احبني خاطف ( مكتمله)

بارت 20 والاخير

اللهمّ لا تحبط لي دعوةً تمنّاها قلبي♥️🍂..
ــــــــــــــــــــــــــــــــ

سلمان:- جنت اضرب بيه بقوة بس خلاني اتوقف واتجمد بمكاني جملته الاخيره...

ايلياس: لو تضرب بيه منا لباجر ما اهتم بعد اخذت الاريده وحققت مبتغايه وخليتك تحت الامر الواقع...- دفع ايد سلمان وگام..- شنو شعبالكك؟ اعوفها الك..

- بهل اثناء دخلوا الشرطة بسرعه يكتفون بيه ويضربهم ويفتح ايديه منهم...

ايلياس: لو تموت متبقه ايديث الك.. خليها حسره كدامك ومتكدر تلمسها... وخروووا عنييي..- ضرب الامن هددوه بالسلاح يلا استسلم...- ولله لأخليك تتندم اكثر لان عبالك حتاخذها مني؟.. عبالك تفلت لا والحق.. هههههه

سلمان: ماعرف شلون لزمت نفسي وما انهاريت عليه بالضرب.. بس ما مصدكه مستحيل!!! هو ديحجي هيج حتى يغيضني.. طلعوه واني بعدني بصدمتي..حبيبتي راحت مني! مم..مستحيل قطع افكاري.. صوت اهاتهاا وتبجي.. طلعتلها اركض لگيت الممرضه يمها وملبستها ملابس جديده.. شش.. شبيها الله يخليج... احجييي..

الممرضه: متعرضه لضرب خفيف وبداية تعدي للاسف مطفي الكاميرات قبل ليبلش عمليته العاه*ر... وهسة دتتألم من جسمها.. وماكدر ادخلها للحمام...

سلمان: . اريد احجي بعد ما اكدر صدمه اجتني.. الم ب گلبي صار مو طبيعي...دوخة.. وگعت وما حسيت غير اني ب سريري وعليه الاوكسجين... وخرته وتنهدت حييييل... اريد احد يمي ماكوو.. بس ايدييث يمي .. باوعتلها ودموعي كامت تنزل عشرة عشرة.. خلص راحت مني وسواها الكلب.. ولله لأنتقم منك واخليك تتعفن بالسجون يا گوا***........

مرت الايام ع نفس الحال ايديث تگعد شوية وبس ساكته ع المغذيات واني من اخر مشكله ويه اييلياس ميخلوني اتحرك لأن تخربطت كلش هواية وخاصتا گلبي مو مال شخص صاحي تماما تماما.........

مرت ،،، 6 شهور احنا بالمستشفى ايفلين ماعرف عنها شي وماكدر اروحلها منو بحالها هسة هم خطيه... حالتنا تحسنت بس ايديث ع اثر الصدمه..صار عندها فقد نطق مؤقت.. حاولت احاجي ايديث اكثر من مره مترد عليه حقها صدمتها وحده ورة الثانيه... وبيوم اجوا كادر دكاتره.. وتفحصونا اني وايديث صار وقت خروجنا من المستشفى گمت اني ولميت غراضها وغراضي وهي دخلت سبحت. وطلعت مثل كل مره لا تباوعلي ولا تحجي وكأنما هي وحدها بهل عالم... عايشه ع المغذي .... كلت مستحيل بعد احجيلها سالفة گلبها اكيد نستها بعد تنصدم اكثر.. نشفت شعرها ولزمت ايدها وطلعنا من المستشفى.. اخذت تكسي ورجعت للبيت سيارتي الظاهر رجعوها ماعرف شلون... رجعنا للبيت... نزلت اني واشوف ايديث بعدها بالسيارة.. نزلت دموعها شبه فرحت.. واخيرا تحرك شي بأيديث.. فتحت بابها كلتلها انزلي يروح سلمان...

ايديث:... مرت ع الحادثه تقريباً 6 شهور واني متت لكن ع قيد الحياة ايلياس كرهني بحياتي خلاني اعيش عقدة نفسيه وصراعات كثيرة بيني وبين نفسي .. خلاني مريضه نفسيا... اغصتبني و اخذ صحتي وعافيتي وخطفني وعذبني انواع العذاب الي سردته الكم هو نقطة من بحر...سلمان صار شي عادي مادري شصار بيه شنو هل تغيير.. وصلنا لبيتنا.. ااه وصلت لحياتي.. اشتاقيتله هواية اشتاقيت لأختي اشتاقيت لمطبخ ماما وغرفة بابا وغرفتي.. اختي؟؟؟ منو الها واحنا چنه مرضه؟... بجيت من شفت باب بيتنا متوصخ وكله ببدايته ثلج....- سس... سلمان اختي.. وين..- حجيتها وانفجرت بالبجي وكأنو جنت ضامته من سنين...