احبني خاطف ( مكتمله)

البارت الرابع (4)

تأتي لحظة في الحياة، يكفينا فيها أن نحمل جسدنا وحده على كاهلنا ونمضي .

ـــــــــــــــــــــــــــــــــــ

ايديث..

بعد. ما عمو سلمان حچه ويه ايفلين وخلاها تشعر بالذنب.. واعتذرت.. وراها اجه وحاچاني وضحكني...
ــــــــــــــــــــــــــــــــــــــــــــ

سلمان: يلا گومي بدلي خلي نطلع..

ايديث: وين؟

سلمان: بعدين تعرفين يلا حروح ابدل..

ايديث: عمو بس لحظة..

سلمان: ها عيوني

ايديث: سالمات عيونك بس خلي اغسل الصحون لأن بس خلينه بيهم الاكل وما اكلنا اني و ايفلين.. ف اغسلهم ونروح عادي؟

سلمان: ع راحتج حبيبتي..

ايديث: تمام لعد بدل انتَ بين ما اغسل الصحون اني..

سلمان: يلا لعد انتظرج...- عفتها وطلعت من الغرفة-

ايديث:... شعجب ما اغمى عليه؟ هه ولله عمو يعرف شلون ينسيني.. عفت تفكيري وگمت طلعت.. رتبت ميز الطعام وضميت الاكل لأن محد اكل منه.. وغسلت الصحون ما طولت اقل ال15 دقيقه.... ف كملت و رحت لغرفتي.. فتحت خزانتي و حرت شنو البس.. همممم شنو البس.. حتى ايفلين ما احجي وياها واخذ رأيها... بعد التفكير والحيره اختاريت لبسه لطيفه..

... لبست وخليت شوية مكياج وعطر.. ورتبت شعري ع السريع.. وطلعت.. رحت ل غرفة عمو دگيت الباب...

سلمان: دخلي

ايديث: ها عمو اني كملت.. شنو رأيك؟- ضحكت وتخصرت حتى ينطيني رأيه بالشقه-

سلمان: تخبلين طالعه مثل كل مره ههههه يلا شوفي ايفلين وخلي نطلع اني هم كملت.. مگلتيلي رأيج قابل بس اني اگُلج رأيي؟