###Unicode
'ကျောင်းလာကြိုပေးပါအုံး'ဆိုတဲ့ ယမင်းသူရဲ့ မက်ဆေ့လေးကြောင့် သော်ထက်နိုင်ကိုတစ်ယောက် ကျောင်းသို့ထွက်လာခဲ့သည်။
"ဟယ်လို"
အရှေ့မှ ဆရာမစာသင်နေရင်း သော့်ဆီမှ ဖုန်း၀င်လာ၍ သူမကိုင်လိုက်သည်။ ဆရာမကြားမည်ဆိုး၍ အသံကတော့အနည်းငယ်တိုး၍ပြောရသည်။
"ယမင်း ကိုယ်ရောက်နေပြီ ဌာနရှေ့မှာ"
"ဟုတ်လား ယမင်းကသော်နောက်ကျအုံးမယ်ထင်နေတာ "
"ကိုယ့်သူငယ်ချင်းတွေနဲ့ချိန်းထားတာလေးရှိလို့လေ အဲ့ကိုမသွားခင်လာကြိုလိုက်တာ"
"teachel က နှစ်ချိန်ဆက်ယူလိုက်လို့ ယမင်းကနာရီ၀က်လောက်ကြာအုံးမယ်ထင်တယ်"
"အော်"
"ရပါတယ် သော်သွားစရာရှိတာသွားလိုက်လေ ယမင်းဘာသာဘဲ ပြန်လိုက်ပါ့မယ်"
"အာ.... မဟုတ်တာ ရပါတယ်ကိုယ်စောင့်ပေးမယ်လေ မဟုတ်လဲကိုယ် ယမင်းတို့အိမ်သွားရမှာဘဲ ပိုင်ကြီးကို သွားခေါ်ရအုံးမှာ သူဒီနေ့ ယမင်းနဲ့အတူ အတန်းမတက်ဘူးဆို"
"ဟုတ်တယ် တော်သေးတာပေါ့အဆင်သင့်သွားတာ ကျေးဇူးဘဲနော်သော်"
"အင်း ရတယ်"
"ဟုတ် "
ကျသွားသော ဖုန်းလေးအားကြည့်ကာ ယမင်းသူ သက်ပျင်းချမိသည်။
အရှေ့မှ ဆရာမ ဘာသင်သွားသည်ကိုပင် အာရုံမရတော့။
------------------------------------------------------
ယမင်းဆီကဖုန်းချသွားသည်နှင့်
ဆိုင်ကယ်လေးထိုးကာ ဆိုင်ကယ်ပေါ်ထိုင်ရင်းပင်ဖုန်းကြည့်ကာ စောင့်နေလိုက်သည်။
"ကိုကြီး"
ခနအကြာတွင် ကျောဘက်မှ ခေါ်လာသောရင်းနှီးနေသည့် အသံကြောင့် သူလှည့်ကြည့်တော့
"အော် သန္တာ"
"အတန်းလာတက်တာလား မနက်ကတော့မတွေ့ဖူးနော်အတန်းထဲမှာ"
"မဟုတ်ဘူး ယမင်းကိုလာစောင့်နေတာ"
"အော်....မနက်က မေဂျာစာအုပ်ထုတ်ပေးတာလေ ကိုကြီးအတွက် ညီမလေးထုတ်ပေးထားတယ်"
YOU ARE READING
ကို့ ကမ္ဘာသစ် (ongoing)
Romansaအချစ်မှာ မျက်စိမရှိသလို gender လဲမရှိဘူး။ နှလုံးသားက ကျား၊မ မရွေးဘူး ခုန်တတ်တယ်။ Starting date... 28.9.2021
