احبني خاطف ( مكتمله)

بارت 19

سلمان.. لأيديث..

أعدك سأحبك بأسوأ حالاتك و أجملها ♡

ــــــــــــــــــــــــــــــ

سلمان: فدوة شوفيها ما كعدت.. ااه..- خليت ايدي ع گلبي عندي الم بالمكان..

الممرضه: ترا ميصير هيج تگعد گبل ما شاءالله شلون هيج استجابيت بسرعه للعمليه وگعدت.. اغلب الناس يدخلون بغيبوبة ورة هل عمليه انت بسرعه گعدت ماشاءلله اللهم لا حسد ههههه..

سلمان:- رجعت تمددت..- ربج كريم ب نعمه..

الممرضه: يلا خلي اشوف ايديث..-رحت يمها... وشفت علاجها خلص.. وخرت المغذي منها والتنفس الاصطناعي بعد متحتاجه انتظم نبضها.. شويه واشوف عيونها بدت ترمش..حسيت فراشات ماعرف ليش هلگد حبيتها.. ايديث. حبيبتي اگعدي.. تسمعيني؟؟

ايديث:- لا رد.. مرت دقيقتين.. فتحت عيوني فتحة خفيفه كلش.. غواش.. ضليت اغمض وافتح الى ان وضحت.. وفتحت عيوني بتعب مو طبيعي.. احس حتى جفني ثگيل.. فتحت عيني شفت بنيه گدامي لابسه ابيض.. باوعت للغرفه ع جهتي الي نايمه عليها تعبانه مابيه حيل حتى احرك راسي.. ماكو شي غرفه نفس الغرفه الي جنت بيها اخر شي.. بعدني بالمستشفى.. لو شصاير بعد.. حركت لساني ع شفتي يعني عطشانه.. ركضت البنيه جابت الي مي ورفعت الجرباية حتى تتعدل گعدتي بدون ما اتعب.. اخذت الگلاص منها وشربته كُلهه وكأنو مشاربه من قبل..

الممرضه: بعد؟ ..

ايديث: اشرت الها براسي بخجل.. اي..

الممرضه: ابتسمت.. ولا مبين عليها عمرها حتصير 20 سنه..انطيتها المي وشربته وخليت الگلاص..

سلمان: سمعت الممرضه تحجي ويه ايديث عرفت ايديث كعدت حمدت ربي الف مره وشكرته.. ماعرف شلون ارد هذا الجميل لرب االعالمين.. اريد اگوم يمها بس ماكدر الاجهزة كلها محاوطتني رغم احس نفسي نشيط..- فدوة تعالي وخري مني الاجهزة ما بيه شي..

الممرضه: ميصير لازم ع الاقل 3 ايام تبقه عليهم.. لاحگ ع ايديث..

ايديث: سمعت صوت.. سلمان... ما اوصف شعور اللهفه اله.. اشتاقيتله حيل.. ليش ما اجااني. ليش ديطلب منها توخر الاجهزة وعن اي اجهزة يحجي..؟ التفت ع جهة اليسار.. دمعت عيوني.. سلمان نايم بملابس المستشفى والاجهزة نفس الاجهزة الي عليه.. شبيه شصاير ليش هيج ... حجيت بهدوء ويه الممرضه.. لان ماكدر احجي بصوت عالي هو بعيد عني..- ل.. ليش سلمان.. هيج نايم؟ 🥺..

الممرضه: من تصحين نشرحلج كُلشي لتخافين ثنينكم مابيكم الا العافيه.. وماشاءلله ثنينكم گعدتوا بنفس اليوم يعني طاقة گلبكم عاليه...

ايديث: ليش شكوو شنو كعدتوا بنفس اليوم.. شنو طاقه گلبكم عاليه!! فهميني الله يخل...- بعدني ممكمله كلامي اجه سلمان حضني قوي... غمضت عيوني ونزلت دموعي من كد اشتياقي اله.. بادلته الحضن بتعب...- سلمان.. احجيلي شصار مو ع بعضك والممرضه دتحجي حجي غريب فدوة شكو وليش احس صارلي هواية نايمه..