احبني خاطف ( مكتمله)

البارت الثالث (3)

هل كان بأمكانك الأفصاح يوماً
عن مشاعرك السعيدة؟
عندما كنت تشعر دائماً بِوُجُومْ
وعلامات الآسى تحمِلُكَ على كاهِل الحياة
حِين كان الجميع ينعتوكْ بِمُتَحَجِّر الشّعور
وكنت تُخبئ جَسدكْ المُمتلئ بالندوب
خَشية الخِذلان .
ــــــــــــــــــــــــــــــ

ملاحظة للي ميعرفون / فلاش باك يعني نرجع للماضي و فلاش ناو يعني نرجع للحاضر يلة اخليكم ويه القصه استمتعوا🤎
ــــــــــــــــ

فلاش ناو

- بعد ما ايفلين حچت الموقف وذكرت ايديث باللي صار -

ايديث: امم لسان متعرفين تنسين؟

ايفلين: لا ما انسه لأن احتاجهم شوفي هسة احتاجيتها ههه

ايديث: ديلا گومي ح اروح اسوي الجاي اني..

ايفلين: اوك جايه..

....
ايديث..

عفت ايفلين بغرفتها وطلعت دا اسوي بالجاي افكر مره ثانيه شلون راح اشوف عمو للمره الثانيه .. ايديث الغبيهه مرتين تتفشلين ويه عمو خلاص بعد ما ابچي.. اافف يا ربي مابيديي شي ها حساسيتي يعني اني شعليهه...بهل اثناء حسيت حرارة بأصبعي.. واجه عمو يركض طفه النارر انتبهتت لگيت الجاي فاير ومتبدي وانچوييت ... ااخخخ اصبعي

سلمان: شبيج متنتببهين ياعيني تعايي- اخذ عمو اصبعي وغسله بالمي البارد واني صافنه بيه ومستحيه..

سلمان: - طق اصبعه بوجهي- ها يمعوده وين شارده هيج حلو اني ههه

ايديث: هاا لا.. اي شسمهه

سلمان: يمعوده اهدأي شبيج هههه

ايديث: ععمو اسفه ع البارحة ولله مو قصدي..- مدنگه راسي واحجي-

سلمان: اولا رفعي راسج واحجي ثانيا شنو المو قصدج تضوجيني او مو قصدج تنامين يمي؟

ايديث: ثنينهم- رفعت راسي وباوعتله-

سلمان: ترا عادي ايدو اني مو غريب اني مثل اخوكم او ابووكم شتحسبوني حسبوني بس مو غريب لتستحين مني وما اريد تعتذرين مني بعد

ايديث: اوك عمو انشالله.. هسة يلا گعدوا ع الريوگ حتتأخرون

سلمان: يلا و انتِ هم تعالي

ايديث: اي اكيد اجي ..

ايفلين: ديلا عاد مو متت جوع وانتوا تسولفون

ايديث: اجينه يمعوده لتسبينه ههه

- گعدنا كلنا ع الريوگ وبلشنا ناكل.. واني يشغل بالي تفكير اگول لعمو ح ادور شغل اليوم لو اسكت.. لاححظ عمو القلق عليه..

سلمان: اكوو شي ايديث؟ شو مو ع بعضج؟ وعيونج تروح منا وومنا

ايديث: ها.. لا عمو ماكو شي بس راح اگوم ابدل ملابسي حتى اخذ ايفو للمدرسة