احبني خاطف ( مكتمله)

بارت 14

هلاو حبايبي🥺♥ شلونكم مشتاقتلكم كلش هواية.. طبعا اسفه منشرت بس ولله امتحانات ودراسة مدا الحك افتح الفون انشالله اليوم احلى بارت لعيونكم الجميله استمتعوا🥺♥..

ـــــــــــــــــــــــــــــــــ

سلمان: اايديث شو باوعيلي ايديث- شفتها كامت ترجف ووجها احمر من البجي خفت عليها حيل ما انكر بلشت اصحى ع نفسي شنو الي سويته اني شلون اشك بأيديث قبل ما اسمع منها شلون بكلمتين غيرني عليها الكلب... يمكن جذب بس حتى يفرقني عنها.. لزمت كتفها وهزيتها لان عيونها تغمض وترجع عرفت راح توكع مره ثانيه وافقدها للابد..- شو تعالي گعددي تسمعيني ايديث.. كعدتها ع الكرويته ورحت جبتلها مي بسرعه من المطبخ وشربتهيا بس عيونها خامله كلش... ايديث جاوبيني تحسين ب شي؟

ايديث: .. كعدت و خفت الدوخه شوية ورا مشربت المي وهدأت بس احس الم براسي كلش قوي جاوبته بهدوء.. مابيه شي.. وحتى لو بيه هيج يهمك؟

سلمان: - گعدت كدامها ع ركبتي بالگاع. وتنهدت- لو ما يهمني ميصير كل هذا..

ايديث: زين انت متعرف ايديث شنو بحيث صدكت شخص غريب ومصدگتها؟ انت متأكد تحبني؟

سلمان: وشنو الي يأكدلج ما احبج؟

ايديث: لو تحبني تثق بيه وخاصتا ع حجايتك سنتين تحبني يعني دارسني وتعرف شنو بداخلي وشنو اني وشنو الي من سابع المستحيلات اسويه.. بس خلاص م...-مكملت حجيي خله اصبعه ع حلگي-..

سلمان: اشش .. كافي لتحجين بعد انت تعبانه..

ايديث: اباوعله وماعرف شلون اوصفه بس عيوني ب عيونه و تنزل دموعي..

سلمان: اي ليش تبجين..- مسحت دموعها وتقربت اكثر الها..

ايديث: ليش وخرت كل ذرة مشاعر جانت عندي الك و بأول يوم النا.. وبعد ما حاولت احبك و حبيتك ب يوم واحد بسس يعني اني احبك بس مجنت مستعده والبجي الي سمعته بالغرفه هذا لان اني خايفه عليك و ع مشاعرك لان اني زعطوطه وماعرف بسوالف الحب خفت اضلمك بس بعدين عرفت اني احبك و راح احبك اكثر.. بس الضاهر ممقسوملنا نبقه سوية..- وگفت ردت اروح.. سحبني لحضنه.

سلمان: اسف ايديث حبابة خلي ننسه الي راح ولله هستوني وعيت ع نفسي وعرفت الي كاعد اسويه غلط ماعرف شصارلي وسمعت بس منه وما فهمت منج.. اسف ولله ما اريد اخسرج اسف..

ايديث:- سحبني لحضنه بجيت اكثر واكثر ورا ما كمل كلامه دفعته بخفه.. الي يشك بيه مره يشك الف مره..

سلمان: ايديث عيونج راحت كافي بجي لخاطر الله كافي مو مرديته لگلبي مرد اسف ولله مستعد كلشي اسوي ادري غلطان ولله ومادري شنو الي خلاني اصدگ بأيلياس الكلب وافقد عليج اسف...

ايديث: ايلياس؟ يعني ايلياس هو الي گالك هل حجي؟

سلمان: لعد منو يلفاهيه منو ممكن يتهمج بهيج تهمه حتى ياخذج مني ولله شنو يحبج..