احبني خاطف ( مكتمله)

بارت 15

تخاف عليك من الريح، امرأةً مزقتها عواصف العمر .

ــــــــــــــــــــــــــــــــ
صباحاً..

ايديث: فتحت عيوني شوية شوية. ما اشوف بس شي اسود گدامي.. ابتعدت شوية.. شفت سلمان نايم گدامي ابتسمت لان جان مخليني كلش بحضنه بحيث ما اشوف بس تيشيرته.. حس بيه تحركت رجع حضني حيل سويت نفسي نايمه من الخجل صايرة ادبسز ايديث يرادلج جرت اذن...

سلمان: گعدتي؟- بصوت خشن..-

ايديث: حجيت بداخلي..- يمه بس لا شافني..- ضليت ساكته ما رديت..

سلمان: ايي احسن رجعي نامي حتى اضل حاضنج براحتي هههااي..

ايديث: - سويت نفسي هستوني كاعدة من النوم وتعبانه ومريضه حتى يروح هو واروح لغرفتي اني بسرعه.. خجلانه حييل..- احم.. صص.. صباح الخير.. ااحم احمم

سلمان: اسم الله شو تگحين شبيج..

ايديث: مادري.. احم.. يمكن مريضه..

سلمان: هاا گلتتي مريضه..

ايديث: ايي اي.. ممكن تجيبلي مي بلا زحمه..

سلمان: اي تدللين..- فتحت ايديه عنها ومددتهم وگمت من الجرباية هي ضلت على نومتها مغطيه راسها يعني متشوفني اذا طلعت او لا.. سويت نفسي طلعت فتحت الباب وسديته و رحت وگفت يم الجرباية يعني من تگوم بس اني اشوفها... شويه ووخرت الغطة مشافتني گامت بسرعه ركضت رادت تطلع رحت لزمتها بسرعه من خصرها من ورة... ها يلمريضه اشو تركضين هههه

ايديث: هااا.. عع عمو مو طلعت انت هاي شجابك..

سلمان: اي غير مريضه شلون اعوفج تؤتؤؤ شوف المرض شمسوي بيج...

ايديث: احمم.. اريد اروح لغرفتي..

سلمان: ممممم اوك روحي بس بشرط..

ايديث: عمو شو تشرط؟- التفت عليه..

سلمان: اوي عود عصبتي هسة انتي؟

ايديث: عممووو مو بلشنا

سلمان: المهم هسة متطلعين غير بس بشرط..

ايديث: تفضل عيني امرنا لله..

سلمان: امممم- اشرت ع خدي..

ايديث: شش.. شنو الشرط

سلمان: امممم..

ايديث: شنوو

سلمان: يعني الا اكلج بوسيني.

ايديث: سلمان يااا شبيك- توترت وخجلت وخدودي متعرف تسكت لازم تفضحني وتحمر..

سلمان: تبوسيني لو اغير المكان بسرعه ل. 3

1
2
ايديث: رفعت رجليناتي بسرعه قبلت خده بسرعه و ركضت طلعت برا الغرفه من الخجل... ولله اصلا اني صايرة خفيفه خلاص اخر مره اخر مره يماااه خجل..- رحت لغرفتي ع السريع.. طلعت ملابس جديده و دخلت للحمام اخذت شاور وطلعت جففت شعري وسويت روتين بشرتي وخليت عطري و طلعت للمطبخ.. لگيت عمو هناك واگف ع الستيج و يشرب قهوته ف مريت من كدامه گال..