح اكثر الله يخليك يعني راح تبقه طول العمر هيج لو ترجع الها الذاكره
الدكتور : كلشي بيد الله احتمال تبقه طول العمر واحتمال ترجع ذاكرتها من خلال اشياء قديمه جانت تسويها وهذا شي اكيد بس لحد يضغط عليها لان احتمال تفقد ذاكرتها للابد وحته اسمها تنسى
فهد : كلام الدكتور شويه بقه بيه امل بس كلش خفت من كال تنسه حته اسمها اووف ياربي منين اجتي هالبلوه
(( تعالوا نرجع لفهد ونشوف شنو صار وياه بعد مطلع من البيت ))
فهد : رحت طلعت من البيت علمود اصدقائي لان خابروني ولحو عليه نطلع رحت يمهم وره كم ساعه خابر عليه رقم غريب فتحت الخط واجه صوت مره
المره : مرحبا حضرتك الضابط فهد
فهد : مراحب يي تفضلي اني الضابط فهد
المره : ممكن تجي لهذا العنوان عندي قضيه لازم الكيلها حل وهواي رحت ع ضباط ومحاكم محد ساعدني وبعدين انطوني اسمك ورقمك وكلولي هذا الي يكدر يساعدج
فهد : اني بالخدمه بس هسه اني بـ اجازه وحسب قوانينه الي ماخذ اجازه ميصير يتصرف شي الا بـ ايام الدوام
المره : الله يخليك انته املي الوحيد بس تعال اخذ المعلومات ع الاقل لان اني راح اسافر والمحامي راح يتكفل بالباقي اذا احتاجيت شي
فهد بنفاذ صبر : اوك دزيلي العنوان
المره : كلش اشكرك والله مااعرف شلون ارد معروفك هذا
فهد : يصير خير
المره : دزيت العنوان بمسج
فهد : ترخصت من اصدقائي ورحت للعنوان الدزته ورحت وجان عباره عن مزرعه وبيت جبير داخل هاي المزرعه طبعا هذا البيت مو بالمنطقه مالتنه مكان ثاني رحت وصلت دكيت الباب فتحته بنيه يطلع عمرها 25 هيج شي ولابسه لبس استغفر الله بنطرون لزك ع جسم والبدي الي فاضح اكثر من ماساتر نزلت راسي وكتلها انتي حضرتج الي اتصلتي بيه
المره : ايي نعم اني اسفه خليتك ع باب تعال تفضل فوت
فهد : رحت فتت وكعدت بالاستقبال واجتي كعدت كبالي
المره : مرحبا اني رشا ومدت ايدها
فهد : باوعت ع ايدها ومديت ايدي الها
فهد : مراحب اني الضابط فهد واكيد تعرفيني بما انو اتصلتي بيه
رشا : يي صح والله عندي قضيه لازم الكيلها حل بس قبل لا اكلك عليها لازم اقدملك شي تشربه لان راح نطول بالسالفه
فهد : ماشي اخذي راحتج
رشا : قدمت العصير تفضل اشرب
فهد : شكرا
رشا : ولو
فهد : كعدت هاي المره تحجيلي عن الشغل اول مره اريدها بس تدخل بالموضوع ماكو جلبت تحجي بس بالشغل وشلون تحصل ارباح ومدري شنو وحسب مكالت هيه تشتغل بشركه اتصالات بس من حجيها مبين مو صدك لان كلامها نصه متعرف شلون تصفطه لحد مخلص العصير وهيه بعدها مداخله بالموضوع وره شويه حسيت بدووخه قوويه وعيوني كامن يغوشن محسيت ع نفسي وبعد ماادري شصار وره مدري شكد كعدت لكيت نفسي ع جربايه وبغرفه مادري مالتمن مو غرفتي اول مره اشوفها وباوعت لكيت غزالتي داخل هاي الغرفه يم الباب متمدده والدم مغركها انصدمت صدمه عمري اني شجابني هنا وغزالتي شجابها هنا شنو الديصير ماادري وراها رحت كبل شلتها وديتها للمستشفى دخلوها للطوارئ كل شويه واحد طاب وطالع ومن اسالهم محد يحجي لحد ماطلع الممرض وكالي صحت
( وانتوا تعرفون الصار بعد ) بعدين حاولت اجمع الشغلات الصارت بعقلي وشنو صار وغزالتي شجابها للبيت وبعدين تذكرت رشا يي رشا هيه وحدها تعرف الصار كبل اخذت سيارتي ورحت ع بيت دورت عليها ملكيتها دورت بكل الغرف ماكو حته بالكناتير دورت ملكيت شي حته هدوم ماكو تخبلت شنو اللعبه الصارت والدوامه الي صرت بيها راح اتخبل والله وراها رجعت للمستشفى شفتها نايمه ووجها شاحب مو مثل قبل من جان مورد وضعفانه وشفايفها الي اذوب بيها صايره بيضه اووف يكلبي شصاير بيج بس لو اعرف شنو صار والله راح اتخبل رحت بستها من راسها وطلعت خابرت ع ابويه وكتله تعال للمستشفى بس مكتله ‎ليش كتله بس تعال وهسه تعرف وراها اجه وسولفتله الصار كله من اول مطلعت لحد هاللحظه ابويه انصدم ضل صافن لا ياخذ ولا ينطي بعدين كال
ابو فهد : لا حول ولا قوه الا بالله وهسه شلون والبنيه كلشي متذكر علمود نفتهم منها شصار ولا انته ومنو اله ايد ومصلحه هيج يسوي
فهد : ماادري بويه ماادري راح اتخبل من التفكير والله
فهد : بويه خل نروح نكول لاهل البيت علمود لحد يصدمها بشي مو زين عليها ولحد يكللها اني زوجها لان تنصدم واحتمال حته اسمها تنسى
الدكتور يكول هيه شويه شويه ترجع الها الذاكره
ابو فهد : ماشي بويه ‎ماشي بس شنو نكللها اذا سالتنه احنه منو ووين اهلها
فهد : والله بويه ماكو غير انو نكللها اهلها سافرو وحطوها يمنه لان جانت مريضه وبغيبوبه شويه نجذب عليها ونطلعلها عذر لان ماكو غير حل
ابو فهد : الله كريم بويه يصير خير
فهد : راح ابوي للبيت وكاللهم وكامو يبجون لان صار هيج بيها الكل يحبها ويموتون عليها من وره لسانها وهسه شلون اووف ياربي شنو الديصير