فصلية الضابط فهد

البارت 7

طبعا خوالي طلعو من ال 6 الصبح علمود الطريق وراها مرت ساعات
صارت ب 7 المغرب اجوي وكلهم وجوهم متبشر بالخير كلهم مهمومين
نوب كعدو بالاستقبال
رحنه وراهم انطيناهم مي علمود يرتاحون وبعدين كعدنه نسال اني رحت كعدت يم جدو وكلهم ملتمين داير مدايره
تبارك : يله جدو سولف شصار هناك بالفصل كدرتو تحلوها
جدو : يي بنيتي كدرنه نحلها بس طلبو طلب كلش صعب
تبارك : ياستار جدو شكو
جدو : هسه حبيبتي اصبري خل ارتاح شويه
تبارك : اخذ راحتك جدو
وره شويه الكل صافن ع جدو ينتضرو شوكت يحجي
الجد : اسمعو كلش زين اليوم من رحنه للكعده طلبو طلب كلش جبير
ومنكدر ننفذه بس اذا منفذنه طلبهم راح يصير الدم للركب علمود ياخذون ثار ابنهم مثل متعرفون هذوله مجتمع عشائري
الكل : يي جدو وشطلبو
الجد : طلبو ... فصليه
الكل : شنو فصليه بيازمن احنه شنو هالتخلف
الجد : ادري مو هينه علينه انو ننطي بناتنه لمصير مجهول وفوكاها فصليه بس مثل مكلتلكم يصير الدم للركب
تبارك : يي جدو ومنو هاي الي راح تروح فصليه 😥
الجد : والله حبيبتي ماادري بنات خالج وخالاتج كلهن مزوجات ماكو ماكو وحده جبيره باقيه كلهن عمرهن 3 و 10 سنوات يعني ماادري منو راح تروح
امير : لا جدو شنو السالفه ليش ماكو بنات لعد تبارك مو موجوده هيه تروح 😈
تبارك : شنوووووووو ! لا مو بكيفك والله ابو المشاكل مو انته الي تتعارك واحنه النوكع بيها وانته تطلع منها مثل الشعره من العجين فتهمت
تبارك : شوف جدو اني لا اروح ولا ابد ماخرب مستقبلي
نوب فصليه هه والله ياالله 😡
امير : لا والله ترحين ورجلج فوك راسج
الجد : انجبووو واسكتو اشو انتوا مخليتوا حشمه للاكبر منكم متستحون
متكولون اكو اكبر منكم كاعد وانته امير تسكت لا اكوم اكسر راسك وانتي تبارك اريد احجي وياج
تبارك : ماشي جدو واني اسفه لان عليت صوتي عليكم
الجد : ولا يهمج حبيبتي مصار شي .. وهسه من رخصتكم اريد احجي ويه تبارك ع انفراد
الكل : حاضر ( وراحو طلعو )
الجد : سمعي بنيتي هذا ابن خالج واحد صايع وطايح حظه وتدرين بالمكسورات الي مسويهن وتدرين شطلبو اليوم واحنه ماعدنه بنات بس انتي بقيتي ترضين خوالج ينكتلون واطفالهم يتيتمون
تبارك : طبعا لا جدو مااقبل
الجد : اذن لازم توافقين ع اقل اذا انتي رحتي راح نسمع اخبارج بس خوالج اذا ماتو بعد ميرجعون وثاني شي اذا رحتي مراح تبقين كل عمرج بس بين ميصحى الولد وترجعين يعني متبقين بس لفتره وترجعين
بس ثقي بالله بنيتي اني مو هين عليه انطيج فصليه وانتي كلش زين تدرين بيه شكد اعزج هاا هسه شدكولين القرار بيدج تردين خوالج يموتون لو تضحين علمودهم انتي اختاري واني مراح اجبرج ع شي
تبارك وهيه تفكر : بس ياجدو اذا وافقت ماما منو يقنعها واعمامي من سابع المستحيلات يقبلون انته تدري كلش زين احنه مبتعدين كلش عن سالفه العشاير مو نوب بنت اخوهم تروح فصليه ؟؟
الجد : انتي مالج شغله بهاي عوفيها عليه هسه انتي شدكولين ؟؟
تبارك : هذا هوه جدو الي تريده يصير بس بشرط
الجد : بارك الله بيج حبيبتي ادري بيج مراح تفشليني كدام الناس وع شرط انتي بس كولي وكلشي تريدي يصير
تبارك : تربيتك هاي جدو اما عن الشرط اريد اجهز نفسي جهاز كامل ملابس وهاي السوالف مال بنات بس من فلوس امير مو من غيرك وشرط الجهاز مالي يصير كله فوك المليونين
الجد : والله يابنيتي طيحتي حضه الامير بس تدللين كلشي تردي يصير
تبارك : لعد شعبالك جدو لازم اطلعها من عينه مو من ورا اني راح اصير فصليه
الجد : معدله ماعليج حجي
تبارك : عليك ‎طالعه ابو الشباب 😉
الجد : هههههههههه مجوزين من سوالفج
تبارك : 😊
طبعا تبارك من داخلها مكسوره كلش بس تحاول تبين نفسها قويه وبالكوه لازمه دموعها لان هيه شخصيتها قويه متبين الاحد ضعفها لو مدري شيصير وانتوا خلو نفسكم بمكانها بنيه عمرها 13 سنه بس راح تروح فصليه وهيه كلشي مشايفه من حياتها ومن داخلها كلللش مكسوره بس سبق وكلت متبين ضعفها الاحد وهسه هيه تريد بس تروح من كدام جدها وتضل تبجي لحد مترتاح

يتبع ...................