احبني خاطف ( مكتمله)

بارت 12

ليس كل مايُقال هو الحُب ‏رُبما تكون المحبة الصامتة‏ أشد حقيقة .

ـــــــــــــــــــــــــــــــــ
ايديث: نزلنا اني وعمو من فوگ... واني عندي شوية توتر.. ف انزل واني بالي اصلا مو يم الدرج انزل بدون ما اباوع عمو جان ينزل وراية ف. قبل لا اوصل للدرجة الاخيرة اجتني دوخة خفيفة ووگعت ع الگاع يعني جانت فرق درجايه وحده.. ااييي راسي..

سلمان: جنت انزل وراها ومنتبهلها متوتره.. يمكن تسرعت.. مادري صح الي سويته لو غلط بس خلاص احسن من ما اضم عليها وياخذها مني ذاك الغريب.. بين تفكيري وتشتتي راح بالي عنهها.. فجئه اشوفها وگعت ركضت الها بسرعه.. اييديث.. استغفرلله.. شبيج يمعوده غير تنتببهين..

ايديث: عمو دايخة..

سلمان:- بهل لحظة توترت وتشتت اكثر مو من عوايدي ماعرف.. شلتها من الگاع بدون ما اباوعلها اتوتر زايد..

ايديث: انصدمت من شالني عمو وحجيت بداخلي.. هاي ليش شالني ردت اگوم ولله..- بلعت ريقي وباوعتله متوتره.. دخلني بغرفتي وخلاني ع جربايتي..

سلمان: خو متعورتي هواية..

ايديث: ها.. لا لا قليل وهسة تروح.. رروح روح نام حنام اني..- توترت حيل سحبت الغطه ونمت وغطيت نفسي..

سلمان: - ابتسمت ع خجلها و توترها ثنينا توترتنا بسبب فعلتي.. يلا عسا ولعل تقبل.. عفتها و رحت لغرفتي طلعت غير ملابس و دخلت للحمام اسبح شويه حتى يروح التوتر شوية وانام..كملت ولبست ملابسي وطلعت لغرفتي ذبيت نفسي ع الجرباية تعبت اليوم..

دقايق واستسلموا للنوم...

ــــــــــــــــــ

الصبح..

ايديث: گعدت الصبح الساعه ب 9:30.. حسيت ب خمول شوية.. سميت بأسم الله و بلشت يومي.. گمت للحمام اخذت حمام حتر اتنشط وبدلت ملابسي وتجددت للصلاة وطلعت.. اول شي صليت الصبح وقريت صفحتين من القرآن الكريم.. كملت لميت السجادة وگعدت گدام المراية نشفت شعري بالشسوار ومشطته وشلته ذيل حصان مثل منگول ههه.. كملت ورطبت وجهي وشفايفي..وخليت العطر الخفيف وطلعت للمطبخ ودا امد بجسمي.. شفت عمو بالمطبخ ديسوي قهوته.. ف تحمحمت وسويت نفسي نسيت الي صار البارحة..

سلمان: صباح الخير يحلوة..

ايديث: صباح النور س.. سلمان

سلمان: اااه واخيرا سلمان..

ايديث: هفف عمو ما ارتاح اذا ما اصيحلك عمو.

سلمان: براحتك ياعيني ما ضغطت عليج.. يلا تعاي اسويلج عصير فريش لو قهوة شنو تريدين؟

ايديث: ممم عصير بس اني اسوي ماعندي شي..

سلمان: گعدي انتِ تعبانه اني اسوي.. روحي گعدي ايفلين..