احبني خاطف ( مكتمله)

بارت 18

اللهم عونك إذا بات كل شيء ثقيل..
ـــــــــــــــــــــــــــــ

الدكتور: اهدأ ابني اهدأ وتعال وياية..

سلمان: دكتور الله يخليك شهدأ ما تگلي اني روحي واصله لخشمي تگُلي اهدأ..

الدكتور: ابني لازم تهدأ حتى تستقبل الي راح اگوله الك ليصير بيك شي تعال لمكتبي..

سلمان: امري للكعبه..- مشيت وياه لمكتبه.. كعدت وشربت مي حسب اوامره.. يلا دكتور فضني مو فتيته لگلبي..

الدكتور: اخي المريضه ايديث كدامها فقط اسبوع واحد.. يحتاجلها متبرع بالقلب وحالياً احنا ماعندنا متبرعين.. اذا تسأل شلون ناخذ متبرعين ف اگُلك انو الشخص قبل وفاته يكون موافق انو ناخذ اعضائه اذا كانت سليمه طبعاً وخاصتاً القلب... حالياً ماعندنا غير شخص واحد مريض وموافق انو ناخذ قلبه في حال وفاته.. ف ماعرف بعد هي وحظها يا تموت يا تعيش..

سلمان: ش.. شش.. شنوووو!! دكتور هل عمليه خطررره والبنيه صغيره ما اعتقد تتحمل هيج عمليه فوق الكبرى..

الدكتور: للاسف كلامك صح... ماعندنا غير هذا الحل حتى ننقذها ولتخاف.. دكاترتنا المختصين ممتازين ودائماً عملياتهم ناجحه ف لتخاف.. اؤمن برب العالمين حتى كلشي يمشي تمام..

سلمان:- تنهدت بتعب.. كله من وراية.. شسوي يربي.. اتبرع الها اني؟ بس هيج اني الي راح افقد حياتي... ااخ يارب ساعدني... بعد تعب تفكير خلص استعديت اني اتبرع بگلبي الها في سبيل انو تعيش هي...-دكتور..

الدكتور: تفضل..

سلمان: يصير شخص بموافقته وهو عايش انو يتبرع بقلبه؟

الدكتور: طبعاً شي اكيد بس لازم يكون مستعد 100٪ لفقدان حياته..

سلمان: خلص اني مستعد اتبرعلها..- بصوت حيل مخنوگ-

الدكتور: ابني ترا العمليه خطره انتظر اسبوع اقل بلكي نلگه متبرع..

سلمان: گلت اني مستعد واريدها هسة تجرى هذي العمليه..- بعصبيه وهو يحارب دموعه ما تنزل...

الدكتور: ابني لا تتسرع.. وفكر بالموضوع عندك مده ترا هاي مسألة حياة وموت مو لعبة ع الاقل منا لباجر اخذلك وقت وشوف اذا تبقه ع قرارك احنا مستعدين واذا تراجعت.. بعد ننتظر المتبرعين..

سلمان: يعني ماعليها خطر منا لباجر؟؟

الدكتور: ماعليها شي.. هسة اكيد كمل انعاشها لأن بالگوة رجعنا النبض.. هسة تلگاها بنفس غرفة العناية المركزة..

سلمان: تمام.. شكرا دكتور..

الدكتور: اهلا..

سلمان:- طلعت من الغرفه.. واستسلمت وبچيت.. صرت اضعف رَجُل بهاي الفتره.. خلص راح افقد حياتي في سبيل تعيش.. يارب اني استسلمت بعد والي بيه خير انت ارشدني اله.. يا ترجع گلبها لحاله الطبيعي يا تستقبلني الك.. تعبت يا اللهيي..- بقيت بحدود النص ساعه گاعد بجانب غرفة الطبيب وحايرر شسوي الخنگة الي بصدريي مدتروح.. استغفرت ربي و مسحت وجهي ورحت لغرفتها.. كالعادة دخلت وشفتها شلون محاوطتها الاجهزة والاوكسجين الصناعي الي ع وجهها... اخخ يا ايديث اخخ.. شسويتي بيه خليتني ابچي دم عليج واني رجال.. كافي ما مليتي من المرض كافي لعبت نفسي من الي دتمرين بيه ولله.. يعني شفت منج بس دقايق معدوده.. هسة اني الي راح اروح وما تشوفيني بعد.. اسف ايديث.. بس ماعندي غير حل.. انتي قوية راح تگدرين تعيشين وحدج.. ما ينطيني گلبي اعوفج واروح.. بس شسوي.. گعدي وگوليلي شنو اسوي..- بعد ما حجيت كل الي بگلبي الهاا.. استسلمت واخذت قراري انو خلص باجر تتم العمليه.. گمت توضيت وصليت ركعتين استخاره لله.. كملت ورحت تمددت ع الكرويته او ( قنفه) الي بالغرفه.. شوية واستسلمت للنوم..
ــــــــــ ـ
مساء اليوم التالي.. الساعه 12:00 ظهراً..